مَاليِ غِنَى عنكِ ياسحاب 😔💔

8

ام سحاب : الله يهديك وشبك على البنت
ابو سحاب وهو معصب : انتي انطمي مابي اسمع حسك
[المهم وبدت التعنيف و السب و العن مدري وش الين الحين ]
____نرجع لي الشله ______
سحاب وهي تشهق : كنت اعترها كل شي في حياتي شوف كيف انقلب من مصدر سعادتي إلى مصدر كابتي [شهقه]
بس تدرون المشكله وين انو كل شي كان يسويه فيني أنا وامي الله يرحمه كنت اقول اوكي السحر بي ينفك قريب ولا مره كرهته صح انه كان يضربني ضرب مايعلم فيه إلى رب العالمين كنت أتحمل اقول لي نفسي يلا سحر شوي و ينفك بس وصلت إلى أنه يقتل امي ليييش ياليت انو امي مسويتله شي ماسوتله شي وفوق هاذا كله يجيب بنات ويق__تصبهم يعني أنا وش اسوي في حياتي بس ما اقول غير حسبي الله عليهم
ذوق وهي تضمها و تطبطب على ظهرها: سحاب قولي لاإله الا الله وكلشي مكتوب بيد ربي محد يقدر يغير شي صح ولا لا ويمكن موت امك يكون خير لها بدل ما تتعذب تحت يد أبوك
سحاب وهي تبكي بكل قهر : أنا عارفه بس ليش ياخذ ورث امي كله وهي موصيتني على الورث اني اخذه آخذ كل شي حتى ما عطاني ربع المبلغ
عبدالله بحنيه : مادامك معنا ان شاءالله انو مارح نقصر معك بشي وكل شي تبينه بيجيك ان شاءالله
سحاب ببتسامه ودموع تنزل : مدري وش اقول لكم بصراحه بس لولا الله ثم انتم ماكنت موجوده اصلا مدري اصلا كيف ربي صخركم لي بس الحمدلله
سلمان وهو يلطف الجو : طيب عندي لكم خبر
عبدالله: لعله خير تكلم
سلمان وهو يبتسم : العشاء علي اليوم
كلهم بصدمه : ؟؟؟؟؟؟؟؟
سلمان ببتسامه فخر : ادري ادري اول مره أعزمكم وآخر مره
ضحكو كلهم احساس لفت على سحاب وهي تضحك : اي خليك كذا يازين ضحكتك
عند ذاك الي قاعد يتأمل ضحكت سحاب [يازينه بس مدري متى يجي الوقت المناسب عشان اعترفلك ]
يوسف : طيب يا سيد سلمان وين بتعشينا
سلمان : توقعو
فهد بغباء : مدري احس البقاله
ترف شبكت على طول : لا لا احس الدانوب
سلمان بمزح : اجل دزو
سحاب : اشتهيت ماك
سلمان : لعيونك يالبى قلبش
هتان بغيره : لا تحتك
سلمان : ايش ؟؟
هتان استوعب : ولاشي
سلمان : طيب يلا استناكم في السيارة
يوسف بحماس : وش رأيكم ناكل في الحديقه
ترف : اول مره تقول كلام كويس
عبدالله: طيب يلا قومو
—————بعد ما اخذو أكلهم وراحو الحديقة ———-
فيء: وش صار على السفره ؟؟
عبدالله: ان شاءالله نرتبها
هتان بعد ما خلص أكله : بقوم امشي مين يجي معي
يوسف و فهد : احنى بنجي
عبدالله : خلو عنكم المشاكل و الهياط وانتبهو لي نفسكم
يوسف : معليك أنا بنتبه لهم
فهد : انت الحالك يبيلك الي ينتبهلك امش بس
و مشو الين شوي بعدو
هتان بهدوء: ياعيال خاطري اقول لكم شي
يوسف و فهد : سم
هتان : سم الله عدوكم اسمع بدخل بلا موضوع على طول
فهد و يوسف عرفو الموضوع : تحب سحاب صح ؟
هتان بصدمه : كيف عرفتو انتو؟؟؟
يوسف : ترا واااضح يا حبي
فهد : اسمع إذا صدق تحبها اعترفلها
هتان : كيف ؟؟
يوسف : سهله روح عندها قول لها احبك
هتان : احلف ؟؟
يوسف بستغراب : وانا صادق
فهد وهو يضرب جبهتا : انطم
هتان : تدرون وش مخوفني
يوسف و فهد وهم يطالعون فيه : وش
هتان : انها ما تبادلني المشاعر
فهد : من جد يخوف بس عادي جرب
هتان يتنهد : اخخخخ بس استوعبت ان الحب يوجع
فهد : بذات إذا كان ما يعطيك وجه اخخ بس
يوسف بصدمه : ليكون انت بعد عاشق ولهان
هتان وهو يكلم فهد : مين هي ؟؟
فهد باستفزاز : بعدين اقول لكم
يوسف بقهر : ورع
______عند الي جالسي _____
كأنو جالسي يسولفون ويضحكون إلى سحاب الي كانت في عالم ثاني تحاول تستوعب الي صار في بيتهم
احساس : سحاب بنت [ وهي تأشر بيدها قدام وجه] سحووووب بنت
سحاب بفز : هلا هلا
احساس بخوف عليها : بسم الله عليك الرحمن وشبلاك من اول أناديك
سحاب و دمعتها بطرف : مافيني شي بس بروح الحمام [انتو بكرامه ]
