مثل الجبل كابرت في وجه الإعصار ماطحت لكن أوجعتني جنوبي

6

نزلت نوال وهي الحيا باين على ملامحها

زايد : تقدم لنوال ومسكها من يدها وتوجهو ألا العيال وقعد زايد يصورهم ونوال خذت جوال راكان
وقعدت تصورهم وكانو كلهم فرحانين وكنه فرحهم ماهو فرح زايد ونوال
فرحانين فرحه مايعلم فيها الا الله سبحانه وتعالى

عند عقاب وعياله الي كانو مصدومين

عقاب : كيف بذي السرعه وبدون علمنا يروحون يخطبون ويخلصون خارج البيت ويجون يكلمونا وين راينا في الموضوع صحيح انهم محجوزين لبعض لاكن مايصير يسوون كذا لاهي من عاداتنا ولا تقاليدنا

عبد العزيز : هدي يابوي ماعليش عيال عم مهم غريبين

طلال : تكفا يابوي لاتخرب فرحتهم شوف كيف الفرحه باينه على وجيهم وانت وحنا كلنا ودنا بذا الشي من زمان وانت خابر زين يابوي

فيصل : صحيح كلام طلال تكفا يبه لاتخرب عليهم وشف العيال كانو معهم وعادي انت تعرفهم زين عيالك كلهم وتربايتك ولا هم كاسرين كلمتك وهذا رايك من الاول منهم صغار

عقاب : انا مو على ذي انا قصدي ابي افرح لهم ليش ماقالو لي كان مسوي لهم حفله ويستانسون اكثر من كذا

عبد العزيز : ابتسم ابتسامه عريضه قصدك كذا يابوي والله فهمنا غلط

فيصل : ههههه

طلال : بروح اناديهم يقربون علينا اشوا انهم ماسمعو كلامك يايبه

طلال : حيهمم مبروككك ياروح عمتس انتي ليش ماعزمتونا على الخطبه

نوال : بحياا ومفتشله والله ياعمي انا ماادري كل ذا من زايد هو الي مخطط الموضوع

طلال : يابعد حيي وميتي هينه لاتشيلين هم ويضرب كتف زايد ضربه خفيفه مبروكك ياالبزر توك صغير وش مستعجل عليه

زايد : هههه تراني كبرك مابيني وبينك شي

طلال : يعني غيره هاا قلت طلال خطب انا ليش
مااخطب ادري انت تقلد في كل شي

زايد : اقول طلال وش قال ابوي عقاب

نوال : كانت تنتضر وش راي جدها لأنها خايفه انه زعل عليهم وتناضر طلال وكنه تقول له انطق ياعمي تكفا برد على قلبي

طلال : ابوي فرحان من كل قلبه ويقول انه احلا شي سويتوه

نوال : تطمن قلبها وشعور الخوف والقلق راح اهخ الحمد لله