روايـــة: جمعتنا الصدفة بــقلم: ام عمر

1

🔹روآيـــة: جـــمـعتنآ آلصـدفة

🔹بقـــلمـ: آم عــمـر

    
     1😁
__________________

اهلييين يا حلوييين اخباركم🌚♥️ طبعا الرواية دي دمجت فيها جميييع ابطال روايات# سلسلة فرفشة 🍿♥️ ،،
وديل هم الشخصيات 👇:

- نسمة م̷ـــِْن رواية 🔹نسومة الشليقة🔹

-مودة م̷ـــِْن رواية 🔹يوميات دكتورة فالخرطوم🔹

- دعاء م̷ـــِْن رواية🔹يوميات زولة مسفوهة🔹

-مودة م̷ـــِْن رواية🔹يوميات زولة منحوسة🔹

-ابرار م̷ـــِْن رواية🔹يوميات صحبات🔹

الرواية دي لو عجبتكم،  صوتو وعلقو عشان اتحمس واعمل ليكم روايات تانية م̷ـــِْن السلسلة دي ♥️

يلا نبطل رغي ونبدا 🌚🤝

__________________

ابرار: ياااا اووومي شوفي مصعب دا ياااخيي

مصعب:قولي الروب وبفكك

غمضت عيونى وقلت م̷ـــِْن تحت سنوني: الروب

مصعب:مااا سمعتك قولى الروووب الحامض بصوت عاالي

ابرار: يااا اووومى ياااخي 😫😫

امي جاتنا وقالت : ااى صرخو،  صرخو لسه وسمعو الجيران بقلت ادبكم دي،

قلت ليها:يا امى دا مصعب دا لوا لي يدي شوفي 😭😭

مصعب قال:هاا شوف البت الكضابة دى، انتى كان هبشوك ساي بتبكى وبعدين شنو لابسة ابيض مالو مات ليك زول ونحنا م عارفين،  هههههخخ عاملة زى باكو المناديل ،

عايزة ارد عليه كدة سمعنا صوت بوري، امي قالت لي:بكون دا خالك ، مصعب امش افتح الباب

مصعب مشا فتح الباب وانا وامى طلعنا وسلمنا على خالى واتنوسنا معاهو مسافة ما مصعب جاب شنطتى حقت السفر ،

خالي: خلاص نحنا بعد كدة نتحرك

ودعت ناس امي واتحركنا

لما اتحكرنا خالي بدا يونس فيني وانا ما طايقاهو نهاااائي برد عليهو على حسب السؤال

خالي:اهاا ونسبتك كم؟

فتحت فمى عايزة ارد بس قلت في نفسي،  اه هسي لْـۆ وريتو يقول بت بليدة ساي ، بعد طولت وما رديت عاين لي بالمراية،  قلت  ليه:95 🐸

خالي رفع حواجبينو وقال: ماشاء الله

.... اللّـه م ضراك 🐸♥️

.... بس غريبة ما زاعوكى مع الاوائل

..... ااا ااي لٱ اصلا هم لالا كيف كلامك  دا زاعونى ، هيي زاعونى ونص كمان

.... ايواا بكون نحنا م انتبهنا

... اعيي الا كان كدة 🐸 غايتو يا خالي كان شفت يوم زاعو النتيجة  الصحفيين والموصورين الواقفين لينا قدام باب بيتنا شدددة ما كتار (ومن هنا بدأت مسيرة الكذب🌚🤝)

ونّست خالي كداااا  لعند ما  وقف في مطعم نزلنا واكلنا لينا بوش زي البوش 🌚♥️ بعداك واصلنا الطريق وانا نمت،، صحيت. بصوت خالي وهو بيصحي فينى ، فتحت عيونى عاينت ليهو مسافة ورجعت نمت تانى 

..... قومي يا بتى وصلنا نحنا، 

غصبا عنى نزلت مع خالي  ودخلنا للبيت

..... ياااا سلوي جينا نحنا تعالي سلمي على البت
صدقونى ولااا انتظرتها تجي فى مكانى داك انبطحت وكملت نومى 🐸🤝

اعرفكم على نفسي🌚♥️

هلووو انا ابرار. م̷ـــِْن رواية يوميات صحبات، يمكن اغلبكم بيعرفنى🌚♥️
وبالنسبة للمابيعرفنى،  فانا بسكن فى ضواحى امدرمان فى منطقة قروية نوعا ما،  عندى اخ واحد اكبر منى اسمو مصعب،  ياهو زى ما شايفين امتحنت تالتة وجبت 65 بالعافية🐸🤝 قدمت مجال اقتصاد وشالونى فى  جامعة بحري،  وياهو خالي اقترح على امى انى اجى واقعد معاهم عشان الجامعة قريبة منهم ،،،

__________________
يتبع...