نهوة عشگ

بارت 1

اذا لم استطع ان اخذك بسهولة
سأخذك،،،،،،بالقوة
سالجأ،،،،،،،، لتلك التقاليد التي اكرها
سالجأ ،،،،،،،،لاي شي يقربني منك
حتى تصبحين لي
ولم يكن لدي حل سوى
النهوة عليها
كنت،،،،،،، رافضا لهذه الافكار
ولم اكن
اتصور،،،،،، اني سالجأ
اليها في يوم
ولكن غرورها وعنادها ورفضها
اجبروني،،،،، عليها ونهوت عليها
نهوه عشگ
اتعب قلبي المتيم
نهوت وكنت اريدها لي وحدي
نهوت واصبحت اسيره في بيتي
وكانت لي معها قصه
اسمها نهوه عشگ
قصه بقلم
اوتار حزينه 🌹
#نِهِوِةّ عٌشٍگ
بِقِلَمَ أّوِتّأّر حٌزِّيِّنِهِهِ
أّلَجِزِّء أّلَأّوِلَ
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ذِكـ♥ـريـ♥ـآتـ♥ـ
نظرات امي وهند وصوت
الهلاهل،،،،،،، الي ماانكطع خلاني
اعكد،،،،،، حواجبي وادير راسي
على الباب
لحظه
وتكررت الهلاهل
رجعت،،،،،، راسي بهدؤ لامي
من ،،،،،،شفت
نظرات،،،،،، الخوف بعيونها
فكيت،،،،،،، عيوني وقلبي رجف
وصحت
لااااااااا
ورحت ،،،،،ركض وبدون وعي
لبيت عمي
من وصلت للكراج
سحبت سلاحي وضربت طلقه
بالجو. وصحت بصوت
يرجف من الاعصاب
ولللللللج،،،،،، داليا وينج
والله اكتلج اذا رحتي لغيري
حجيت هيج ورحت لباب الهول
ودفرته بقوه
من ،،،،،طبيت وشفتها بالبدله
وكفت ،،،،،،،،،،وجسمي يرجف
وصفنت،،، بعيونها بوجع وقهر
بذيج اللحظه
غوركت عيوني دمع
وصار شريط ذكرياتي وياها يمر
من كدامي بسرعه
تقدمت خطوه واني احجي وي
روحي
هاي الي مو لغيري هاي
جنت،،،،،،، انتضرها تكبر
وتصير الي
شلووون هسه تريد تروح لغير
لك قصي ارجع لاتتخبل
عوفني،،،،،، ولك عوفني
من جروني اخوتها وابوي تقدمت
عليها واني فاقد
ولج انتي الي ومحد ياخذج مني
انتي الي داليا ومن زمان
قصي يحجي بقهر
ويضرب على صدره بخبال
سمعتني
ولج والله اكتلج واكتلها لروحي وماتصيرين لغيري
اني ناهي عليج سمعتوني
نهيت عليها واي واحد يتقدم
عليها اكتله بكاعه
عوووووفني كوووووو
ابوه لزمه من وجهه
وكام يمسح بخشمه الطك دم
وهو يصيح
كافي ابني كافي هي الك
وماتصير لغيرك
قصي حجه وعيونه على داليا
نهيت عليها يابه بنت عمي نهيت
عليها افتهمتواااا
،،،،،،،،،،،،،
هبت،،،، ريح الماضي
وانفتح ،،،،،،باب الذكريات
وفاحت،،،،،،،، ريحه ذكريات جميله
وصدى ضحكات ترددت بكل
ركن وكل زوايه
وكتبت،،،،،،،، قصه طفوله
جميله،،،،،، وقلوب بريئه
ونفوس طيبه عاشت
ببيت جدو رشيد
،،،،،،،،،،،،،،،،،،،،،،،،،،،،،،،،
