عتمات الضياع

Part 5

صِدگ كالوها گادِر بَس عَلينه
شِفتنَه نريد جَيتّك ما تجينه؟
شِفتنَه انحبَك اتحَكمِت بينه ..
نسيت شلون چِنت اويَالگَبلنه ؟
تجينه وتِشتكي كُل مَرّه مِنَه
مسَحنَه دَمعَت عيونَك بدينه
صِدك كالوها كادر بَس عَلينه .

بقلم: الكاتبه لاقيس

يلا چقونه بتصويت وانه اچقگم ببوسه💋
+تغاضو عن الاخطأ الاملأيه حبايب
𓎖𓎖𓎖𓎖𓎖𓎖𓎖𓎖𓎖𓎖𓎖𓎖𓎖𓎖𓎖𓎖𓎖𓎖

فهد:-طلعت من غرفه عتمه مختنك طلعت بره البيت افتر بالشارع واحش الجكاير وافكر
ليش هل مصايب تجول على عمري؟ ليش من دون الناس عايش يتعاسه؟ ليش هل عذاب الاعيشه لا بطفولته ولا بشبابي تهنيت؟ وين راح يگضي بيهه الدرب؟ هذا اليتسمى ابوي ليش هيج يعاملني؟
طفيت اخر جگاره وگمت وقررت...
رجعت للبيت صعدت لعتمه بستهه بخدهه وشميت ريحتهه تحركت مزعوجه رجعت نزلت لعلي كاعد على القنفه رحتله شبگته ضحك
علي: ها ولك افيهد اشو اليوم تشبگني

: چا غير مشتاقلك ابوي انتَ

كضني من جتافه وكال مضيق عيونه
: عندك سالفهولك هم مسوي مكسوره؟

: لالا مامسوي بس مشتاقلك

هز راسه ضليت شابكه وابوس بخده وهو ولا مرتاح وخرت منه ورحت لغرفتي طلعت السلاح حطيته براسي ووكفت كدام الامرايه نزلت دمعه من عيني

فهد:يارب اسف انه مو كد أمانه الروح تعذبت كلش ذبحو طفولتي وشبابي موتوني وانه عايش اللهم استودعك عيوني الاثنين اخوانه ربي ارزقهم بحياة حلو كافي مامتهني بحياتي تعبتتت حيللل تعبت ومزيد حمل على علي حاير بيهه

سحبت اقسام بتردد وانه اكول
: ربي عفوك ربي عفوك

حطيته براسي اجت صورتهم كدامي ابتسمت وغمضت
: يابعد كل صرخه ضلت بروحي انتم

بعد هل جمله مباشراً انفتح الباب وماشوف الا علي ركض سحب السلاح من ايدي وشبكني الصدره وهو يرجف ويصيح
: ليششش لييييش

طحت بحضنه منهااار ابچي وهو حضني قووي
فهد: تعععبت خل اخللللص تعببببت

ضربني راشدي على خدي
علي: ولللك تريد تنتققم منييي تريد تهد حيلللييي لك شلووون انطاااك گلبكك تعوووفنهه

: تعععبببت اريييد اموووت اريييد ارتااااح

: منوووو المرتاااح ولك بس كلييي منوووو؟؟؟ لك تريد تكسر ظهري وتحدب حيللللي

ضلينه بلنص ساعه على هذا الوضع وهو يعاتب
فهد: ماريد اتعبك والله خل اموت وتخلص مني

: اكو واحد يتعب من سواد عيونه؟

: تعبناك احنه

: هلا بلتعب اذا منكم يلتسوون كل ثانيه من صباي