أعشقت ذلك الغريب

البارت 1

بَقلمي الكاتبه أبَـريل 🦋🦋✨

اول قصة اكتبها
واريد دعمكم فضلا حته استمر بالنشر ✨🦋

رُوايه.أعشقتُ ذلـك الغَريب.

البارت الاول:)
____________________

دَك المَنبه ألي انتضره صار سنه كعدت واني كُلني حماس وفرحه رفم مادري شنو النتيجه بس اني متأكده ناجحه رحت كعدت اختي توته لان اني وياها نفس الصف اني اكبر منها بسنتين بس سنه راسبه وسنه تاركه.

توته توته يلا كومي بدلي حته نروح للمدرسه اليوم النتائج

توته::

ي اي كايمه روحي بدلي هسه شويه واكوم اني

براء::
ولج ياشويه كومي بسرعه ترا البنات شويه شويه يكثرن بلمدرسه كومي نروح ناخذها ونرجع منتاخر

توته::
اووف والله نعسانه يلاا حكووم

براء::

كامت توته تغسل واني كمت ابدل بين ماكمل تبديل رح اعرفكم عن نفسي وعن عائلتي والباقين تعرفوهم بالأحداث القادمه

أنَي اسَمي براء عمري 15 سنه مواليد 2006
أخواتي توته اسمها طيبه بس احنه متعودين نصيحها توته عمرها 13 سنه بالأول متوسط
اختي رانيا عمرها 11 سنه خامس ابتدائي
وأخر العنقود زنوبه عمرها 5 سنوات
بابا اسمه محمد عمره 45 سنه
ماما اسمها فرح عمرها 36 سنه

....كملت تبديل ولبست گـمامه لأنو جانت كورونا بس الصراحه لبسته لان احسها حلوه وشخصيه هههه مو علمود المرض ماحطيت مكياج لان صبح وللمدرسه ميصير اخلي صحت توته يلاا فضيهاا بعد فاطمه يجوز لسه مامبدله اصلا يمكن نايمه
(فاطمه) هيه صديقتنه وجيرانه هم

توته::
براء اوكفي كملت بس البس حذائي انتضريني

براء::
تمام منتضرتج

توته::
كملت وطلعت مالكيت براء عزا بس لا عافتني
وين راحت اوف ياربي خلي اسد الباب واروح اشوفها

براء::
رحت للسوبر ماركت اشتري حليب وكيكه رجعت دامشي واشوف توته تمشي سريع ياا هاي شبيهاا مستعجله ابتسمت وصحتها تووووتــه

توته::
دامشي سريع واحس احد صاحني درت وجهي واشوف براء رحتلها اركض وخايفه وين جنتي عبالي عفتيني ورحتي خوفتيني

براء::
ابتسمت كتلها ولج شبيج رحت اشتري حليب وكيك هاج اكلي لان ماتريكنه

توته::
ايي والله جوعانه لج اموت عليج تحسين باختج ابوووسج ماكو مثلج انت بالدنيا برائي

براء::
ابتسمت ومشينا وصلنا بيت فاطمه توته دكت الباب طلعتلنه مبدله الحمدالله

فاطمة::
ياهلا هلا بصديقاتي الوردات ليش تأخرتن يلاا امشن نروح

براء::
والله من وره توته مارضت تكعد اله بطلاع الروح ههه

توته وفاطمه::
اكو احله من النوم هههه

طلعنه نمشي للشارع العام حتئ ناخذ كيه نفرات لان بنات وحدنه نخاف نصعد تكسي

فاطمه::
هذا هذا وكف تعالن صعدن

...صعدنه ونزلنا يم المدرسه

براء::
يلا تعالن هناك صديقاتنه واكفات

الصديقات(شمس -نرجس -زهراء- ميامين)
المقربات

فاطمة::
ها بنات شلونكم متحمسين اليوم

براء::
هلاوو بنات شلونكم اخباركم

شمس::
هلا ياروحي بروئه هلا حبيبتي تومه(فاطمه)

البنات:: هلا بشلتنه ياااااييي حماس فوول

توته::
احم احم اكوول شنو شو محد شافني لا سلمت عليه

البنات::
ولج انتي اصلا ماشفناج عصفوره تعاليي نحضنح حضنه جماعيه.

توته::
يمه يمه شهل حضنه الجماعيه الي تخبل من الصبح اروح فدوه

براء::
ربي يديمكم الي يا احلا صديقات واخوات بالدنيا

فاطمة::
امممح حبيبتي يلااا تعالوو يمكن ديصيحون بالاسماء

...طبعا امتحنه بس نص سنه لانو كورونا والناجحه كبل يعبروها للثاني

المعاونه::
ها بنات انتن ياصف ياشعبه

البنات::
صف اول متوسط شعبه(هـ)

المعاونه::
لعد روحن الذاك الصف ديصيحون بالاوائل

البنات: شكراا ست

براء::
رحنه للصف وسألت المدرسه علئ  شهايدنه

المدرسه::
كعدن واني رح اصيح بالاسماء والي اصيح اسمها تجي تاخذ شهادتها.

براء::
كعدنه اني والبنات واحنه ختمنه القرآءن بكلبنا
صاحت المدرسه اسمي وصارت دكات كلبي تتسارع
واردد بشفتي يارب ناحجه يارب لا تضيع تعبي

المدرسه::
براء ناجحه الف مبروك حبيبتي

براء::
شكراً ست واني مبتسمه الفرحه الي بداخلي متنوصف شكراً ياربي ماضيعت تعبي شكراً ياالَهي

البنات::
الف مبروك النجاح سجاجتنه

براء::
شكراً حبيباتي انشالله ربي يفرحكم مثل مافرحني.

المدرسه صاحت كل اسماء صديقاتي وكالت ناحجات كلش فرحنه بذاك اليوم بس اني كسرتني كلمه لمن صاحت طيبه محمد مكمله ب 4 مواد…

___________________________

انتضرو البارت 2 طبعا كل يوم انزل بارت وانشالله ما اقصر ++ احبكم …✨✨🦋

____________________________