« منووو
« اني يمه
« فووت يابه
جمال فات لغرفه امه وابوه
وحجه بقلق وي امه
« يمه ماتجين على رحاب يمكن
عدها ولاده
« يالله كومي فهيمه وشوفيها للبنيه
« اي كايمه حجي
ام جمال مشت وي ابنها وهي ادكول
ساعه المباركه،،،،، وذب حملها رحاب
حجت هيج وتمشت وي ابنها
لغرفته من شافت
وضع رحاب وشلون تتألم
كومتها وكالت
« كومي يمه اسبحي بمي دافي
وحظري روحج حتى انروح
للمستشفى
جمال روح كعد اخوك اديب خلي
هو يسوق
« اي يمه هسه رايح
« وخلي مرته تجهز روحها حتى تجي ويانا
جمال راح لغرفه اخوه
ودك الباب وره لحظه طلع اديب
« ها جمال بيك شي
« ام حارث عدها ولاده تعال
انته سوق اني مااكدر
وكعد ام قصي خلي تجي ويانا
« ايي هسه الله يسهل اخويه
« الله يسلمك يله استعجل بعد اخوك
« جايك بس ابدل هدومي واكعد
شكريه واجيك
اديب رجع لغرفته وكعد مرته
الي كعدت وهي ضايجه وتحجي
« شبيك اديب
« اكعدي رحاب عدها ولاده
« ايي،،،،،،، واني شعليه
« شنو شعليج كومي ويانا
« معليه اني خلي عمه تروح وياها
« ولج كومي ولاتفشليني وي اخويه
« كتلك،،،،،، مااروح ولاتلح
شكريه حجت بعصبيه ووخرت
ايد رجلها بقوه ،،،،،،من لزمها
« ايا ادبسسز اديب حجه هيج
وضربها راجدي ولزمها
من شعرها ،،،،،،وجرها علي وهو
يكزكز بالحجي
« لاتروحين بس والله من ارجع
لاطلع هاي الكوايه من عينج ياد،،
حجه هيج ودفعها من صدرها
« هاي تظربني من وره الخاتون
دروح من عساها لاجابت
ولافرحت بضناها
اديب من سمع كلمها
تخبل وجرها من
هدومها وراد يخلص عليها بس
الباب اندك
واخوه صاحه
« اديب وينك يله استعجل
ابو قصي خوزر مرته بحقد
ودفعها من صدرها
وراح للباب وهو يتحلف بيها
« جيتك ابو حارث
« وين ام قصي
« هااااا ماتكدر تجي
اديب حجه هيج وهو
يتهزم بعيونه
من امه،،،،،، حجيه فهيمه من
سمعت كلام ابنها ضاجت بس
مابينت شي وحجت
بهدؤ
« يله يمه ،،،،،مايحتاج تجي
اني كافيه
« عمه الحكيني راح اموت
« كولي الله يمه هسه اذبين
حملج ونفرح بيج
« رحاب لاتخوفيني عليج
لزمت جمال واني اكزكز من
الوجع
وعيوني علي فارس شلون
نايم
« يله يمه امشي
مشيت ،،،،،وي عمتي
واني،،،،،، لازمه بطني وادعي الله
يكومني بالسلامه لولدي
من وصلت للهول
شفت حارث واكف يم جده ومبين
علي الخوف
« حارث ماما ديربالك علي اخوك
رحاب حجت هيج ومن
شافت دموع حارث
كامت تبجي ولزمت جمال بقوة
« هاي شنو جدو ليش تبجي انته
رجال
والرجال مايبجي
