شفت احمد اخو مريم
احمد : لكك ها عبود شلونك
عبدالله : الحمدلله وانتَ
احمد : زين شكو خير اكو شي؟
عبدالله : لا والله بس وصلت مريم وكلت اوديها لبغداد
احمد : ها عرفت بل سالفه؟
عبدالله : اي والله يخوي
احمد : جا شسوي بغداد انتَ؟
عبدالله : اني هم عندي شغل
احمد : لعد نروح بسيارتي هسه شويه وجايك
عبدالله : (ياخي وينننن مريم طولت)
مريم : دخلت جوه علمود اخذ جنطتي
ام مريم : ها رجعتي
مريم : مجاوبت لان منهاره من البجي ستوني اريد ادخل من يمها جان لزمتني من ايدي قوي
ام مريم : اسمعيني إذا طلعتني منا راح اتبرى منج وابوج راح يتأذه بسببج
مريم : مو.....
ابو مريم : انجبي ولاتحجين ولا كَلمه مريم بويه روحي ويه احمد لبغداد ولتخافين اني كُلشي ميصيري المهم انتِ تعيشين بسلام انتِ بنتي الوحيده مُستحيل اضحي بيج
مريم : ماعرفت شكُله حضنته وبسته براسه هوه أفضل أب بس بيني وبينكم جنت متردده اروح لبغداد قاطع أفكاري صوت علي
علي : لعد اني ماكو حضن مو بس تحضنين ابوج
مريم : (واني وابجي) لا انتَ اخوي شون ماحضنك بس احب ابوي اكثر
احمد : كُله حضن عيني وناسين اخوكم الجبير
ابو مريم : هههههههههههههههه الله يحفضكم اللي اني محضوض بهيج أولاد
احمد : (بست راس ابوي) الله يحفضك النه بابا مريم يله عبدالله ينتضر بره
ابو مريم : شيريد عبدالله
احمد : مو سمع نروح لبغداد كال نروح سوه هوه عنده شُغل هناك يله مريم شكو صافنه مبقى وكت
مريم : رحت جبت جُنطتي لان جنت محضرتها باوعت لغُرفتي ومتت بجي معقُوله كُل هل اشياء اللي اني دا امُر بيها واني عمري 20 بس ابوي مريض ماريده يشوفني ابجي وينقهر مسحت دموعي ونزلت....
ام مريم : اي شكلج بَطلتي بجي يا جذابه
علي : ماما كافي لهنا وبس معليج بمريم
ام مريم : انج....
ابو مريم : اذا متسكتين والحسين اطَلكج
مريم : لا بابا لا لجيب هل طاري فدوه
ابو مريم : حبيبتي ديري بالج ع نفسج واذكري ابوج يحبج هواي
مريم : رحت حضنته وبجيت
