الأستاذ المتملك 🤤🇲🇦🔥

💘مشاعر 💘

رضا : كملت نهاري ومشيت للدار انا ساكن بوحدي عندي واليديا كنمشي نشوفهم في الويكاند، دوشت وكليت وقاديت شي وراق ديال الخدمة ومشيت ننعس مني غمضت عينيا وانا كنفكر فيها علاش كتبقا تشوف فيا هاكاك ، وواش مشيتها هاكاك ولا كتحاول تلعب عليا، واش فعلا كتهضر هاكاك ولا كتقحبن على كري.... بقيت كنفكر حتى نعست

كيف العادة فقت في الصباح على غوات ماما وفطرت ومشيت نقرا ثاني ، في مدرستنا كينة شعبة العلوم الرياضية معرفتش علاش درتها ماشي حبا في الجري والتحنقيز لا غير باش نتهنا من الماط والحساب والحفاضة فبالطبع عندي حصة مع داك الاستاذ المخنزر كل نهار اخخخخ مافيا لي يشوف كمارتو في هاد الصباح 😤

مشيت دخلت لحصة العربية ومنبعدها حصة الاعلاميات كملتهم غير نعاس ماشي حبا في النوم ولكن هاد الحصص كيجيبو ليا الملل والقنطة والنعاس المهم

جات حصة داك المخنزر اخخ مبغيتش نطيح فيه انا باغا نلعب بيه، احم احم تهدني ازينب نتي خاصك تندميه ماشي تطيحي على طرماحتك فيه جمعي كرك

رضا : فقت دوشت كليت درت كولشي هزيت الكونطاك وخرجت ديماريت اللوطو وصلت للمدرسة بقيت شحال واقف مبقاتش تخرج من بالي زينب كولشي فيها زوين مقدرتش نتحكم في راسي جراتني عندها بواحد الطريقة جهنمية

كيفاش ارضا انت بهاد الطول والعرض غادي تطيحك برهوشة بنت الليسي لا لا تحكم فراسك ، بقيت شحال غارق في افكاري و خرجت مشيت للإدارة وقاديت شي وراق ومشيت باش نبدا الحصص لي عندي

جات حصة زينب وكنت موحش نشوف عينيها وموحدة نشوفها جات وعاوتانيص مالابساش وخليتها مبغيتش نجري عليها حيت بغيت نبقا نشوف فيها ومغاديش نمل زينها خطيير بنت الحرام

دخلت عند داك الاستاذ كنا لاعبيين الباسكيط وخلا حتى كولشي مشغول وجرني للقاعة ديالو وحاصرني مع الحيط وقرب مني بزاف على شوية ونيوفنا غايتلاقاو من هنا نقدر نسمع التنفس ديالو قلت ليه ، واش حمق طلق مني واش حماقيني خليني نمشي شنو كدير دابا

رضا : سدي فمك سديه شوية مالكي لسانك لسان لفعة واش بغيتي نحيدو ليك 🤨

لاسميتك راجل ومزغرتا عليك مك مليار تزغريتة ماشي عشرين قرب ليا والله تانجمع عليه الإدارة كاملة 😏

رضا : ههه ههه منيتك واش معارفاش كرك معامن، اوك انا تقولي الزين ديالي ، الواليد لي هو إدريس الديزر الراس الكبير فشي حاجة سميتها وزارة التعليم إذن الحبيبة ديالي لبديها ولا عمرك تحلمي تكملي قرايتك

شكون مسوق ليك ولا لداك إخرير الديزر ديالك خليني نمشي غابحالي دابا، واخر مرة تقول ليا لسانك طويل

رضا : ماغاتسكتيش؟؟؟

لا

رضا : ماغاتسديش دلقوشك؟؟؟؟؟