حارث مسح دموعه بخجل وطلع
وره،،،،،،،،،، امه هو وجده
،،،،،،،،،،،،،،،،،،،،
ساعات طويله بالمستشفى
ولظهر،،،،، يله اجتي حجيه فهيمه
ورحاب ووياهم بنوته
« اجوي جدو اجتي بيبي وعمه
رحاب
طلعنا كلنا من سمعنا بيبي اجتي
من المستشفى
من طبت،،،،، رحاب هي وجمال الي
لازمها ويمشي وياها ،،،،،
حجي رشيد راح عليها
ودنك وباسها من راسها
وهو يكول
« الحمد لله علي السلامه بنيتي
« الله يسلمك يابه
رحاب حجت بتعب وطبت جوه
لغرفتها هي وجمال
« حجي تعال شوف شلون
اجتنا بنيه كمر
ام جمال حجت هيج
وراحت للحجي
كعدت يمه ووخرت الشاش
من وجهه بنت جمال
وخلتها بحظنه
ابو ،،،،،،،،،،جمال صفن عليها وكال
« الحمد لله والشكر على
تمام الخلقه،،،،،،، اي والله
كمر ،،،،،،وتشبهج فهومه
جنت واكف بصف جدي
من فتحت عيونها بنت عمو جمال
جدو كال
« اللهم صلي على محمد
وآل محمد
ولج،،،،،،، فهومه هاي ماخذه
عيونج
« اي حجي ماخذه عيوني
من سمعت كلام بيبي وجدو
مديت،،،،، راسي وباوعت
عليها
صفنت،،،،،،، بعيون مثل السما
وطولت،،،،، بصفنتي وراها
حجيت ،،،،،كلام ظل طول
العمر ويايه مثل اسمي
« جدو،،، هاي الي ومحد ياخذها
« اييي يابه هاي الك
بس انته اكبر واني ازوجها
بايدي الك
« كلام رجال جدو
«ههههههه كلام رجال قصي
حجي رشيد حجه
هيج وباوع على بنت جمال
ودنك وباسها من راسها وكال
« يابه راح تكسرين قلوب
بهل الجمال
سمعته،،،،،،،، واني صافن عليها
وجان اول قلب انكسر
هو قلبي
،،،،،،،،،
جدو راد يسمي بنت عمو
جمال ديالى لان هوو من ديالى
راد هل الاسم لان هو بعده
يحن الها ولبساتينها بس
بيبي ماقبلت وظلت هي ويا
مجادله
تالي استقرو على اسم داليا
،،،،،،
جدو ،،،،اجه
من زمان من ديالى
لبغداد وظل يشتغل وي عمه
الي هو ابو بيبي بالشورجه
وراها بفتره قصيره
ازوج بيبي
وهي وحيده ابوها
وجان شرطه الوحيد
حتى يوافق ينطي بيبي هو
يكعد وياهم ومايرجع لديالى
جدو،،،،،، وافق لان جان يحب بيبي
فهيمه وتزوجوا وكعدو بيت
اهل بيبي،،،،، فترة ،،،،بعد وفاه
عمه، ،،،،،
جدو رشيد استلم الشغل
وشغله كبر بعد اكثر وصار
من التجار المعروفين بالسوگ وصار
عنده جمال واديب
وراهم نصره
وبهاء وخالده اخر شي توم
عمه ،،،،، نصرة ازوجت بديالى
واستقرت،،،،،،،، هناك وعمه خالده
ازوجت ضابط صديق عمو بهاء
واستقرت،،،،،،،،، ببغداد يمنا
،،،،،،،،،
من جابت عمه رحاب عماتي اجني
علينا والتمينا لمه حلوة
« عمه خالدة. انتي سوي الدولمه.
