نهوة عشگ

بارت 2

#نِهِوِةّ_عٌشٍگ
بِقِلَمَ أّوِتّأّر حٌزِّيِّنِةّ
أّلَجِزِّء أّلَثّأّنِيِّ
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
البيت قبل العيد ينقلب تنظيف
وتعزيل ،،،،،وتلميع للجام
وجان الكل يشارك الي
ينظف،،،،،،، الحديقه والي يصعد
للبنكات،،،،،، والثريات وينظفها
هوسه،،،،، حلوة جنا نشارك بيها
بفرح ماعدا فارس،،، وامير جانو ينهزمون من هذا الشغل،،،،،، ويرحون يلعبون بلي براس الشارع
« حارث وينك يمه تعال علك البردات
الجديده
« اي بيبي جيبهن
« عفيه وليدي ديربالك يمه لاتوكع
« لا بيبي لاتخافين عليه
« قصي يمه ساعده
صعدت،،،،، وي حارث على الطبله
حتى،،،،،،،، نسوي البردات
مال الاستقبال بسرعه
لان اعرف مراح نخلص من
طلبات ،،،،،، بيبي اليوم
« قصي ماما لو جايب الدرج
من المخزن احسنلك
خاف ماتشيلكم الطبله
« لا عمه ميحتاج هسه نسويها
وننزل بسرعه
« هسه يوكعون
« ولج اسكتي ام لسان لاتفولين عليهم
دلو حجت هيج وباوعت لقصي
وطلعت اله لسانها من باوع عليها
« مناك يول جرها
« اييي ولك
« لك اوكف هاي الطبله كامت
تهتز بينا
حارث حجه منا وما نحس الا
طراخ ،،،،،ووكاعين واحد فوك الخ
« يمه عزة العزاني خوما صار
بيكم شي
ضحكنا،،،،، بوجهه بيبي من اجتي
علينا وهي خايفه
وعمه رحاب ،،،،،،، كالت بضحك
« ها ام لسان فولتي عليهم
حارث،،،،،، جان فوكاي وخربان
ضحك ودلو من شافت
المنظر ،،،،وضحكنا كمزت علينا
وهي خربانه ضحك
« اخ ولك كوم ثور من فوكايه
كسرتو ظهري
« اني ثور قصي
كمت لحيلي من وخر حارث
وجاوبت دلو الي زعلت
وجاوبتها
« لا مو انتي اخوج الثور
« ههههههه حارث ثور
« انجبي ولج،،،،،، لااجيج
« ولك امشي جيب الدرج من المخزن وخلينا نفض الشغل قبل لايجي جدك
« اي والله يمه بس يجي ويشوف
الهوسه يكوم يحجي
« اي يمه تعلميني بي والله يكلب
البيت فوك راسي ومايسكت
كملنا،،،،، الشغلات الرادته بيبي
قبل الظهر
وسبحنا اني وحارث وطلعنا ليم
مروان وصادق ،،،،،،،،،
من اجوي ابوي وعمي وجدو طبينا
كلنا وصلينا سوة بين مايجهزون الغده
من كعدنا كلنا جدو
حجه وي بيبي وهو يضحك
« ها حجيه عبالك اليوم كالبه البيت
« اي والله حجي اليوم عزلنا لان
مابقه للعيد غير كم يوم
« اييي بس والله البردات طالعه
حلوة بالاستقبال
« اي ابو جمال رحاب ذوقها حلوة
وجابتها نفس. لون التخم
« اي والله عاشت ايدج يابه رحاب
« الله يسلمك يابه
« هاي المقلوبه تحفه اليوم
« بالعافيه يمه
« الله يعافيج حجيه ولك امير كافي طرشي اكلت هوايه
« ماما انطيني غير هاي الخاشوكه
« ليش شبيها مالتج
« اكل بيها فارس
« هاج هاي نظيفه ،،،،،
ضحكت وي نفسي من شفت دلو
تحجي،،،،،،، وتدردم وي نفسها
تصرفات جنت منتبه اله وبكل
تفاصيلها الصغيرة والجبيره
من ،،،،،تكعد ماتتربع لا
تكعد وهي لامه
رجلها جواها،،،،،،،
من تاكل تسد حلكها
وماتفتحه،،،،،، من تشرب المي
تخلي يمها الكلاص
وماتقبل احد يشرب منه
