الحلقه ❤️ 6 ❤️
.
.
❤️ بنت الغرياني ❤️
❤️✨رنوش الغريانية ✨❤️
.
.
الصبح ✨#
.
كان يوم الجمعة ❤️✨
كانو الكل يجهزو غصبا عنهم بس كانت اجواء حلوه كيف كلهم متعاونين
الفهد و مختار وولاده كانو مقعمزين في المربوعه ويهدرزو ع الاراضي وحاجات تخص الشغل
اما لولاد كانو مقعمزين في الجنان ويهدرزو
لبنات نص تهدريز ونص قرمه ويضمو في الحوش الي هادي لاهيا في حاجه
مشو الرجال لجامع ورجعو لقو لغدي واتي قهمزو كلو والي هادا رجع مكانه
.
.
جيدا.. تغسل في الماعين.. والله عادي
هدى.. حولي قالي خواد متخليهاش ادير هلبا
جيدا.. ادكرت الي صار امس.. اي يدير عملته بعدين يقعد يوصي فيك عليا
هدى.. احمم
جيدا.. تي بالله خليني ساكته اصلا هادا فاش فالح مفهمتش شن قالي عقلي كيف.. وسكتت وهيا تدكر في كلامه ( مقتلكش وافقي ع الجواز انتي وافقتي بروحك)
جواد.. كملي خيرك سكتي
جيدا.. تكسرت منها سونيه و كأن حد صب علاها امية مسقعه 😂
جواد.. اسمعي....
منصور.. يا جواد جوواد
جواد.. شبحلها اخر نضرة وطلع
جيدا.. يا كلبه ليش مقتيليش انه واقف يسمع فيا
هدى.. من بكري وني نقول احمم وانتي مستمره 😂😂
جيدا.. تي منوره، 😂😂
.
__________________________
.
❤️ بنت الغرياني ❤️
❤️✨رنوش الغريانية ✨❤️
.
.
جواد.. واقف بكل تبات ويتكلم بكل رجوله.. نورت يا خو جدي
سلطان.. بوجودك حفيد خوي
وخشو كلهم وستقبلوهم احسن استقبال
.
.
حيدر.. مش ح تخش تسلم ع جدي
علي.. يدخن تو نسلم عليه بعدين الحوش معبي انتايات
حيدر.. براحتك وخش
منصور.. خيرك ما خشيتش
علي.. مش خاطري
منصور.. المهم اني منصور ولو حتجت شي كلمني
.. ومشي
ع المهم جي الليل ورفعوهم لي الجناح متاعهم والي هادا خش لي داره وخده انوم من التعب
.
.
جيدا.. قعمزت ع السرير بعد ما ضمت حوايجها وهيا تفكر قي لكلام الي قاله جواد
ترن ترن ترن....
جيدا.. ايوا نشالله خير
سندس.. خير خير ولا نبصر مش خير بكل
جيدا.. شن صاير
سندس.. تحدد العرس بعد سبوعين
جيدا.. تبصري
سندس.. والله ما نبصر هادا الي صار
جيدا.. اصلا هادا هوا ما يجي من وراك الا الهبال وخيرك متكلمتيش الا توا
سندس.. تي توا كيف روحو
جيدا.. خيرهم باردين هكي هماا المهم سكري توا ويصير خير
سندس.. تمام نس من غدوا بنبدا نطلع وانتي بش تجي معايا
جيدا.. سمعت صوت الباب تسكر.. تمام يصير خير نتلاقو
سندس.. تمام
جواد.. خش ونحى الكدار متاعه.. من كنتي تكلمي
جيدا.. وليش تسال يهمك فشي
جواد.. تكلمي زين ولا وربي نفترشك في مكانك
جيدا.. قلبت عيونها سندس
جواد.. من سندس
جيدا.. اي عندك حق متعرفهاش لي انك ولا عمرك مشيت لي حوش اهلي
جواد.. انتي يا فرخه تكلمي زين
جيدا.. يصير خير
جواد.. كسر المزهرية وبعياط.. قولي حاضر ومعش تتكلمي بامه الاسلوب هوا مية مرة مقايلك
جيدا.. رعشت من صوت المزهرية الي تفترشت وسكرت عيونها واول ما فتحتهم دمعتها نزلت طول
.. من غصبك انك تتجوزني ليش مارفضتش ليش وافقتتت فهمني اني قبلت بيك لي انهم كانو غاصبيني عليكك كانو ح ياخدو الحوش ويخلونا برا ني وامي واختي خلاص مليت مليت منكك طلقني معش نبيه الجواز هوا نقعد في الشارع ولا نقعد معاك في الاهانات متاعكك
جواد..ا.....
مختار.. جووواد جووووااااددد الفهد الفههد
غمض عيونه لي تواني وطلع من الدار من دون ما يهتم ع الي مخلاها وراه
.
.
.
.
يتبع.... ❤️
.
.
رايكم يهمني ❤️✨
أنت تقرأ
عائلة المختار
De Todoالرواية ( ليبية باللهجة الغرباوية ❤️ ) . تحكي ع جمال البنات وع طيبتهم ✨ وع حبهم ❤️ وع قوتهم 🤤 وع شخصيتهم 😡 وع سمهم 😖 وع حقدهم 🤬 وع حسدهم 😌 وع غيرتهم 😤 . حتقابلو كل ه الشخصيات في الروايه ❤️✨ . . . ونشالله تعجبكم ❤️✨
