اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
راح انس معا صحابو وانا قعدت وحدي في طابلة حتى نشوف وحدة كنت شفتها قبل في تيليفون انس وعرفت من صوتها بلي هية مروة بغيت نرد حقي منهم في هاد الحفلة نضت قعدت نتعرف على النسا لي كاينات تنا وكان مام اني يعيطلي نشوف شي ناس تما جات فايتة عليا مروة دفقت عليا قهوة حامية انحرقت من يدي بيها بهدلتها تبهديلة تاع كلاب حاشاكم فشيت فيها زعاني زعما قعدت تبكي باه تشفهم رحت لي توالات غسلت ايدي وخرجت لقيت انس عند الباب داني للجاردان بهدلني على جالها وهية الغالطة عاد ماسكتش وقتلو: ماعندكش الحق تبهدلني على جال وحدة كاشي متربية وهية لي غالطة وماكان مادخلك فيا ندير اي راني حاباتو انا موش نتا ورحت خليته يغلي قعدت نشوف في التاقة كانت محلولة وقعدت نتامل في السما والنجوم منظر ينسيك قاع الهموم سبحان الله حتى نلقى انور حدايا شفيتو عليه لي كان حدايا في الطيارة قالي:مايا راكي هنا حتى نتي راكي هنا مايا: ايه والله غير بسيف حفلاتهم يقنطو انور: انا مول الحفلة هادي مايا: ياريت الارض تنشق وتبلعني...سمحلي ماكانش قصدي بصح انور: لا لا ماتقولي والو تعجبني الصراحة وماك انا قنطتني الحق هههه واش راكي ديري هنا ؟ حتى يقاطعهم انس ويقول: مايا راكي هنا من الصباح وانا نحوس عليك عمري...اووه كاري معا موسيو انور هادا هوا لي حكيتلك عليه كي هودنا من الطيارة مايا: والله هادا هوا كان مريح حدايا في الطيارة شفت الصدفة انور: هادي مرتك انس ؟ انس: وي مرتي العزيزة والمدللة نتاع راجلها مايا فعست على رجل انس بالدرڨة زعما تاع اسكت راك ڨعرتها انس: موسيو انور سمحلينا دقيقة مايا راه دارها الطالون نسڨدوه ونوليلك مالك راكي قلعتيلي رجل يا المخلوقة مايا: هاد الراجل نعرفه هدرت انا وياه بزاف في الطيارة كان مجمع حدايا...وزيد كيفاه تقولو المدللة انس: مايا نيتك خاسرة هههههه مايا: لا ماشي هاك...هههههه الله يهديك مريض ولا انس وانور هدرو في الخدمة بزاف كلاو المعازيم وجا وقت الرقص في الساحة جا انس لعند مايا ومد ايده ليها بكل رومنسية وطلب انها ترقص معاه قبلت ورقصو والناس كل معجبين بيهم في بالهم عصافير الحب
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وكملو و سفقو ليهم انس حس روحه ربح المساهمين وكل هادا بفضل مايا كملت الحفلة وراح انس ومايا وفي الطريق قعدو يهدرو على الحفلة انس: مايا بغيت نقلك شكرا خاطر عاونتيني اليوم معا كامل زاش درت معاك مايا: هاد شي مكتوب في العقد انا قدام الناس كيما عصافير الحب مارانيش دايراتو فيك هاكا ونزلت (ههه الرومنسية 0عند مايا) طلعو للاوتال فرشت لانس وليها ورقدو...الصباح لاخر ناضت مياي هية اللولة وقعدت تشوف في انس وتتامل فيه وتقول معا روحها تمنيت كون تزوجنا بالرضا تاعنا في زوج ماشي مصلحة مي درماج نتا لي بديت اللول في الحرب وانا راني واجدة ننتاقم منك...