واحلى شي جانت تباوع عليه
بعيونها الحلوة ،،،،،،وتضحك الي
اني بس من دوون الغير
حب بين بعيوني من الصغر وخلاني
اغار ،،،،،،،،عليها بخبال
غيره بينت بتصرفاتي
وخلت الكل يعرفون
داليا لقصي وقصي لداليا
،،،،،،،،،،،،،،
متمدد بفراشي واني اسمع
تكبيرات العيد
جنا من نسمعها نحس بفرح بقلوبنا ونحس،،،،،،، هاي الايام تختلف
لمه الاهل ببيت واحد وطلعتنا
براحتنا،،،، وجيبونا الي
تنترس فلوس
ايام حلوه وتكرر كل سنه
ايام الها نكهه خاص بوجود جدو
وبيبي،،،،،، ولمه عماتي واحنا
،،،،،،
كمت من الفراش من
سمعت صوت
جدو وابوي ونزلت جوه
غسلت وجهي
وتوضيت وطلعت
اني وفارس وامير وي
جدو وابوي وعمو جمال
حتى نروح للجامع
هاي عاده من فتحنا عيونا وكبرنا
نسويها،،،، ومابطلنها
« يله حارث وينك
« اجيت يابه
« لك امير فتح عيونك وكافي تثاوب
« هسه دعوفوني انام
والله،،،،،، بعدني نعسان
« امشي ولك خلي نصلي ومناك
نطلع نجيب گيمر وخبز حار
« مااريد يابه اني راح ارجع انام
« يله يابه خلي نلحك علي الصلاة
وانته،،،،،، تنبل امشي كدامي
حجي رشيد حجه هيج ودفع امير
كدامه
وطلع هو ،،،،،،، وولده
واحفاده للجامع
،،،،،
« ماكعدت شكريه
« لا يمه بعدها نايمه
« هاي شوكت ادكووم مو ورانا
كومه شغل
« والله،،،،،، ماادري يمه اني رايحه
للحديقه انضفها وافتح المي عليها
« اي يمه روحي
من طلعت رحاب حجيه فهيمه راحت
للمطبخ،،،،،، وحظرت الجاي ووكفت
تكلي،،،،،، خبز طاوه وهي تحجي
وي روحها
«اي دكعدي صارت ساعه
بالتسعه ونص وانتي نايمه شنو
مادكولين اليوم عيد وجاينه خطار
والله مايفيد الحجي بيج خلص
قلبي منج
حجيه فهيمه تحجي
وتشتغل،،،،،، بالمطبخ
« هاي،،،،، شدسوين يمه عوفي
اني اسوي الريوك
« تعالي يمه كشري البيض واني
رايحه اكعدها لشكريه
« هاي منو اجه
« نصوره اجتي
حجت رحاب هيج
والباب انفتح
وطبو،،،،،،، جهال نصرة
وهم يحجوون
حجيه فهيمه ضحكت وكالت
« هااا اجيتو بعد بيبي
« اي بيبي
« على كيفك يول لاتوكع امك
كريم،،،،، حجه هيج ووخر ابنه
الصغير من امه
«فوتي حبيبه
« هلا يمه هلا
« كل عام وانتي بخير يمه صحه
وعافيه
« كل عام وانتي بخير عمه
كل عام وانتي بخير ام حارث
ان شاء الله على جبل
عرفه
« وانته ويانه ابو همام ،،،
« ولكم تعالو سلمو على جدتكم
وين رايحيين
« عوفهم ابو همام
راحو على دلو وحنان
من رجعنا من الجامع شفنا عمه
نصرة،،،،، جايه من ديالى
عمو كريم من يريد يجينا يطلع
من وكت
حتى،،،،،،،،، يوصل النا الصبح
ومن يجي يجيب ويا اشكال
الفواكه واهم شي جان الزعرور
الي جانت دلو وحنان يحبو
،،،،،،،،،
« رحاب خلي الدولمه على النار
« اي يمه خليتها ونصيتها
« اي عفيه بيج
« اكولج نصره انتي بيا شهر
« بالسادس شكريه
« بطنج جبيره عبالك بيج توم
« اييي والله بي توم
« اوييي الله يساعدج هاي شلون
راح تربيهم
نصره باوعت لامها
وام جمال جاوبتها
« مثل ماربيت خالده وبهاء
الله ماينسه عبده