« ههههه ليش جنو
« لان تسويها طيبه وحامضه
« اي والله عمه انتي سويها بيبي من تسويها تطلع مو طيبه
« ولك ك،،،،،،،،اني اسويها مو طيبه
حارث ضحك وباوع لجنه وكال
« اي مو طيبه مو جنة
« اي حارث
« دكومو ولد ال،،،،،، ،،،،،،،،
من شالت الجفجير حجيه فهيمه
حارث طلع يضحك هو وجنة
«عوفيهم يمه انتي الخير والبركه
« جلاب لوما تمسحوها للصينيه
« حطيلها ملح يمه بلكي تغزر
« اي والله يانصرة
« اكول شكريه وين ابنج قصي اشو مشفته
« يم بنت رحاب من جابتها
ولحد هاي اللحظه هو لازك يمها
« هههه والله بس لاتطلع من نصيبه
« لا يمه شنو نصيبه
شكريه اندارت على السنك
وحجت بهدؤ
« عوع لا عوع
خالده اشرت عليها لنصرة وهي
تضحك
ونصرة اشرتلها اسكتي يمعوده
،،،،،،،،،،،،
الايام تمشي وتاخذ من عمرنا
عمر ،،،،،وتنطينا ذكريات تظل
بقلوبنا
وعقولنا ،،،،طول العمر
عمر عشنا بحلوه ومره بيت
جدو وبيبي
« شبيها داليا عمه ليش تبجي
« تريد تشتري وماكو احد من الولد
يشتريلها كلهم طالعين
« تعالي اني اشتريلج
شلجتها لداليا الي جان
عمرها 4سنوات
ومشيت بيها للمحل
« قثي اريد موطه
ضحكت من لفظت اسمي وباوعت
عليها بحنيه وجاوبتها
« من عيون قثي هسه اشتريلج
« عمو محمد انطيني موطه
« هلو بدلو الحلوه
ابو محمد حجه هيج ومد
ايده على خد دلو وهي
من سوه هيج
دارت وجهها عليه وختلت
بحظني
وهي خجلانه
« ههههه فدو لليستحي الله
يخليها لاهلها شكد حلوه
« الله يسلمك عموو
اخذت لدلو
حلويات وموطه ورجعت
اتمشه،،،،،،، بيها للبيت
وهي فاتحه
الموطه وتأكل بيها
« هاك قثي
اكلت شويه من الموطه مالتها
وابتسمت،،،،، من شفت وجهها
كله موطه
من طبيت للبيت كعدتها يم
الحنفيه
مال الحديقه،،،،،،
وكمت اغسل بأيدها
ووجهها
« اني احبك قثي
« واني هم احبج دلو
« ها جيتو قصي
« اييي عمه وهاي الحلويات مالتها
« يله تعال فوت اشرب جاي ويانا
وانتي ام بطن تعالي وياي
رحاب حجت هيج وشالت بنتها
وطبت جوه وهي ادكول
يمه من فدوه اروح لهل
الوجه الحلو
،،،،،،،،،،،،،،،،
سنه مرت،،،،،، والعيد قرب وبكل بيت
لازم،،،،،، الكل يلتم ويسوون كليجه
وريحتها،،،،، من تفوح بالمنطقه
تخلي الكل يحس باجواء العيد
وفرحته
« يمه ونجن يله،،،،،، تعالن
خلي نكعد من وكت ونسوي
كليجه للبيت ولبهاء
قبل لايجوون الولد
« اي يمه هياني جيت
رحاب طبت للمطبخ ووراها
دلو الي من
شافت معجانه الكليج
راحت ركضا لحجيه فهيمه
وكعدت يمها
« بيبي اريد عجينه
« اي هاج بس هاي واكعدي يمي
لادكومين
« وين شكريه يمه
« هسه تجي بس تكمل شر الهدوم
« هاااا
« تعالي حنونه اكعدي يم دلو وهاج عجينه وسوي وياها
« بيبي اريدها جبيره
« ماكو هاي صغيرونه علي كد ايدج
« اهووو هم اجه العيد واجوي
