تعال امسح دموعك و ارسم افراح
على عيونك وخدك و الشفايف
معليك بحزن ذيچ المواضيع
راح اختارلك احلى السوالف ..
بقلم: الكاتبه لاقيس
تصويت+متابعه+تعليق= استمراريه حيااتييي💋
𓎖𓎖𓎖𓎖𓎖𓎖𓎖𓎖𓎖𓎖𓎖𓎖𓎖𓎖𓎖𓎖𓎖𓎖
اسماء:-كاعده على المرجوعه بـ الحوش اباوع بنقالي والملل تارسني بان نايمه وابوي بـ الدوام بايت اليوم وامي بيت اهلهه والاصهب اعتذر ومدري وين راح، شويه وانفتح باب الحوش رفعت راسي والكاه الاصهب
اسماء:مو طلعت هستوه المن راجع
مارد طب للغرفته شنو هاي كلما يطلع يرجع معوبس ومطنب، صرت ادردم عليه شويه وصاحني
: هاا؟
: تعاي لبسي عباتج وروحي لفلفوله
: ليش؟
: يمكن مجروحه بضهرهه لو جايتهه شغلات مال نسوان
: وشلون شفتهه؟
ماجاوب وضل يلبسني ويوصيني اعتني بيهه والح عليهه تحجيني شبيهه وصلت لباب الحوش
اسماء: واذا ماحجتلي؟
: جبريهه تحجي لحي عليهه كلش عفيه وديري بالج عليهه
هزيت راسي وتوجهت لبيت عتمه واذا اشوف علي فوگ خاله رماح هاي شصاير؟، علي يضربه بكل قوته عبالك عدوه ومن زمان متاني هاي اللحظه
رحت عليه افاگگهم ماكو رجعت للاصهب كلتله الشفته كبل طگهه ركضه ادري محد راح يفزع لان بهيج وقت المنطقه تصير فارغه، راح الاصهب يفاگكهم واخذ نصيب علي فاقد ابد ماهدء
الاصهب: عتتمه بلحديققه اخذيييه
طبيت بـ الحديقه والكه منضر عتمه ييخووف مزورگه تزورگ واكفه تباوعلهم عيونهه ذبلانه
: فلفوله عفيه تعاي لبيتنه حبابه
: مااريد اريد علي
: والله بس يهدء اوديج اله هسه تعاي وياي
: ماريد
كضيتهه من ايدهه ومشيت
: مو بكيفچ
تمشي بروح خاويه بس انفخ عليهه تطير وديتهه لغرفتي كعدتهه صرخت متألمه
: شبيچ شبيچ؟؟؟
ساكته حطيت ايدي على خدهه المزورگ مصخنه گابه نااار
: صايره نااار وللج
انتبهت الضهرهه متروس دم رفعت تيشيرتهه من جهت ضهرهه ماكدرت تمنعني واشوف ضهرهه مخسوف خسف ومحترگ
: وللج ضهررچ مشووه
منضر ضهرهه مرعب ضليت ابجي شلون متحمله كل هل وجع ما نزلت دمعه من عده كومتهه اريد اسبحه بس مدري شلون خاف تتأذه لو يلتهب الحرگ فا كعدت بان اول ماشافت منضر ضهرهه كامت تصرخ وتبجي وعتمه مابيهه حيل روحهه، طلبت مني بان اروح اجيب وصله وماي دافي جبتهه ونزعناهه ملابسهه ضلينه انباوع على جسمهه اريد مكان خالي من جرح ماكو كدمات سوده وزركه وبنفسجيه وجروح اكبار شلون متحملتهن احنه نمسح بجسمهه ونبجي احس روحي تريد تطلع من اشوف اجروحهه
بان: ولج شنوو هاي منو مسوي بيج هييج مسويه شي وهيج ضاربينج؟؟؟
أنت تقرأ
عتمات الضياع
Actionاعز من روحي احسـك وانتَ اعز مني ياحسبة عمر خاويتها من إصباي بطلت صفنتي ومابطلت مني اجس گلبي الفضي متعوب حد الويل وأدعيله الصبر عن لايفشلني جسيت الليالي ابمرور الصلوات وليالي العمر بالشيب چسني واضحك للبچوا حد شرهه المنگود وابچي ابكل مزنتي الطور المغن...