« اي والله صدك يايمه وبعدين
لاتنسين،،،،،، حماتي
وياي وتساعدني
« اي والله خطيه بعدها ماتزوجت
« اي خطيه قسمتها وكفت
من ابن عمها نهى عليها
« زين ليش ماتاخذه
« ماتقبل لان هووو ماخذ نسوان
اثنيين وعنده كومه جهال
« هاااا
« هاي بعدهم بهاي السوالف نصره
« اي رحاب مجتمع عشائري
وتحكمه تقاليده
« كولي تخلفه مو تقاليده يعني
ابنيه مثل الورد توكف قسمتها
من وره، واحد مايشبع نسوان
جنت واكف يم عمه رحاب
الي دصب جاي النا اني والولد
واسمعهن يحجن
واحجي وي روحي
« هذوله وين عايشين يعني اذا
ماتريدك تاخذها غصب شلون عقول متخلفه ومتحجره
اخذت الصينيه واني احجي
بقلبي،،،،،،،، علي هاي التقاليد الي
سويتها بيوم واني مجبور
،،،،،،،،،،،،،،،،،،
تمشيت للولد الكاعدين بالحديقه
وكعدت،،،،، وياهم نشرب جاي
ونحجي بامور عاديه
وراها كمت وطلعت بره
اريد اشوف
البنات وينهن من طلعت من الباب
ودرت راسي،،،،، على بيت ابو اوس
شفت اوس دنك على دلو
وباسها وراح اني ماادري
شصعد براسي
من شفت المشهد
وما حسيت بروحي من رحت
اركض علي واني اصيح
« ولك كووووا،،،،،ليش تبوسها
« هاي شبي قصي ليش يصيح
حارث ،،،،،،،،كام وهمام وراه
وطلعو ،،،،،،،،،،بسرعه للشارع
من شافو قصي لازم اوس
ويضرب بي تفاجأو وحارث صاح
« لك قصي اوكف يمعود
لك همام صيح ابويه وعمي
هذا مخبل راح يسوي شي موزين
حارث حجه،،،،،، وي همام
وراح ركض لقصي ومن وصل يمه
لزمه وجر من اوس
الي كام من الكاع
وهد علي وقصي تقدم
علي.،،،،،،،،، وهو يغلط
« دعوفني،،،،،،
خرب بصفحه اهلك
اليوم اشعلهم شعل
قصي دفع حارث ومن مد ايده
اوس علي تلاو ويا
وضربه مرة الخ
« ولللك قصي
بهاء جان جاي لبيت
اهله ومن شاف العركه،،،،،،،
بين قصي واوس نزل
من سيارته،،،،، وراح عليهم بسرعه
واخوته ،،،وحجي رشيد وراه
من جره بهاء هد مرة الخ
وهو يغلط
« كووو،،،،،تر،،،،،،،شلون تبوسها
بالشارع
« ولك اوكف وخلينا نفتهم
شكو ومنو الباسها
قصي،،،، صاح بوجه جده
وعيونه حمر وصاير نار
« هذا العار شفته بعيوني دنك
على داليا وباسها
« قصي يابه واذا باسها غير
حاسبها مثل خواته
« لاااااا عمو كمال مو مثل خواته
وديرباله بعد يعيدها ترة
اموته بكاعه
« ولك منو تموت دتعال
اوس حجه هيجي ومد ايده
من وره ابوه يريد يلزم
قصي،،،،،،، الي كمز علي من
فوك،،،،،، ابوه وعمه بهاء
« ولك،،،،،،،، شبيك انته تخبلت
اديب،،،،،،،، اخذ ابنك راح اكسر
راسه بالعصا
اديب وجمال جرو قصي بصعوبه
واخذو،،،،، وهو يحجي ويصيح
اوس تقدم علي حجي رشيد وهو
يمسح بالدم الي نزل من شفته
وهو يكول
« عمو،،،،،، رشيد والله مو
قاصد بيها شي ولو ادري انتو
ماتقبلون مااسويها
« مصار،،،،، شي يابه واعذرنا
على تصرف قصي ابو اوس
انته تعرفه لقصي دمه حامي
« اي والله حجي غير اعصاب
ومايتفاهم،،،،، وانته امشي كدامي
حسابك بالبيت
بهاء،،،،، جان واكف وي ابوه
وهو مبتسم
من رجعو للبيت حجه وي ابوه
