🧬🔬⚛️ရှေးခေတ် လောကဓာတ်သိပ္ပံပညာသို့ ချဉ်းကပ်ခြင်း🧪🔭🧲

1-ကမ္ဘာ၏ လုံးပတ်အတိုင်းအတာကို ရှာဖွေခြင်း

အထက်ပါ ခေါင်းစဉ်ဟာ မှားယွင်းပြီး တပ်ဆင်ထားခြင်း လုံးဝ မဟုတ်ပါ။ လွန်ခဲ့တဲ့ နှစ်ပေါင်း ၂၂၀၀ကျော်ခန့်က လူသားတစ်ယောက်က ကမ္ဘာရဲ့ လုံးပတ်ကို တိုင်းတာပြခဲ့တယ် ဆိုရင် သင်တို့ ယုံပါမလား။ အဟုတ်ပါပဲ အဲ့ဒီလူသားက ကမ္ဘာရဲ့ လုံးပတ်အတိုင်းအတာကို ဦး‌နှောက်တစ်ခု၊ တုတ်တစ်ချောင်းတည်းနဲ့ တိုင်းတာပြခဲ့ဖူးပါတယ်။ ကမ္ဘာကြီးရဲ့ လုံးပတ်အတိုင်းအတာကို တိုင်းတာရန်အတွက် အဆင့်မြင့် ကွန်ပျူတာတွေ မလိုအပ်ခဲ့သလို အာကသလွန်းပျံယာဉ်စီးကာ ကမ္ဘာကို ပေကြိုးနဲ့ ပတ်ပြီးတိုင်းစရာလည်း မလိုပါ။ ဂြိုဟ်တုများနဲ့လည်း တိုင်းစရာမလိုခဲ့ပေ။ အသိဉာဏ်ရှိသော Homo.sapiensလူသားရဲ့ ဦးနှောက်တစ်ခုနဲ့ တုတ်တစ်ချောင်းသာ လိုအပ်ခဲ့ပေတယ်။
သူက လူသားဘုရားလို့ လူတွေ သိကြတဲ့ ကပိလဝတ်မြို့က မင်းသား သိဒ္ဓတ္ထဂေါတမ........?

မဟုတ်ပါဘူး။

ဒါမှ မဟုတ် ဘုရားသခင်ရဲ့သားတော်လို့ သိကြတဲ့ နာဇရက်မြို့က  လက်သမားဆရာ ယေရှုခရစ်........?

မဟုတ်ပါဘူး။
သူက ဘယ်သူပါလိမ့်? သူက မင်းသား သိဒ္ဓတ္ထဂေါတမအောက် အသက်327နှစ်ငယ်ပြီး လက်သမားဆရာ ယေရှုခရစ်ထက် 280နှစ်လောက်ကြီးပေတယ်။