وصلو للسبيطار 🏨 وداو انس لغرفة العمليات ومايا عيطت دارهم ودار انس و جات مروة لي سمعت بالخبر وقعدو برة يقراو في القرآن و يستناو في الطبيب يخرج يطمنهم عليه... شوية ويجي الطبيب خارج وقال ليهم بلي راه مليح خصه غير الراحة ويقدرو يخرجوه اليوم وزادو قعدو حتى خرجت الممرضة وقاتليهم راه باغي يشوف مروة دارنا توسوسو كيفاه باغي يشوف هاد البنت قبل مرته وداره وسقساو دار انس شكون مروة قال عمي الحبيب بلي مروة صديقة الطفولة تاع انس...انا في بالي غادي يعيطلي ويعتارفلي ساعا والو انا ديجا من اللول زواجنا كان غلطة علاه راني نستناه يعتارفلي هوا يحب مروة ومن بعد 6 اشهر رايحين نطلقو...
جينا مخرجينه وعجوزتي قاتلينا اليوم راكم قاع معروضين عندي وماما نطقت وقالت وحنا غدوة مشينا وعطاتنا شومبرة نباتو فيها انا وانس سڨدتلو الفراش وغطيتو وراح رقد... وبدلت قشي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
جاية نازلة حتى نسمع شيخي وعجوزتي يهدرو على مروة وقالو فيها العجب باينة يكرهوها
شيخي: انا زوجته باه تبعد عليه ديك الطماعة ساعا دارها ولدك عشيقته وحشمني قدام صاحبي باغي يشوفها قبل مايشوفنا حنا ولا مرتو
عزوجتي: صاي صاي كي يفيق راني نهدر معاه غي سكت لايسمعونا ياله ننزلو راه عندنا ضياف نزلت قبلهم ورحت نهدر معا ماما سقساتني كي رانا انا وانس علاقتنا المهم ما خبرتها والو على العقد وقتليها بلي رانا ملاح وما خصنا والو
نضت نطيب معا عزوجتي وقعدنا نهدرو
قاتلي: مايا بنتي تعرفي مروة وعلاقتها بانس
مايا: ايه كان يحكيلي عليها بلي صديقة الطفولة
عزوجتي: هه صديقة الطفولة ولاحب الطفولة
مايا: ايه علابالي بصح راكي قلتيها الطفولة
عزوجتي: بنتي شدي راجلك عندك وحافظي عليه من مروة خليه يولي يحبك علابالي باي راكو مجبورين على الزواج بصح تقدرو تبدلو المصلحة بالحب
قعدت ساكتة ماغاديش نلقص فيه وانا لي قعدت معاه كي مرض وكي فاق عيط لمروة جامي وغادي نتعامل برود معاه
وجدنا الغذا ورحت نوضت انس وعاونتو باه ينزل الدروج...تغذينا وضحكنا نقينا وجيت طالعة حتى ينطق
انس: ايه يامرتي ماتجيش تعاونيني نطلع
مايا: خالتي قبيلة قاتلي خليني انا نطلعو انا غير كذبتها مابغيتش نقعد قريبة ليه
عزوجتي: مم ايه ايه انا قلتليها
انس فاق بينا طلعاتو يماه نفس الهدرة لي قالتهالي اني نحبو عاودت قالها لانس..
