وبهاذا الاثناء دخل احمد اخو مريم.......
احمد : اسكت لك لترفع صوتك على اختي شعدكم يمنه؟؟؟
حاتم عم احمد ومريم : والله يا احمد كبرت وكمت تعلي صوتك واني موجود ماريد اخذ بل كلام وانطي جهزو بتكم باجر ناخذها في امان الله
مريم : راح عمي واني منهاره شنو زواج منو فايز؟
احمد : رحت حضنت اختي شفتها تبجي وامي واكفه وتباوعلها..... مريم لتاكلين هم اني محامي وراح انقذج ثقي بيه
مريم : احجوو شكوو شصاير ليش تزوجوني ( بصياح)؟؟؟؟؟
ام مريم : مريم نصي صوتج منا الجيران عيب ولقصه انو مرت عمج حاتم سحرت ابوج حتى يكتل ابنها وابوج بدون وعيه راح كتله حتى عمج ميحجي ويه ابوج وعمج قبل 20 سنه يريد يكتل اخوج احمد وجان عمره 8 سنوات حتى ياخذ حق ابنه اللي مات الله يرحمه واني جنت حامل بيج فكلت لتكتلون ابني مريم انطيها الكم ( جانت حامل بمريم) لضنين بيوم اني اكرهج انتِ بنتي الوحيده معندي غيرج بس هاذا اخوج ولازم اضحين علموده
احمد : مامااااا ( بعياط) كافي كافيييي ماريد اسمع شي اني قررت اخذ اختي نروح نعيش ب بغداد ( همه عايشين بل انبار ) وماريد اي اعتراض لامنج ولا من مريم
ام مريم : احمد انتَ سامع نفسك شدتحجي ذولي عمامك لو جنت جوه الكاع يلكوكم ويموتوكم مسوي روحك متدري منو همه؟؟
مريم : لحضه والله احس نصدمت كل هاذا واني عمري 20 سنه كل هاذا بسبب التقاليد البايخه مالتهم مادري ايمت يتثقفون وميفكرون بل فصليلات وامي امي تكرهني؟؟؟ كل هاذا جان تصنع؟ بس هم لازم اضحي علمود احمد اخوي اني احبه هوه وعلي وراح اروح بعد هاذا قدري
احمد ماما سكتو خلص قررت اروح اني واحمد اترجاك لتدخل......
احمد : مرريييممممم ولا كلمه كومي اتجهزي لاتخليني بل غصب اوديج
مريم : احمد كتلك معليه عوفني انت اخوي مستحيل اخليك تتأذه احمد افهمني اترجاك
احمد : مريم سوي مثل مكتلج وروحي تجهزي بسرعه ( بعصبيه ومبين ع وجهه)
مريم : اني خفت من اخوي لان هواي تعصب كمت كتله لااا وصديقتي ملك؟ ماريد احمد لالا
احمد : اهوو هسه وكت صديقتج يابه هسه اوديج وره ساعه اجيج وره ساعه مو اكثرر
مريم : وهيه تبجي تمام تمام مادري شسوي بل خيارين اخوي راح يتأذه اذا رحت ينقهر واذا مرحت مادري المهم خ اتوكل ع الله رحت تحضرت. وذكرت بعد ماشوف هاي الغرفه ولا البيت ولا امي امي الجانت تحبني اكثر من نفسها هسه هيج؟ اجيت اسلم عليها
ام مريم : مريم اتذكري اذا رحتي اني ممسامحتج تخلين اخوانج يتأذون وعلي يتأذه بسببج اني اول مجبتج كلت انطيج اللهم مجنت اريدج اعرف دا اجرحج بس هاي الحقيقه واذا طلعتي اني ما مسامحتج
احمد : ماماا........
