#مشلولة
.
.
.
#حلقة4
.
.
.
متشوقة نكتب بارت هدي لان في هلبا احذاث تغيرو 😂😍❤️
____
فاتو سنين زي برق وجا يوم لي نعدي جامعة
2017
أني:كنت مقمعزة في جنينة نشرب في شاهي ونراجي في احمد لي مزال ماصحيش من نوم 😑
حقيت غيث جاي اتجاهي درت روحي مش شايفتة
غيث:بهدوء كيان
أني:درت روحي ماسمعتاش كملت نشرب شاهي
غيث:بعصبية كيان بعد ناديك تقولي نعم مانكلمش في ساس اني 😒
أني:تنرفزت بعد تشوفي ولد عمك لي من لحمك ودمك يفوتك وقت لي تكوني طايحة دروج شن ديري راه لي درته عادي جدا مفروض معش نجي القصر وسافرت مع مهيب 😒
غيث: بعصبية انتي هضا جوك قتلك اكثر من مره مشغول وشركة قعدة في وضع صعب ومشالله مع شباب عيلة مورك لوز لوز الا انا اول ماتشوفيني تحركي كرسي بتاعك وتهربي كانك تشوفي في عدوك مش ولد عمك😠
أني: عيوني تعبو دموع قولها عليش قلت تحركي في كرسي متحرك قوليلي يامشلولة كيف ماقلت لا اسراء وقت تقرمو عليا قولها كنك سكتتت💔
غيث:انصدم كيان فيش تقولي قص عليه احمد
أحمد :شجوك يا برو
غيث:توتر ووخر مسح يده ع شعرا حمدالله
أحمد:كنك تعلي في صوطك ع اختي🤨
أني:قصيت عليه لان واضح ح يصير مشكلة هيا تاخرنا حمودي
غيث:مشا وكلامي يرن في راسة "كيف ماقلت لا اسراء وقت تقرمو عليا قولها كنك سكتتت💔"شن تقصد بي كلام هضا معناها انا امتى قلت لا اسراء هكي؟؟
أني:وصلنا لا جامعة ونزلني أحمد وخشينا جوا ولاحظت انهم يشوفولي بنضرات وحدين بي شفقة وحيدن بي غيرة لاني سمحة وملابسي من أغلى مركات وحدين مشتمتين وكلهم بشوفو لا أحمد يحب ومنعجبين بشخصيته ونسيت نقوللكم أحمد دكتور كيمياء وهوا لي سجلني في جامعة هد لان يبي يراقبني او مش عارفة شني 🙄
______
ميس:طلعت من غرفتها وهيا لابسة بلوزة بيضة وجينز وردي وسندل اسود ووشاح حريري ابيض صباح خير
صالحة :صباح ورد
فادية: صباح شنو توا ساعة 10يا مخمجة
وعد:خالتو وودنيا صبح راه😂😂
ميس:قمعزت ع طاولة الفطور عادي المهم صبحت عليكم ☺️وين لمييس
فادية:تنهدت الله اعلم وين بنت هدي حتا ع خطيبيها ماتردش تبي تحشمني مع جماعة
رباب:توشوش لا رحاب شفتي خطيبها يجري وراها كيف كلب محنه محد دورونا 😕💔
رحاب:عاريفين حظنا كيف وجهنا بس اني مستحيل نستسلم ندور عريس ونخليه يجيني😈
رباب:هضا كان لقيتي تحكمي فيه 🙂
وعد:خلاص نا ماشية غرفتي تبو شي ؟
سوسن:خشت عليهم وهيا تعبانه هي وعد تعالي لا غرفتي
صالحة:سوسن فيك شي؟
سوسن: وهيا راكبة دروج نبيكم بروحكم بعيدن جايبتلكم موضوع هكي كبرة🙌ومشت تكمل طريقها
فادية:فنصت في بنات شن قعدين ديرو نوضو وجهكم لا مطبخ هي 😠
ميس:ناضت بعد فطرت توجعت لا مطبخ أما خوات
رحاب:ماسكة يد اختها نبي نعرف شن تقول مرت عمي انتي بري لا مطبخ
رباب:تنسيش تخبريني😉ومشت ورحاب مسكت تركينة تتصنت 🙂🙌
______
ليل:تغير لا بنتها رن عليها ترفونها شبحت لا متصل سكرت ورن اكثر من مره مرتين ثلاثة بعدها ردت شن تبي انت ادوي؟
فراس:يعيط يلعن ام امك علاش ماترديش وقت لي نرن ؟
ليل:بستفزاز بجوي هو
فراس:تمام رني ع بوي قوليلة يجيب معاه محامي في مركز شرطة نا محبوس
ليل:في خاطرها انشالله ديمه 🙂 به تمام
فراس:ستغرب ماتبيش تعرفي كيف انحبست؟
ليل:لا مانبيش وسكرت
فراس: حقيرة من يوم لي ختفت ليال وهيا متغيرة ومدايرة روحها شريفة وهيا اكبر عار ع عائلة 😒
ليل:تشم في ريحت بنتها لي يهبل يابنتي مانبيش تكوني كيفي او كيف جداك نبيك طاهرة من داخل كيف خالتك ليال نبيك قوية وصعب حد يشوف دمعة في عينك كيف خالتك كيتڤال يارب ارحمها يارب كانت غلطة من ايام مراهقة غلطت ونا مازلت مراهقة بس ح نعترف لا بابا وأمير ولي يصير يصير كيت ماتت بسببي ونالازم نتعاقب في لحظة هدي ليل ياكل فيها ندم وهيا محملة روحها سبب موتي قص كلامها رنين ترفونها وكان مكتوب "اميري"مسحت دموعها لي ينزلو وحطت بنتها لي راقدة ع سريرها وردت ايوا
أمير:لأحظ صوطها مش طبيعي للوش كنك حبي
ليل:بلعت ريقها اءءء مافي شي كنت نلعب مع كيت "بنتهم"ورقدت كساد بلاها 💔
أمير:متاكدة؟
ليل:اها انت وينك
أمير:في جامعة نعطي في محاظرة مزال عندي محاظرتين ونجي لا حوش
ليل:تمام انتبه ع روحك عمري
أمير:سلام وسكر
الكاتبة: خليني نفهمكم بي اختصار ليل وأمير علاقتهم طورت من ايام طفولة لعند توا وأمير تزوجها من سنتين وربي رزقهم بي بنت والبنت هدي ليل سمتها ع كيت الي هيا بطلة قصتنا وواضح انو ليل ندمانه ع لي دارته ف هل ح يقوفو معاها بعد تعترف او يقوفو ضدها سوال مش هنا سوال كيف ح تعترف؟؟؟؟؟؟
ـــــــــــــــــــــــــــــــــ
أنت تقرأ
مشلولة(رويات ليبية)
Misterio / Suspensoروايـة: لـيـبـيـة🤍 الـكـاتـبـة مـتـمـيـزة:زعـيـمـة الـكـريـدة 🤍 عـدد حـلـقـات:10🤍
