«دعــاء العامري»
.
.
.
#في قبضة الأنباري
إنسى حزنك..
لا يحن حزني اعله حزني
وعلى عناد الحزن يا زين أغني!
حتى أصيحن..
يا حسرتي تباعدي
ويا بسمتي الضاعت إتدني!
آخ مني..
وآخ من روحي
الگظت هذا العمر بس بالتمنّي!
عريان السيد خلف
__________________________
هزيت راسي بأي هوه طلع واني ورا نزلت وچان اسمع
هيلانه....
تحجي بالجهاز وتكول
هيلانه:لا توافقين والله احبه اني ما اكدر من دونه ارفضي الله يخليج
سكتتت ورجعت كالت
:- اعرف اعرف مايحبني بس انا احبو واريدو وهوه بمرور الوقت يتعود علي لا توافقين
سكتتت تستمع للي تحجي ويا شوي واردفت بغضب
هيلانه:- وحده حقيره وكح** وبواكت زلم ماتستحين ع نفسج ولا عندج كرامه جاي اكلج مايحبج لان تعاركت ويا عناد بيا سوه هيج لاتوفقين واذا وافقتي اندمج ولا انتي صديقتي ولا شي بعد
سدت الجهاز وراحت للمطبخ ضليت صافنه هيلانه لسه ابالها تيم من بعد كل هذا الكلام والنصح بعدهي مامتقبله انو تيم راح يتزوج
اعرف مو بسهوله تتخطى بس مالها حق تتصل ع ازل وهيج تحجي وياها بالنهايه ازل هم مالها ذنب وكل الي كالته جذب تنهدت بتعب ومالي خلك اتصل ع ازل واستفسر منها
مر اسبوع واليوم عقد قرأن تيم وأزل جهزنه كلشي وطلعنه لبغداد
وهيل هم اجت مع انو ماقبلنه تجي بس أصرت
وصلنه لبيت خالي كانت أزل استوها جايه من الصالون
ازل حيل حلوه ومعانيها طفوليه وناعمه
بشرتها بيضاء ذات عيون خضراء بشعر لونو حلو يغطي ماتحت عنقها فقط
كانت لابسه فستان زيتوني قماشو ستن طويل وبي فتحه ع طول رجلها اليمنى ومن فوك صلوخ ومفضوح. اني بنت وصفنت عليها وكلت بقلبي الله يساعد تيم اليوم
رحت اني والبنات سلمنه ع كل وبسرعه فتنه لبسنه فساتين وبلشنه رقص وحيل تونسه بس هيل كانت صافنه ع أزل ونظراته متشبعه بالكرهه والحقد والغيرت
وأزل هم احسها تبتسم بس مجامله شوي كالو راح يعقدون
راحت ازل يم باب الاستقبال كعدت ع كرسي
غطينها ببرنص ابيض ورجليها بمي و ورد فتحت القران ع سوره وخلت كفوف ايدها عليه وبين اصابعها هيل
بد الشيخ يحجي كلام هواي شوي وسأل أزل
"ازل جاسم.... هل تقبلين ب تيم سرمد.... زوجآ لكي ع مهر
مقدمه 20 مليون دينار عراقي ومؤخره40مليون
اذا قبلتي قولي نعم وانت وكيلي
أنت تقرأ
في قبضة الأنباري
Misteri / Thrillerفي احد مناطق الأنبار خيال التي كانت بأحتضان عائلتها لتنقلب حياتها رأسآ على عقب بسبب لحضه واحده هل ياترى ينضر اليها الفهد كالفريسه ام يحتويها بين امانه....
