متنسوش النجمه يا حلوين 💙
هانت فاضل 4 مواد بس وحقيقي هعوضكم جامد 💙🥺
الناس اللي كان بتسأل انا هخلص كله ان شاء الله 24/1 وعندي كام حاجه فا بالظبط 26/1 هكون فضيت ليكم وحقيقي انا محضره خطط واحداث هتودي الروايه في حته تانيه 💙
مش قادره اوصف فرحتي بكمية الناس اللي بتكلمني وبتعمل كومنتات جميله اوي فعلا... حقيقي من اول ثانويه عامه لحد دلوقتي اتثبتلي مين الناس اللي تستحق تكون في حياتي 💙✨
**********************************
في المنزل
كانت زهره تجلس على السرير بعدما ابدلت ملابسها بأخرى بيتيه مريحه من اللون الزهري وكانت تحاول ان تستذكر دروسها من اجل اداء امتحانانتها (اردت ان اذكركم اعزائي انها في السنه الثانيه من كلية التجاره)... قاطعها رنين هاتفها يعلن عن اتصال والدتها
زهره بإبتسامه: ماما.. ازيك يا حبيبتي وحشتيني اوي
وفاء بحب: وانت كمان يا قلب امك وحشاني... ثم اكملت بقلق: انت كويسه يا حبيبتي
زهره بتعجب: اه يا ماما كويسه... مال صوتك انت تعبانه ولا اي
وفاء بإبتسامه: لا يا زهره... انا بس قلقانه عليكي دا انا حتى عند خالتك ومبسوطه الحمد لله
زهره بإطمئنان: اطمني يا حبيبتي انا كويسه خالص والحمد لله يونس مش مخليني محتاجه اي حاجه كفايه حنيته عليا.. ثم اكملت بمرح: ومصطفي زيه منتى عارفه
وفاء بضحك: انت هتقليلي على الاهبل دا... ثم اكملت بحزن: والله قلبي وجعني عليه من يوم ما سميه سابته... ازاي تعمل كده اخص عليها مكنش عشمي فيها ابدا
زهره بحزن: والله يا ماما مش قادره اصدق لحد دلوقتي... انا متأكده ان في حاجه غلط سميه مش كده دي من اول ما عرفتها وهي جدعه اوي وطيبه وبتحبنا كلنا وخصوصا مصطفي انت مش متخيله تعبت ازاي علشان يتجوزوا دول بيحبوا بعض اوي وكمان حامل... ثم اكملت بتنهيده حاره: كل ما افكر في الموضوع دا عقلي بيشت
وفاء بهدوء: معاكي حق يا حبيبتي في كل حاجه لعله خير... محدش عارف ربنا مخبي اي... المهم يا زهره انا عوزاكي يا بنتي تبقى عاقله وحكيمه كده اوعي تزعلي يونس منك يا بنتي اللي هو بيمر بيه صعب خليكي دايما الحضن الحنين اللي بيلجأ ليه واصبري على كل حاجه ومهما كانت ظروفكم احمدي ربنا يا زهره وقولي لنفسك دا جوزي وحبيبي صبري نفسك يا بنتي حتى انا امك اوعي تشتكيلي من حالكم عودي نفسك سرك في بيتك ميطلعش لحد يا حبيبتي
زهره بإبتسامه: انا مش محتاجه يا امي انك تقليلي كده كل شويه...... ثم اكملت بصدق وعشق كبير: يونس دا عمري كله.. انا كفايه عليا اني اصحى كل يوم الاقيه جمبي وبخير من غير ضرر هتفكريتي ببالغ يا ماما بس هو لما بيبصلي ويضحك في وشي بحس اني مالكه الدنيا كلها بين ايدي... بحس اني اغنى حد في الدنيا مش ببقى عاوزه حاجه تاني في كل صلاه بدعيله من قلبي واشكر ربنا ودموع الفرحه نازله مني واقول يارب انت حرمتني من ابويا بس كرمتني بأبن عمي وجوزي وحبيبي انا بحبه اوي يمكن دي الكلمه الوحيده اللي مش بتكسف اني اقولها للدنيا كلها
YOU ARE READING
اخر نساء العالمين
Romanceمفاجأة تنتظر صغيرتنا الجميله... وحياة جديده لشخص فاقد امله وقلبه في هذه الحياه.. لعل اللقاء قريب✨