ويا خطاره وتعالي شيلي وحطي
« اكعدي يمه شنو هذا الحجي
مايجينا غير المحب
«اي والله ياعمه البيت من ينترس
شكد حلو يصير
شكريه سكتت وعوجت حلكها
من حجت،،،،، رحاب الي كامت
تحمس السمسم
«خلي يشكر يمه حتى تطلع ريحته
« من عيني يمه
« تسلم عيونج رحوبه
« عوفيها هاي مالتي
« لا مالتي اني وخري
حنان حجت هيج ودفعت دلو من
صدرها ودلو جرت شعر حنان
وأشتغل عياطهن
« عوفيها ولج شلون عرمه
شكريه ظربت دلو على ايدها
ودفعتها من بنتها
دلو من شافتها ضربتها
ذبت العجين من ايدها
وطلعت من المطبخ وهي
تبجي وتشهك
« هاي شبيج شكريه ليش
تضربيها لدلو وهي كاعده يمي
« ماشفتيها شلون كفشت بنتي
وضربتها
« جهال وبينتاهم انتي شكو
تضربيها لبنتي
من حجت رحاب
شكريه صاحت بيها
« والله اني مااقبل احد يضرب
جهالي
«هاي شكو ومنو وي دلو
« ماكو شي حجي جهال واتعاركو
بيناتهم
حجي رشيد باوع لدلو الي جانت
واكفه بصفه ولازمه دشادته
وهي تشهك وتبجي
« اش بعد جدج ماعاش اليبجي
هاي العيون الحلوه
حجه هيج وباوع على شكريه
وحجه
« الجهال تتعارك وتصالح والكبار
يظلون بصخام الوجهه
« اي والله ياحجي لاعاب حلكك
« كومي حنونه
خلي انروح لعمو محمد نشتري
« هييييي
حنون كامت ولزمت ايد دلو
وراحن وي جدهن
« شفتي يمه شلون نست وراحت
وي بنت عمها،،،،كبري عقلج
ولاتظلين،،،،،،،،، بهاي السوالف
شكريه،،،،،،،،،،،، سكتت وهي
مو عاجبها الحجي وظلت تشتغل
وهي تدردم وي روحها
هزيت راسي من شفت تصرفات
ام قصي،،،،، الي ابد ماتغيرت شكد
حاولت،،،،، اتقرب منها بس هي ابد
ماحبتني،،،،،،،، ولا حبت ولدي
ومن اجتي دلو شدت وياها
وحتى
ضرب كامت تضربها كم مره
تعاركت
وياها بس مايفيد بيها
واني سكتت لخاطر الحجي
والحجيه
واديب الي ابد ماشفت منه اذيه
لا هووو ولا بهاء
من ذكرت بهاء كتلها للحجيه
« يمه خلي انكثر ام التمر لبهاء
خطيه يحبها
« اي يمه همزين ذكرتيني
سوده ،،،،عليه شكد يحبها
« هو يجي بالعيد مووو
« والله ماادري يايمه بس نصرة
راح تجي
« اي هلا بيها والله مشتاقتلها هوايه
« اي والله يايمه اني هم مشتاقه الها
وشايله همها شلون راح تجي
وهي حامل
« اني ادري شعدها كل سنه تحبل
« كولي الله يمه غير رجلها يريد
« اييي هو شكو علي التعب
كله براسها لنصرة
« اي هي هاي الام ربج مكال الجنه
تحت اقدام الامهات هيج
« خلي اكوم اشوي هاي الصينيه
احسنلي
شكريه كامت وراحت للطباخ وام
جمال باوعت لرحاب الي
هزت براسها
وكالت بهدؤ
« مايفيد الحجي
،،،،،،،،،،،،،،،،،،،،،،،،،،،،،،،،،،،،
« ابو حارث خلي نسوگ للبيت
البنات راح يجن
« اي هوو هم هيج وها خلي
ناخذ علب حلويات ونساتل لنصرة ولجهالها حتى
من يروحون ياخذوها وياهم
« اي والله همزين تذكرت اني ناسي
