في قبضة الأنباري

قبضه اضافيه واخيره.

﷽

«دعــاء العامري»

<في_قبضة_الانباري>

انتِ جميع أشيائي الحلوة ..
انتِ اختصاري السري لـ كلمة الفرح •.
_________________________________

سنه 2020 شهر3

كاعده على سريري وعيني على [شمس] اتأمل ملامح وجهه بياضها ودورت وجهه مني اما الباقي من ابوها العيون والشعر والحواجب ابوها على نسخه مصغره.

ابتسمت واني اشوفها تضحك بوجهي دنكت بوستها واناغيلها وهيه تسنكر من كثر الضحك

:- حبيبي نياتي انتيييي ماماتيييي هههههه فرحانه لججج سنو انتييي هااااا ههه

بوستها وبعدت عنها من سمعت صوت الموبايل مديت ايدي واخذتو ابتسمت واني اشوف اسمه مزين الشاشه رديت واني اتصنع البرود عكس داخلي كلو لهفه وشوق

:- الووو

::- اغدي فدوه للوو

:- شتريد

::- اريدج

:- اممم واضح تريدني لدرجه اني سبوعين ببيت اهلي

::- لا تشلعين كلبي هيله عجل انه مكيف على هيج حاير بينج وما بين امي ومنا شغلي وبنتي الي صارلي جثير ماشايفه لا عبالج هينه والله كلبي متكطع عليكم

غمضت عيوني مقهوره ادري بي شكد تعبان والحيره ماخذته بس مو بيدي لازم يسوي حل إلى متى نبقى هيج.!

:- راكاني لعد عاجبك هيج وضعنه بس اول كم شهر بزوجي عشناهن بهدوء ومن بعدها ما شفنه الراحه وانت تعرف قصدي هاي راح يصير النه وي بعض سنتين على هذا الوضع كل مره اسكت الخاطرك بس تعبت والله

::- ادري ياروحي انتي وبكل مرا يصير شي وتتجادلن  وتخليني بين عيونج تكبرين بعيوني ويزيد حبي الج قاطات بس كليلي شسوي امي هاي هيله

:- اني ما كايله شي حبيبي هيه امك واني ما امنعك منها ابد هم حرام علي بس الي اريده نعيش بهدوء يعني سنين انت عايش الوحدك من اخذتك اني صرت حلو بعينها وتريدك

اسمعه يتنهد واضح ديدخن هيج هوه لو انقهر يضل يطحن بالجكاير

::- يجوز بليل امر بيج مشتاكلج ومشتاك لشمس ابوها ومامتعود على غيابكم هيج

:- تمام ننتضرك عيوني

::- ابوسهن رمش رمش