ذوق : انتبهي لنفسك
هزت رأسه بإيجاب وقامت وهي تمشي وصلت الحمام خلصت وهي راجعه حصلت بنت صغيره تلعب مع أبوها وهي تضحك ابتسمت لا شعوريا وتذكرت أبوها بس بسرعه ما اختفت الابتسامه اول ما حست انو في احد سحابها ورا الحمامات
سحاب بخوف : وخر عني وش تبي
شخص : اششششش لا تتكلمين
سحاب بخوف اكثر من خشونت الصوت : طيب مين انت
شخص : افاااا بذي السرعة نسيتيني
سحاب وهي تحس انها عرفتها : ابوي ؟؟؟
إبراهيم ( ابو سحاب ) : اخيرا عرفتي
سحاب بتوتر : مو انت تبريت مني وش تبي فيني الحين
ابراهيم: مابي منك شي بس ابيك تبعدين من ذولي المتوحشين الي جالسه معهم
سحاب بانفعال : حدك عاد على اخواني ولله ان تكلمت عنهم ولا حاولت حتى تتقرب منهم انو بتشوف شي ماقد شفته
إبراهيم بسخريه : ولله وبنت العنود طلع لها لسان ماشاءالله
سحاب : اول شي اي طلع لي لسان وش يعني تبيني اسكت على كل الي سويته فيني انت وأختك الحيه وثاني شي اسم امي الله يرحمها لا يجي بلسانك تسمع ولا لا
ابراهيم بعصبيه: مين انتي عشان تهدديني وش بتسوين يعني بتشتكين يعني ماتقدرين ياحبي
سحاب بهدوء: نشوف مين بيشتكي إول أنا ولا انت يالي ما تتسما
أبراهيم بانفعال عطاها كف : يالي ما تستحين على وجهك على اقل احترمي عمري
سحاب باستفزاز : اي عُمر تتكلم عنه صح انك كبير بس مستحيل اني احترمك قبل يوم كنت مصدر سعادتي والان صرت مصدر كابتي . وراح إبراهيم وخلاها
___ عند الشله ___
بعد ما رجعو الثلاثي المرح كملو سواليفهم
هتان استوعب انو في احد ناقص : سحاب وين ؟؟؟
احساس : راحت الحمام بس طولت
هتان وهو يقوم : بروح أشوفها
عبدالله: يلا اجل على بال ما نلم العفش لا تطول
هتان : ابشر . وراح
احساس بشك وهي تهمس لي ترف : احس في شي بين هتان و سحاب
ترف بنفس الهمس : مافهمت
احساس : مدري احس هتان يحب سحاب
ترف بستوعب: حسيت ولله بس مدري
____عند هتان _____
راح يدور لها وهو يناديها ماسمع لها حس فجأة سمع صوت وحده تبكي وكان الصوت جاي من ورا الحمامات
هتان بصدمه: سحاب!!!! وش تسوين هنا
سحاب وهي تضمه : هتان خايفه
هتان بادلها الحضن : من وش خايفه
سحاب وهي تبكي : هتان ابوي بيقلب السالفه علي
هتان بستغراب : اي سالفه ؟؟؟
سحاب بشهقه : سالفه امي
هتان بصدمه : خييير ان شاءالله يقلبها عليك ذا الملعون أنا اوريك فيه
سحاب وهي تمسك يده : هتان خلاص أنا بتصرف
هتان بانفعال : يابنت وش الي بتتصرفين وش بتسوي يعني انتي عارفه الحين وش عقوبت القا*تل
سحاب بهدوء: عارفه
هتان بدون لا يحس مسك وجه بيدينه وقربها منه وصار بانهم تواصل بصري لي ثواني
هتان بهدوء: طيب مدامك عارفه ليش التهور واذا صار لك شي تدرين وش بي صير فيني بتعذب
سحاب بصدمه : وليش تتعذب ؟؟؟
هتان بنفس الهدوء: لني احبك
سحاب بعد استيعاب : هاااا؟؟؟؟؟
هتان : اي احبك وأموت فيك بعد
سحاب وهي مو عارفه تفرح ولا تزعل : من جد تحبني
هتان بضحكه خفيفه : وشبك مو مستوعبه ولله اني احبك مو مصدقتني روحي عند فهد و يوسف
سحاب الي كان في داخلها فراشات مو قادره توصف كميت الشعور الحلو الي جاها واخير اعترف لها وكان في عقلها يردد [ اخير قالها قال احبك قالهااا]
هتان : طيب انتِ تحبيني ؟؟؟
سحاب وهي تهز رأسها بي إيجاب : اي
ضمها هتان على طول وهو كان اسعد إنسان في وجه الأرض واخيرا ما خاب ظنه وطلع الي يحبها تبادله نفس الحب
هتان وهو ابتسامته شاقه وجه : يلا نروح ترا تأخرنا
سحاب بحزن : طيب وش صار على الموضوع ؟
هتان : بيحلها ستين حلل
_____________________
[نوقف هنا 🤚🏽، يلا عطوني رأيكم كيف البارت حلو ولا لا 🤔, و وش بي يكون ردة فعل الشله بعد ما يدرون عن سحاب وهتان 😭😭، خلاص يلا باي ، تعالو الانستا عاد [ loli200713] , لا تنسو النجمه 🌟]💗💘