مَاليِ غِنَى عنكِ ياسحاب 😔💔

10

سحاب ببتسامه هادئه: اخخخ يا فيء لو اقول لك قد ايش امي عانت معه مدري من وين ابدا وين انتهي
فيء بحزن : اسفه اني ضايقتك
سحاب ببتسامه : وش دعوه ترا ما بينا شي

________نكمل ___________
بعد ما اخذو الطلب ورجعو اكلت وصحصحت وكملو تسوقهم
_______عند العيال _______
سلمان : عيال
كلهم بصوت واحد :هلا
سلمان بضيق: احس بضيق
عبدالله: بسم الله عليك من وش
سلمان :مدري احسني ماني مرتاح لي طلعت البنات
هتان بخوف : ليش فيهم شي ؟
سلمان : مدري بس كذا احساس
فهد بهمس لي يوسف : الولد ذا مو مطمني
يوسف بنفس الهمس : حتى أنا
بعد الصمت قام هتان طلع بره الشقه وهو شاغل باله في البنات و خاصتاً سحاب من بعد ما قالت له سالفة أبوها وهو صار يخاف عليها مرره حاول يتصل مره مرتي ماترد هنا بدأ الشيطان يوسوس له [ليكون أبوها أخذا ليكون صار فيها شي ] المهم بدأ الشيطان يلعب فيه وهو رايح جاي في الممرات بعدها قرر يدق على فيء
__________عند البنات ________
بعد ما خلصو تسوق جلسو عند مطعم وطلبو لهم اكل
سحاب وهي واقفه : أنا بروح الحمام شوي واجي
ترف : تمام انتبهي لي نفسك
سحاب ببتسامه لي اهتمام البنات لها : ابشري
فجأة دق جوال فيء
فيء وهي ترفع جوالها : هلا هتان وش بغيت
هتان بخوف : وينها سحاب
فيء بخوف من نبرت صوته : في الحمام ليش في شي
هتان : طيب جوالها وين
فيء : هاذا هو موجود على الطاوله
هتان : وانا لي ساعه ادق دق عليها و ماترد
فيء : اتوقع انها محطيه صامت لنو ما حسيت فيه وهو يدق
هتان : المهم انكم بخير ما فيكم شي
فيء : لا الحمدلله مافينا شي
وقفلو الخط
احساس بستغراب : وش يبي؟
فيء : يبي سحاب
ذوق : بنات احس في شي بين سحاب و هتان
ترف : شي زي ايش ؟
ذوق : احس هتان يحب سحاب
احساس : نفس إحساسي وربي حسيت نفس الشي
ترف بفهاوه : مافهمت ؟
احساس : يابقره تذكرين ذاك اليوم يوم عزمنا سلمان
ترف : اي ؟
احساس : اي ذاك اليوم مو هتان راح يدور سحاب و طولو ورجعو وهم يضحكون و مستأنسين
ترف بستيعاب : اهااااااااااااا تذكرت
احساس : ايوا ومن ذاك اليوم احس بينهم شي
ترف : خلوها إذا جت نقول لها
احساس : بس احس بنضايقها
ذوق : حتى لو ماهما كان تر احنى خواتها مستحيل نخبي عن بعض
بعدها بي كم من دقيقه جت سحاب وكل وحده تناظر الثانيه
سحاب بستغراب : وشبكم ؟
ترف : اسمعي بنسألك سؤال نبيك تجاوبين بصراحه
سحاب : وش ؟؟
احساس : هو السؤال عن شخص
سحاب : من هو ؟
احساس: هتان
سحاب بستغراب : وشبه
فيء : بينكم علاقه ؟
سحاب ببتسامه خفيفه: خلو هو يقول لكم
ذوق بنرفزه : يااا كرهي لي الصبر عاد هتان فاحس لزم نسحب منه الكلام
سحاب بضحك : ههههه عاد اصبري
فيء : احس انكم تحبون بعض مدري احساس بس
سحاب : لا تحسين تأكدي
كلهم لفو بصدمه :؟؟؟؟؟؟؟؟
احساس بصدمه: سحاب من جدك
سحاب وهي فاطسه ضحك على اشكالهم :وشبكم مو انتو شاكين خلاص شككم في محله هههههههههه
ذوق : وربي اني عرفت نفس الطينه لزم نسحب منك الكلام
فيء: تكفووون اخيرا في كوبلز في الشله هههههه
ترف : طيب و الاكل و صار عليه ؟؟
وبعد ما أكلو و خلصو رجعو لي الشقة
__________في الشقه 11:30 الليل _________
دخلو البنات وجلسو بتعب
فهد وهو سادح على رجل عبدالله : بدري
ذوق : وش تبي انت ناشب لنا الواحد ما يطلع شوي
فهد بخوف من انفعال ذوق : بسم الله وشبك اكلتيني خلاص امزح
يوسف وهو جالس على الأرض  يطالع في الأكياس : باقي شي في المول
ترف رفسته : قول ماشاءالله
سحاب وهي تقوم : تصبحون على خير
عبدالله: تعالي تعالي قبل ما تروحين ترقدين بقول لكم شي
جلسو كلهم في الأرض حول الطاولة الدائرية
عبدالله: اسمعو انتو تدرون انه باقي اقل من اسبوعين و تنتهي الاجازة صح وش رأيكم نسافر
سلمان : تم
فهد : تم بس وين ؟
يوسف : نروح دبي
سلمان : تم
عبدالله: ماشاء الله معك فلوس
سلمان : تم
عبدالله وهو يناظر سلمان : لا واضح معنا في الموضوع
سلمان : تم
عبدالله بنرفزه : تم على ايش يا الدلخ
سلمان : على سفره دبي 
عبدالله: من ولك فلوس
سلمان : مدام ما عندكم فلوس وش حقه تسافرون اجل
عبدالله: يا تيس أنا قصدي نسافر مكان هنا قريب
هتان : مدام على كذا ما في إلى الشرقيه
احساس : الله ايييي تكفون ابي اروح هناك
يوسف : طيب دبي وين احطها
عبدالله وهو يقوم : حطها في ****
كلهم فطسو ضحك
بعد ماقامو كلهم راحو يرقدون إلى هتان الي كان سادح يطقطق على الجوال
____في المحادثة ______
هتان : سحوب صاحيه
سحاب : هلا اي صاحيه
هتان : تعالي برا ابي اسولف معك
سحاب : تمام شوي واجي
____________________

[ نوقف هنا ✋🏽, بتقولون الحين البارت قصير مدري وش ادري بس لو كتبت زياده مارح يكون البارت الجاي في احداث فا عشان كذا بحاول كل يوم انزل لك بارت بحاول ان شاءالله، تراني نزل البارت قبل الموعد اجحدوها ، اجازة سعيده لي الجميع و مبروك لي الناجحين 🥹💗💗]