« يله اخويه خلي نعزل ونروح
من وكت
« اييي هسه خلي احاسب الولد
وانطيهم عيدياتهم ونعزل المحلات ونتوكل
،،،،،،،،،،،،،،،،
كاعدين اني والحجي وعيوني
على الباب انتظر الولد يجوون
« عبالك اليوم تاخرو الولد
« اي فهومه اني كتلهم اتسوكوا
للبيت
قبل العيد
« هااا زين سويت حجي
هيانهم،،،،،،،،،،، عبالك اجوي
« اييي اجوي خلي ولدج يطلعون
عليهم
ويشيلون المسواگ
« حارث يمه قصي اطلعو شيلو
المسواگ وطببو للمطبخ
،،،،،،،،،
« يالله شكريه حظرلي الحمام
جسمي كلش تعبان اريد اسبح
حتى افك شويه
«اييي هاي الفالح بيها
حظرلي الحمام
وحظرلي هدومي اطب وتطلع
ومادكول هاي شبيها ومنو غاثها
« ياساتر يارب شكووو شبيج كالبه الخلقه
شكريه انهدت بأديب وبصوت عالي
« فهمني شبي حظي وي اهلك
هااا ليش دائما يوكفوون وي
رحاب وبنتها ضدي
وليش هاي التفرقه بين حنان
وبنتها لذيج
« نصي حسج ولج، ،،،،،،
وسدي حلكج يوميه هاي
السوالف امك وابوك
ورحاب وولد رحاب ماتجوزين عاد
من هاي السوالف البايخه
« مااجوز افتهمت وطلعني بيت
بحدي بعد ماأكدر اعيش وياهم
اديب خنزر على مرته وحجه وياها
وهو جاز على سنونه
« نصي حسج راح اكبرج
وطلعه ماكو وتكعدين بهل البيت
حالج حال رحاب
« منوووو تكبر والل،،،
شكريه،،،،،،،، ماكملت كلامها
لان اديب ضربها،،،،،،، راجدي
من كامت تصيح
،،،،،،،
« ها شكو شبي اديب ومرته
جنت كاعد وي الولد
يم جدي دنتضر الغده من
سمعت صوت امي
تصيح وصوت ابويه وهو
يسب بيها كمت
بهدؤ وطلعت برة للشارع
وكعدت
على الرصيف
مشاكل،،،، امي وابويه كثرت
ودمرتنا
وخلتني اعزل نفسي عنها
جنت،،،،، من اشوفهم يتعاركوون
اهج،،،،،،،،، من البيت وماارجع
الا وين
مشاكل ،،،،،،سببها امي الي
ماريحت ابويه وخلته يكره
طبته للبيت
شكد اكو فرق بين عمه
رحاب وبينها
جنت اشوف بعيوني
شلون عمة رحاب من يطب
عمو جمال تتلكه بالباب
وتحظنه وتبوسه حتى
لو الكل موجود هاي حاله
ابد مابطلتها حتى
وهي مريضه
حب وتفاهم حياتهم حب
بأحترام
وموده ورحمه افتقدتها اني
واخوتي
« قصي
انداريت من سمعت صوت
حنان الي طلعت تبجي وكمت
من مكاني
وكدتها وطبيت للبيت
« قصي بابا ضرب ماما
من شفت دموع حنان وخوفها
ذبيت حسره من قلبي
وشلتها
وحجيت بهدؤ وياها
« ماكو شي لاتخافين هسه
يسكتون
حجيت هيج وفتت للهول
وذبيتها يم دلو الي
جانت خاتله وره امها
وتباوع بخووف على الهوسه
والعياط
عيوني راحت لجنة وامير
شلون جانو واكفين يم الباب
ويبجون
تمشيت واني مدنك راسي
وطبيت للغرفه من شفت
امي كاعده
وتبجي وعمو جمال وجدو
لازمين ابويه الي وجهه صاير
احمر دم ويغلط على امي واهلها
بصياح وفشار
تقدمت،،،،،، علي
ولزمته من جتفه
وحجيت ويا بصوت عالي
