Unicode
"ပြောတော့လေ ဒီလိုကြီးထိုင်ပြီးပဲငါ့ကိုကြည့်နေမှာလား"
ဒီနေရာမှာပြောရမလား မပြောရဘူးလားစဥ်းစားနေတုန်း Kim Taehyungရဲ့စိတ်မရှည်တဲ့အသံကထွက်လာသည်။
"ပြောပါ့မယ် သေချာနားထောင်"
"အင်း"
မျက်လုံးချင်းကိုသေချာဆုံလိုက်ကာ သူကCEOတစ်ယောက်ရဲ့အရှိန်အဝါအပြည့်နှင့်စကားကိုစပြောလိုက်သည်။
"ငါကJeon Groupရဲ့CEOဖြစ်ပြီး ဆက်ခံသူမြေးနှစ်ယောက်ထဲမှာငါကအငယ်ပဲ"
"ပြောရရင်ငါ့ရဲ့ဝမ်းကွဲအစ်ကိုကသောက်စားမူးယစ်ပြီးလုပ်ငန်းခွင်မှာလည်းအသုံးမကျတာကြောင့် ငါကပဲကုမ္ပဏီရဲ့CEOရာထူးကိုဆက်ခံထားရတာ"
"ဒါပေမယ့် အခုငါ့ရဲ့ဒီနေရာကမသေချာတော့ဘူးKim Taehyung...ငါCEOရာထူးကိုဆက်ပြီးထိန်းသိမ်းထားနိုင်ဖို့ဆိုရင်လက်ထပ်မှဖြစ်မယ်"
"ငါရာထူးကိုမက်မောလွန်းလို့တော့မဟုတ်ဘူးနော် ကိုယ့်ကိုကိုယ်ကာကွယ်နိုင်ဖို့အင်အားကဒီနေရာလောက်မှာရှိနေမှဖြစ်မှာမလို့"
"ဒါဆိုလည်းလက်ထပ်လိုက်ပေါ့ မင်းလိုလူတစ်ယောက်ကကြိုက်သလောက်ရွေးနိုင်တာပဲကို"
"မဟုတ်ဘူး ငါ့အဖိုးကပါမကြာမကြာကြင်ဖက်ရွေးပေးပေမယ့် ငါနဲ့ကိုက်ညီတဲ့သူတစ်ယောက်မှမတွေ့တာခက်တာ"
သူ့စကားတွေကိုKim Taehyungကအလေးအနက်ထားပြီးနားထောင်နေကာ မျက်မှောင်ကြုံ့ပြီးစဥ်းစားနေသည်။
"အဲဒီတော့မင်းလိုချင်တာကဘာလဲ"
"လက်ထပ်ရမယ့်လူ"
"ရှာပေးရမှာလား ဘယ်လိုအသိုင်းအဝိုင်းမျိုးထဲကလိုချင်လို့လဲ"
ဂျောင်ဂုကထရပ်ကာ ထယ်ယောင်းအနားကိုလျှောက်သွားလိုက်ပြီး အနားမှာဝင်ထိုင်လိုက်သည်။
"ငါပြောချင်တာကအခုမှစတာထယ်ယောင်း"
"အင်း ပြော"
"ငါစုံစမ်းကြည့်ရသလောက်မင်းကအလုပ်ရှာနေတာဆိုတော့ မင်းကိုအကျိုးအမြတ်ရှိတဲ့အလုပ်တစ်ခုကမ်းလှမ်းမယ်"