انا وذات الخمار
بقلم اوتار حزينة
الجزء الثاني والثلاثون
،،،،،،،،،،،،،،،،،،،،،،،،،،،،،،،،،،،،،،،،،
لايمي واحضنك واخبط الروحين
ولا انت البعيد الما الك جيه
ولا سرك مثل يوسف واشمره ببير
ولا اعرف اضم اليحترك بيه
عندي احلام صارن سود
واني اضحك واكول احلام ورديه
وضباب بداخلي ونسيان
واذا گدامي وجهي يصير
مااعرف معانيه
حبك وين تاليه!
قبل لاتسألني شنو البيك
خليني اعرف شبيه!
فرح
سمعته كال
شيخ شجااع شلونو
اجه باتجاهي ماتحركت ولا كمت
ماردت افشله كدام الكاعدات
نزل روحه كلش عليه
رجعت راسي ليوره وزحف الشال
ووكع منه حجه بصوت تعمد
الكل يسمعه
شيخه گلبي وگع شالها
گلبي زادت دگاته وهو ماكفاه الحجاه
مد ايده ورجعه على راسي
اخذ شجاع مني وووكف وهو بحظنه
باسه من خده
وجهي اشتعل نار لان العيون كلها صارت
عليه خلود جاوبته بضحك
عجل امي شنو
امج ريحه الجنه وهواها
عيوني راحت لامه مبتسمه وجاوبته
الله يرضي عليك يايمه دنيا واخره
اللهم امين
البنات جاوبن عيوني راحت لنعمه وجهها مگلوب هي والوياها وتباوع علي بقهر
صگر تريد جاي
يسرى سالته وجاوبها
لا مااريد عدنا كعده يم شيخ امجد ولازم
اروح وي ابويه بعد شويه
سكت ووكمل بضحك وي شجاع
يله لك قشمر امشي روح لامك ومااريدك
تصير وكح وخليها تنام بليل كافي
مسهرها ومامخليها تغمض عيونها
عكدت حواجبي من سمعت كلامه
كلت هو شمدري اني ماانام الليل واسهر وي شجاع كلت يجوز امه تحجيله ومادرت
بال
اجه عليه وانطاني شجاع
رايده شي اجيبو الج من ارد
لاا تسلم
جاوبته بارتباك واني اتجنب اباوع اله
ياالله طالع يمه ادعيلنا
الله وياكم يمه تروحون وتجون بالسلامه
شالي زحف هم ليوره ووكع يسرى حجت
بضحك
انزول شعرج غير سرح ومي حتى الشال
مايثبت علي
خلفه علي للمسرح هو مسوي شعرها
هيج
نعمه حجت بضوجه وهي تباوع عليه
بنظرات حسد خلود جاوبتها
لااا فرح ماتخلي مسرح هي من اجتي عدنا
اول مره هيج شعرها زبده وسرح
ولونه اسود مثل الليل
حتى ام الصالون تعجبت بشعرها
أنت تقرأ
أنا وذات الخمار
Roman d'amourننت ان قصتي ستكون حزينه وان قدري كتب في صفحه سوداء بقلم حبره من دموع وان حياتي ستمضي مثل كل يوم الم دموع حزن قهر ولكن شئت والله اراد شي اخر وكان قدري ان ارسل لي روح تشبه روحي في كل شي روح عانقتني وانقذتني من حاله الضياع والالم التي عشتها تغير عال...
