ခိုင် တစ်ယောက် ကလေးငယ်ကို ပြောလိုက်ပေမယ့် ရင်ဘက်ထဲမှာတော့ ကမ္ဘာတစ်ခုလုံးပြိုကျသွားသလို ခံစားလိုက်ရတယ်
(ငါ ဒီကလေးငယ်ကို တကယ်ပဲ ချစ်မိသွားတာလား ၊ ရှက်ဖို့ကောင်းလိုက်တာ ခိုင်မီမီကျော်ရယ် ၊ နင့်မှာက ကာမပိုင် လင်ယောကျာ်းရှိနေပြီးသားလေ) လို့ တွေးရင်း နဲ့
ကလေးငယ်ဘယ်လောက်ခံစားသွားရမလဲ ဆိုတာ ကို ခိုင် နားလည်တာပေါ့ ( မမ ကို ခွင့် မလွှတ်ပါနဲ့ ကလေးရယ် ၊ ကလေးငယ်ရဲ့ မေတ္တာတွေ နဲ့ ထိုက်တန်သူကိုသာ ကလေးငယ်ရှာဖွေလိုက်ပါနော် )
ကလေးအပေါ် ရက်စက်စွာ ပြောမိတဲ့ စကားတွေကြောင့် ခိုင် တစ်ယောက် ဘယ်လို မှ အိပ်မပျော်ခဲ့ပေ
မိုးသာလင်းသွားတယ် တစ်ရေးမှ မအိပ်ခဲ့ရ ၆ နာရီခွဲတော့ သင်ဇာ မှ
" အမ ခိုင် နိုးပြီးလား"
" နိုးပြီ ညီမ "
" ဒီနေ့ လယ်ထဲလိုက်မှာဆို ထ တော့ လေ အမ "
သင်ဇာ့ စကားကြောင့် ခိုင် ထလိုက်ပေမယ့် ခေါင်းက အရမ်းမူးနေတယ် ငိုထားတဲ့အရှိန်ရော မအိပ်ရတာရော ပါမယ် ထင်တယ်
ခိုင် လယ်ထဲ လိုက်နိုင်မယ် မထင်ဘူး ၊ ဒါပေမယ့် တေဇာကျော် မျက်နှာကိုလဲ မမြင်ချင်ဘူး ခိုင်ဘယ်လို လုပ်ရမယ်မသိ
" အမ " ခိုင် အသံတိတ်နေလို့ ထင်တယ် သင်ဇာ မှ ထပ်ခေါ်လာတယ်
" အမ ခေါင်းအရမ်းမူးနေလို့ သွေးပေါင်ကျနေတယ် ထင်တယ် သင်ဇာ"
" အဲ့တာ ဆိုလဲ နားရင်နားလေ အမ လယ်ထဲမှာကျ နေပူတယ် အမ ခေါင်းပိုမူးနေလိမ့်မယ် "
" အင်းပါ သက်သာရင်တော့ အမ လိုက်လာခဲ့မယ် အခုက တောင်ဘက်လား မြှောက်ဘက်လား သွားမှာ က "
" ဆည်ဘောင်ပေါ် သွားမှာ အမ တောင်ဘက် ကို"
" အင်း အင်း သင်ဇာ" ပြောပြီး ခိုင်ပြန်လဲနေလိုက်တယ်
ဖုန်းကို ယူကာ အင်တာနက်ဖွင့်လိုက်ပြီး ကလေးငယ် အကောင့်ကို ဝင်ကြည့်တော့ ညက ခိုင် ပြောလိုက်တဲ့ အချိန်က ကလေးငယ် ရဲ့ နောက်ဆုံး Active now လေး ဖြစ်နေတယ်
YOU ARE READING
ဆန်းကြယ်သောအချစ်
Hành độngအိမ်ထောင်ရှိပေမယ့် online ပေါ်မှာ ခင်သွားတဲ့ Lesbian ကောင်မလေး နဲ့ ဘယ်လို ငြိသွားမလဲ