« يابه هذا غير مخبل شفته
شلون شاك شفته للولد ،،،،،
« حيل بي حتى بعد مايعيدها
« هاااا حجي هسه ادكول مصار شي
« بهاء يابه اذا مو من هسه دمهم على عرضهم حامي ويفور شوكت لعد
يصير
« اييي حجي بس ترة دلو صغيره
يعني عمرها تو 6 سنوات
« واذا يابه 6 لو 4 مو عرض
وينخاف علي وبعدين دلو خط احمر بالنسبه لقصي
«ههههههه اي والله شلون مااشوف
راح تصير اله من تكبر
« اي يابه وهسه تشوف
طبينا للهول واني اسمع اديب
يرزل
بقصي الي كاعد ومدنك راسه
ويهز ،،،،،،،،،،،،برجلي من عصبيته
ضحكت،،، علي وكعدت اكباله
وحجيت ويا باستفزاز
« ها يول صاير تهد وتكتل
« اني ادري شصخم وجهك انته
اشو
اخوها،،،،، ماسو شي انته شكووو
تتعارك من وراها
من رفعت راسي لامي اريد احجي
شفت دلو واكفه بصف امها وتباوع
عليه بخووف اني نسيت
الكل،،،،،،، وتذكرت شلون
ذاك العار دنك عليها وباسها
من خدها وصحت بصوت عالي
« ولللللج شلون تخلي يبوسج كلبه
دلو من صاح بيها قصي فزت
وختلت ،،،،،وره امها وكامت
تبجي بعد اكثر
« ولك يم شبيك تخبلت جاهله ولك صغيره وهو اكبر منك بسنتين
كمت من مكاني واني اصيح
« بيبي ليش باسها بس الها مو
هاي حنان
وهديل ولارا موجودات ليش باسها
الها بالذات هااااا
صحت هيج وطلعت
بره،،،،،، والولد وراي
« ولك اديب شوفه خاف هم
راح على اوس
« لا يابه ذاك كعد بالحديقه
وويا حارث وهمام
« بله هذا شحجي ويا
اديب حجه هيج وكعد يم كريم
« عوووفو يابه الولد دمه حامي
«والله عفيه بي رجال من هسه
وعرضه عزيز علي
كريم حجه هيج
وحجي رشيد كمل بضحك
« اييي،،،، هذا يذكرني بنفسي من
شفت واحد يتحارش بفهومه
« اهووو حجي خلي اكوم احسنلي
« اكعدي بروح ابوج خلي يسمعون
هاي السالفه
حجيه،،، فهومه باوعت لرجلها
واشرتله
« عيب يارجال منا الولد
« هههههه بروح ابوج
خليني اسولفها
« احجيها اني ادري بيك
مراح تسكت
« ياولد فد يوم جنت ماخذ مسواك
لبيت عمي ومن طبيت
للدربونه،،،،،،، مالتهم
شفت الحجيه تمشي وهي
لابسه،،،،،،،،،، حجول برجليها
حجي رشيد طوه المخده وارتجه
عليها وباوع لمرته بضحك وكمل
من فاتت،،،،،،،،، من يم ستار
الكصاب،،،،،،،، سمعته كال الها
من فدو اروح لهل الرجلين
جنها مرمر
« اوي حجي كافي
حجيه فهيمه خلت فوطتها
علي وجهها وكامت تضحك
« اي يابه وانته شسويت
من سمعته
حجي رشيد عدل كعدته
وجاوب،،،،،،،، بنته خالده
وهو منفعل
« تخبلت وماادري شصعد براسي
ولزمته ودك بوكسات وماهدوني
منه الا كومه زلم
« ايي واني اكول عليمن طالع ابني
بخبلاته
شكريه حجت وي نفسها بهدؤ
وراحت لغرفتها
« هههههه،،،،،،، عبالك جنت
شقاوة يابه
« لا والله يابهاء بس الواحد اذا
مايصير ،،،،،دمه حامي على عرضه
شيله وذبه بالشط
« لاعاب حلكك عمو
عركه،،،،،، ووراها سوالف حلوة
وذكريات من
الماضي،،،،،، انعادت بقصه حلوة
لطفت الجوه الي جان مشحون
من وره قصي وخبلاته
خبلات وعصبيه جان من يسويها
وتزعل،،،،،، دلو منه.