واني خجلان من الموقف كله
« يابه كافي ،،،،،كافي فضايح
اديب ،،،،،من سمع صوت
ابنه وشاف
عيونه مغوركه دمع رجع ليوره
وهو يسب بالساعه السوده
الي اخذ شكريه بيها
وباوع عليها ولزم شاربه
وهو يصيح
« ولج هذا الشارب مو عليه
اذا ،،،،،،،،،،مازوجت عليج
دشوفي
يبنت قادر مزه اذا ماازوج
عليج
اني مو ابن حجي رشيد
« ولك كافي لايصير بيك شي
راح تمووت
« ولجه يمه موتتني قال اهلك
وعمل اهلك ولج،،،،،،
مو مرة شيطان وغضب
وصار براسي
« ولك جمال طلع اخوك منا راح
يصير بي شي
جمال ،،،،جر اخوه هو وحارث
وقصي
وحجي رشيد ظل واكف
ويباوع على شكريه الي
كامت
تصيح عليهم
« اطلعو بره مو هذا الردتوه
يكتلني
ويبرد قلبكم دروحو خطيتي
بركبتكم
« ولج هو احنا الي خلينا
يكتلج لو
هذا لسانج الي خبله وخلاه
يمد ايده عليج
« اطلعو بره
من عاطت شكريه اديب راد يهد
عليها مرة ثانيه بس حجي رشيد
صاح بي ومرته
« حجيه اطلعي وعوفيها
هاي مايفيد
بيها الحجي تعلمت على الكتل
« خلفه عليك حجي
« الف مرة خلفه عليه لان لفيت
وحدة مثلج لا خلقه ولا اخلاق
من رادت تحجي شكريه
حجي رشيد
اشرلها
« اش حسج طلع بما فيه الكفايه وانفضحنا من وراج، ،،،، واذا
تحجين كلمه بعد الباب يفوت
جمل
يللللللله حجيه اطلعي
حجي رشيد دفع مرته كدامه
وطلع من غرفه اديب
وركع الباب وراه
من راحو للهول وكعدو
ام جمال
حجت وي ابنها
« شبيك وياها يايمه
« ولج يمه
من امداني من اخذتها
ولكم مو بشر اطب واطلع
قال امك قال رحاب
« اني شعليه ابو قصي والله
مالي شغل بيها
« اسكتي رحاب
ام ،،،،،،حارث سكتت من حجه
وياها جمال واشرلها
« هاك شوف مو جمال كال لمرته
اسكتي وسكتت وماحجت بعد
اي ادري اني شبي حظي
وانطاني هيج وحده عرمه
« ولك يمه اسكت لخاطر جهالك
اديب كام وظرب الطبله
وهو يصيح
« اييي شكو ساكت اني
غير من وراهم ساكت وماكل،،،،،،
ولا جان من زمان
مطلكها ومديحها لاهلها،،،،،،،،،
« كافي اديب العالم منا كافي ابني وعوفها الله يهديها
« اااااااااخ ولكم من ايدي كله من
ايدي يابه شكد حجيت وياي
وكتلي ماتفيدك
بس اني زمال وعاندتك واخذتها
« بعد مايفيد الحجي يمه الفاس
وكع بالراس
رغم اني جنت اعرف امي هي سبب المشاكل ،،،،،،وابويه واحنا ضحيه
الها بس مكدرت اظل واكف
واسمع
الحجي عليها
مشيت،،،،،،،،، بهدؤ من يمهم
وطلعت،،،،، للشارع ومارجعت الا
وره ساعه ،،،،،من طبيت لبيت
عرفت،،،،،، امي رايحه زعلانه
لبيت جدي
زعل ماطول مثل كل مره ورجعت
ثاني يوم،،،،، وعبالك ماصير شي
،،،،،،،،،،،،،،،،،،،
يِّتّبِعٌ
مسائكم سكر وعسل
احب انوه لفد شي
القصه حقيقيه وقصي راح يتابع
القصه،،،،،،، ويانا
فياريت تكون التعليقات اعجاب
ابداء رأي ،،،،،،
تحياتي لكم
اوتار حزينه