الأستاذ المتملك 🤤🇲🇦🔥

اللقاء 🌚

فقت مع الصباح كما العادة فايقة دايخة وشعري مشعكك ومخسرة بالنعاس تهضر معايا نتلاح عليك 😰فايقة على غوات ماما كيف العادة صابحة تعيط منرتاحوش من ديك المدرسة اخخ

فاطمة : وتي نوضي نوضي راه تعطلتي امتى غاتفطري وامتى تلبسي تخرجي تمشي لقرايتك، وهيااااااااااااااااااااا ميمتي اشوالدة من كرشي الناس والدين الولاد مايعاودوش الهضرة من وراهم وانا والدة الطيور كيطيرو 🤦‍♀️
وماما وبلاتي غير شوية .لحت عليا المانطا وخليتها كتغوت .

فاطمة : ( جاية هازة السندالة )وتي نوضي ولا غاتاكليها وهادي يازينب بنيتي تجيك للكمارة ، انا غير سمعتها نضت كنجري حيت عارفة دقت ديك السندالة شحال كتخلي البلاصة حمرا وتخليك كتحكي فيها سيمانة 😂(المغارية كاملين مجربينها 😂)

لبست حوايجي وفطرت شربت اتاي وكليت الخبز مع الفروماج والكوفيريت ( زعمة الكوفيتير 😂)
وخرجت بحالي كتوباتي مبدلتهمش حيت مامسوقاش لديك المدرسة الزينة تاواحك مكنحمل فيها عندي صحبتي وحدة سميتها هاجر

هاجر قصيرة وشعرها عسلي وعينيها قهويين غليوضة ومطيبزة السيدة كيوووت 💓😭

وصلت لديك المدرسة لي مافيها مايتشاف هاالعميقين هاالبتس هاالمريولين كل واحد وكيداير المهم، تلاقيت مع هاجر كتسكن حدا المدرسة هي ماشي بحالي شوية كنمشي شحال على رجلي عاد كنوصل المهم

قالت ليا :وافين مالكي تعطلتي
قلت ليها وصافي زيدي زيدي راه البارح بقيت سهرانة مع داك الفايس ومنعست حتى ضبرت ليا على روشارج

هاجر : ناري ياختي والله مكتحشمي عارفة راسك عندك حصة السبور عند داك الاستاذ لالمخنزر لي جابوه لينا جديد في بلاصة الاستاذ القديم عارفاه ماغايدخلنا حتى يشبع فينا سبان لاتعطلنا

وتي زيدي نتي خوافة والله تانخرج فيه عينيا نوريه يسبنا ما لنا في عصر الجاهلية

وصلنا الباب ديال التيران تعلقنا في الباب نقزنا حيت بالطبع داك الاستاذ المخنزر 🙄سد الباب طلينا عليه لقيناه داخل للقاعة مشا يجيب باش يقيد عندو الغياب في اللائحة حيت بالطبع العارفة ديال القسم نسات الملف

اخخخ كون يسحاب لينا ديك العوجة غاتنساه كون كملت نعاسي وقلت لمي فاطمة كين إضراب والبنات كيحيدو الطابلية وكيبدلو

المهم دخلنا كنتسلتو بشوية للغرفة الدريسينغ باش نتخباو وقدامنا البنات كيبدلو، حتى عيط علينا وقالينا يلاه غاتبدا الحصة لي مابابسش حوايج السبور غير يتفضل يخرج

المهم انا وصحبتي هاجر كنا بالطبع مالابسينش 😏( شكون كانت كتسنا نقوليها لابسين 😂امبوسي راه مكنحملوش ريحة القرايا 😂)

مع خرجنا تخبينا ورا البنات وكنضحكو وهاجر كتقوليا :اححح تيشوفي ليك التيتيز حسن من داك الاستاذ لي كان 😍