يروح،،،،،،، وره مايهدأ
ويرضيها هو بنفسه
،،،،،،،
لليل ظليت افور من العصبيه
مالتي وماهدأت الا من كعدت على
العشه،،،،،،، وشفت دلو ماكو
« رحاب داليا وينها
« مانقبل تجي تتعشه
« ليش يابه شبيها
« زعلانه جدو من قصي
لان صاح بيها جنة حجت هيج
وباوعت بضحك لاخوها
« هاااا زعلانه الحلوة ومنو يراضيها
من باوع ،،،،،،،علي جدو رشيد
وهو يضحك عكدت حواجبي
ومادرت بال اله
« قصي كووم رضيها وجيبها تتعشه
« عوفها اديب هي تتعشه بعدين
اديب،،،،،، مادار بال لشكريه
واشر لابنه كوووم
« كوم عمو هاي مراح تجي
الا ترضيها من حجه عمو
جمال وياي
كمت،،،،، من مكاني بهدؤ لان اني
هم،،،،،،،،، اريد اراضيها
كلشي ولا زعل داليا
جانت من تزعل مني اتخبل
ويتخربط،،،،، وضعي وماارتاح
ولا ،،،استقر بكاع
الا من ترضه وياي
رحت لغرفه عمه رحاب
ودفعت الباب
وطبيت،،،،، وكفت بمكاني من
شفت دلو كاعده علي الجربايه
ووجهها احمر دم من البجي
« دلو
« روح مااريد اشوفك
حجت هيج ودارت راسه بزعل
تمشيت،،،،، الها
وكعدت يمها
وحجيت وياها بهدؤ
« زعلانه مني
« اييي لان صيحت عليه كدام
عمو كريم وعموو،،،،،،،
من كامت تعدد بالاهل واحد واحد ضحكت،،،،،، عليها وكتلها
« اني اسف بعد مااصيح عليج
بس انتي بعد لاتخلين احد يبوسج
دلو،،،،،،، اندارت على قصي وباوعت
علي بخجل وهزت براسها
بأي
« دلو عيب تخلين واحد يبوسج
افتهمتي
« حتى انته
سكتت وصفنت عليها وغمضت عيوني ودنكت راسي وحجيت
وي روحي
ادري انتي حتى من تبجين تصيرين حلوة اااخ كلشي بيج عذاب
جاوبتها بتنهيده
« حتى اني دلو
من مدت راسها،،،،، علي وباوعت
من جوه بعيوني رفعت راسي
وكمت
من مكاني وكتلها
« يله كومي خلي نتعشه
« اي اجي وياك بس بشرط
« شنووو
« تشترلي موطه
« ههههه هاي سهله ادللي
« وبعد ماتزعلني
« انتي صيري عاقله واني ماازعلج
« اوكي ،،،،،دلو حجت هيج وكامت
لزمت ايدي وطلعنا
،،،،،،،،،
كانت،،،،،، تلك حدودي معها
لمسه يد،،،،، بريئه في قلبها
ونار في قلبي
حدود لم اتجاوزها يوما
واحتفظت
بما في،،،،،،، لنفسي
وانتظرتها حتى تكبر وتفهم
مافي قلبي
برائه لم ارد ان اخدشها بقبله
تضيع فيها،،،،، طفوله كنت
اراها في عينها
برائه فيها ورغبه حب في
صدري
تلك هي
معذبتي كبرت وجعلت
مني اسيرا لها ،،،
مدى الدهر
اوتار حزينه
،،،،،،،
يِّتّبِعٌ