روايـــة: جمعتنا الصدفة بــقلم: ام عمر

6

🔹روآيـــة: جـــمـعتنآ آلصـدفة

🔹بقـــلمـ: آم عــمـر

    
     6😁
__________________

✨بجانب نسمة ✨

جهزت شنطتى وشنطة بابكر  وبقينا منتظرين السواق يجي عشان نمشي، سااعة كاااملة والسواق ما جا، و  بابكر عصب والله م يوريكم منظرو لمن يعصب 🤧🤧💔

ساعة ساعتين حتى السواق جا، يلا تعتيبي م̷ـــِْن الباب قلت لبابكر ثوانى بس وبجى،  عايزة اودع جاراتي وبقيت امخمت واقشقش في دموعى بطرف التوب عشان يوافق 🐸💔
قبل مااسمع ردو كركرت شنطتى بوراي وبقيت لافة فالحلة😁😁🚶‍♀️🚶‍♀️🚶‍♀️🚶‍♀️ عاد لْـۆ ما كلهم عرفو انى مسافرة و شافو شنطتى حقت السفر م برتاح   🐸💔 ،

__________________

صحيت م̷ـــِْن النوم ولقيت روحى فالسيارة والدنيا مضلمة،  عاينت جنبي لقيت بابكر بيحاسب فى سيد السيارة،  قلت ليه وانا لسع م مستوعبة: نحنا وين؟ والساعة كم؟ بابكر قال: وصلنا الخرطوم و...،  يلا م̷ـــِْن ما قال الخرطوم ابتسمت خشمى لمن قرب ينشرط🐸💔   باقي كلامو زاتو م سمعت،  فتحت السيارة وطلعت وبقيت بتلفت واحدد  بيتنا وين، ، اهاا على اليمين فى بيت م̷ـــِْن طابقين ضاربينو بهية باللون البيجي ، وفالوسط بيت عادى،  وعلى اليسار فى بيت فيهو غرفة م̷ـــِْن طين وخاتين فيها زنكى وجنبها غريفة( ما تامة غرفة🐸💔)  والحوش كلو مليان كرور،  وان كنتو سالتونى عرفت م̷ـــِْن وين فحاقول ليكم انو السور نصو كان واقع 🤧🤧 ، اهاا انا عينى جات فالبيت المن طابقين ، اتنفست برضا وكركرت شنطتى بوراى وبقيت ماشة عليو 😍😍😍🚶‍♀️🚶‍♀️ اللحظة الوقفنى فيو  بابكر وقال لي:ماشة وين انتى؟؟

.... لبيتنا وحاكون ماشة وين؟

..... والقال ليكى دا بيتنا منو،

عاينت ليه باخر نفس وعاينت للبيت القدامي، ابتسمت  وقلت يلا ما مشكلة دا زاتو بيكفي ويوفي 😍🥰♥️♥️ كركرت شنطتى بوراي🚶‍♀️🚶‍♀️ لمن خلاااص وقفت قدام الباب التفت وراي عشان انادي بابكر. يفتح لي الباب،  القاو تلب فالبيت المن الطين 🐸💔 شوية كدة فتح الباب الكان مصدئ باليلا ويمين ، عاين لي بنظرة شماتة ودخل 🐸💔 ودا كلو وانا فاتحة خشمى مترين ومن الصدمة حتى دموعي ما نزلت

بعد فترة ما عارفاها كم. مشيت دخلت للبيت وبقيت بعاين ليو وهنا يادووب دموعي ظهرت 🤧🤧🤧 بقيت بجعر وبقول: انا مكان زيدا مستحييييل انوم فيو خلي لمن اعيش فيو 😭😭😭 رجعني سريع ودينى لامى ما دخلنى 😭😭 بتكلم معاك انا ي اطرش رجعنى سريع 😭😭

بابكر قال لي : يازولة مش براك وافقتى تجي معاي؟ يبقي تستحملي واصبري شوية لمن استقر فى شغلي حتى ممكن نرحل لكن هسي ما بقدر ارحل،

قلت ليه:ما دخلنى لْـۆ ما عاوز ترجعنى برجع براي😭😭😭

سمعت صوتو وهو بيشخر اكيدة نام 😭🤧🤧🤧 ما مشكلة برجع براى 😭🚶‍♀️🚶‍♀️
طلعت للشارع ومشيت خطوتين لقدام سمعت صوت الكدايس جيت راجعة قبلي.🐸💔 ما مشكلة ارقد انوم هسي وبكرة من الصبااااح برجع🚶‍♀️🚶‍♀️

__________________
يتبع..