، دنقت وبدت تشيل القزاز .. نزل معها وقال وهو يّلم : لا توافقين على زياد ، ناظرت فيه بصدمه والقزازه بيدها وقالت : ليه ، قاطعتهم خيريه بالمكنسه ..
صباح اليوم الثاني وبداية أسبوع جديد ..
في احد ثانويات الرياض ..
دخلت ريم المدرسه الساعه ٨ حَكّم ..
استاذة التأخير : وكالعادة يا ريم تاخير ! اكتبي تاخير ، قربت منها وكوبها بيدها وقالت بهدوء : حسستيني اني زعلانه على كتابة التأخير ترا لا تودي ولا تجيب ، الأستاذة : لا حول بدينا مرادده ؟ اقولك وقعي ، وقعت ومشت لفصلها ،
دخلت الفصل وشافت استاذة الرياضيات تشرح ، دخلت ناوية تجلس مكانها .. ،
مسكتها الاستاذه مع كتفها ورجعتها خطوتين لورا .. ، ريم : اتركيني ولا تمسكيني ! ، الاستاذه : في شي اسمه السلام عليكم ولا اهلك ماعلموك ، ريم : ايش دخل اهلي ! ، الاستاذه : انزلي جيبي لي ورقه من الوكيله وقولي لها أنا متأخره عن الحصه نص ساعه ودخلت وسلمت، صرخت ريم من مسكت الاستاذه معصم يدها وقالت : كسسر يكسر أيدك اقولك اتركييني ! ، دفت الأستاذة وطلعت نازلة للوكيلة ،
دخلت مكتب الوكيله وصرخت بأعلى صوتها : دقوا على ابوي الحين وأستاذة الرياضيات نزلوها تتفاهم مع ولية امري ! ، الوكيلة : ايش صاير مع هالصباح ، ريم : أنا تقولي اهلك ما ربوك وتضربني وتدفني ! وين عايشييين، الوكيلة : استهدي بالله طيب واجلسي .. ، قاطعتها ريم وصرخت وقالت : هذي فيها شكوه عالمدرسه إذا حاولتي تمشينها يا استاذة وربي لتوصل لمحاكم تفهمون ! ، دخلت المديره على حس ريم وقالت : عسا ماشر ، قامت ريم من كرسيها وقالت : استاذة الرياضيات ضربتني ! يرضيك هالكلام كمديرة ! ولا بتتسترين على الاستاذه وتمشينها ! دقي على ولي امري الان ! ،
حاولت الوكيلة تهديها الين دخلت استاذة الرياضيات للإدارة ،
في مكتب الوكيلة .. ، ريم جالسه على الكرسي مكتب الوكيلة والوكيلة جالسه على مكتبها والمديرة واقفه جنب الاستاذه ، ريم : مارح أتكلم إلا وولية امري قدامي ، أستاذه الرياضيات : عشاني قلت لك سلمي.. ،ريم : مالك كلام معي الين تحضر ولية امري هننا ! ، دقت المديرة على ام ريم وردت ام ريم وقالت : عطيني ريم ، ريم بنبرة باكيه : ايوا ماما ، ام ريم : سلامات يا ماما ايش في ، ريم : يا ماما الأستاذة ضربتني ! ، ام ريم : يا ماما اصبري عشر دقايق وانا عندك ،
دخلت ام ريم للمدرسه وتوجهت للإدارة ، فتحت الباب وصرخت وهي تقول : وين الي ضربت بنتي ، دخلت مكتب الوكيلة وشافت بنتها جالسه الاستاذه موجوده ، المديرة : عفوا يا ام ريم خلينا نسمع منهم لأنها مارضت تتكلم إلا وانتي موجوده ، بدت تتكلم ريم وقالت : كنت داخله الفصل طبيعي حالي حال اي بنت ووقفتني وقالت انتي اهلك ماربوك ! ودفتني مع كتفي ومسكت معصم.. ، صرخت ام ريم وقالت : لا تطالعين في بنتي كذا يا مريضه ، مسكتها المديره وكملت ريم : ومسكت معصمي بقوه وجرتني للباب بعدين أنا دفيتها وطلعت ! استاذة نوف شوفي معصمي ، ورتهم معصمها الي كان محمر ، لفت ام ريم على الاستاذه وصرخت فيها وقالت : خليني اطلع تقرير طبي والله ماتسلمين ، المديره : خلاص نكتب الاستاذه تعهد.. ، رفعت سبابتها تأشر على الوكيلة والمديره والاستاذه وقالت : حق بنتي رح يجيها منكم انتو الثالثه ، المديره : استهدي بالله يا ام ريم ماتوصل تقرير طبي ودنيا استاذة نوف بتعتذر لريم ومارح تتكرر هالحركة أبدا ، استاذة نوف : اعتذر وما رح اكررها ، ريم : مو مقبول ! تعتذرين لي قدام البنات زي ماضربتيني قدامهم ، طلعوا فوق خمستهم ودخلوا الفصل ، استاذة نوف بصوت عالي لأجل يسمعونها البنات : أنا اعتذر لك يا ريم عن ما حصل قبل حصه ومارح اكررها ، ناظرتها ريم من فوق لتحت ودخلت تجلس عند صحباتها .. ، أشواق : وش سويتي ! ، ريم : وحده من أفلامي عليهم ، ميار : تستهبلين ! حكيني ، ريم وهي ميته ضحك : ألتنت ثابت يا بنات الحمد الله مافشلني! ، رفعت يدها توريهم معصمها المحمر وقالت : قبل ما اروح المديره دخلت الحمام وحطيت على معصمي تنت، ضحكوا البنات وقالت ريم : أربيها ذالحقيره مع هالصبح ، أشواق : ايش صار ! ، ابتسمت ريم بخبث وبدت تحكيهم ايش صار بالإدارة بالتفصيل..
