Wild Encounter (FreenBecky)

Chapter 3

"Daming ganap sa school! Parang gusto ko ulit ng boylet!"

Agad na nagsalubong ang mga kilay ni Rebecca noong marinig ang kaibigan. Katatapos lang ng unang klase nila sa umaga ay parang pagod na pagod na naman ito. Napailing siya at inayos ang mga gamit.

"Ayan ka na naman e."

Ngumiti anng malapad si Jane. "Besh."

Tumigil si Rebecca at tiningnan ang kaibigan. Nakalabi ito sa kaniya at bahagyang nagpa-puppy eyes pa. Napangiwi siya. "Tumigil ka nga! Alam ko na 'yang mga tingin mo!"

"E dali na! Samahan mo ako ulit! Grounded ako for a month. Hindi ako makakalabas kapag hindi ikaw ang nagpaalam kila Daddy."

Pinandilatan ni Rebecca si Jane. "Ayaw ko! Halika na nga! May klase pa tayo na kasunod."

Napalabi si Jane. "Ang KJ mo talaga!"

Hindi na pinansin pa ni Rebecca ang kaibigan. Kahapon pa kasi ito namimilit sa kaniya na samahan siyang muli sa club. E talagang umayaw na siya dahil sa nangyari sa kaniya. Hindi na niya kayang makakita pa ulit ng ganoong senaryo. Baka mawalan na siya ng tuhod kakaluhod kakahingi ng tawad sa Diyos dahil doon.

"Ay teka! Samahan mo pala muna ako sa clinic. Nasakit ang puson ko e. Nasobrahan ata."

"Alam mo, ang bibig mo talaga! Minsan nga magmumog ka rin ng holy water para naman kumalma ka!"

Tumawa si Jane. "Ang seryoso mo kasi palagi! Parang kukunin ka na ni Lord sa sobrang kabanalan mo e!"

"Jane!"

Lalong tumawa si Jane. Napailing na lamang si Rebecca sa kadumihan ng bibig nito. Kung pwede lang niya itong i-unfriend ay ginawa na niya.

"Halika na nga! Ang dami mong sinasabi e! Mamaya may tulo ka na dahil sa mga kalokohan mo."

"Hoy! No!" Itinaas pa ni Jane ang isang daliri at sumenyas ng hindi. "Always practice safe sex, friend. Try mo na kaya?"

Naiikot ni Rebecca ang mga mata at nauna nang maglakad. Pakiramdam niya palagi ay sasabog ang kaniyang ulo kakaisip sa mga sinasbai ng kaibigan. Alas dyes pa ang susunod nilang klase kaya pwede pa silang pumunta sa clinic para humingi ng gamot nito.

Nasa ikahuling taon na si Rebecca sa kolehiyo. At parehas sila ni Jane na arkitekto ang kinuha kurso. Kaya minsan ay hindi niya malubos maisip kung bakit parang easy lang kay Jane ang lahat. Heto siya at araw-araw na lang parang tatagos na sa pader kakaisip sa mga sketch na dapat niyang tapusin. Pero ang dahilan naman nito palagi sa kaniya ay iyon daw ang paraan nito para magbawas ng stress sa school projects at activities nila. Pero kung siya ang tatanungin? Nakakatakot ang stress reliever nito.

"Ano ba kasi ang nangyayari sa 'yo? Dinatnan ka na ba?" tanong ni Rebecca kay Jane habang naglalakad sila.

"Wala pa nga e. Pero alam ko parang malapit na."

"Tapos gusto mo pang lumabas mamaya? Ipirmi mo na kasi 'yang sarili mo."

Ngumuso ulit si Jane. "Alam mo, para ka nang nanay. Palagi mo na lang akong sinisermunan."

"Ikaw kasi. Kung ano-anong naiisip mo sa buhay. Pwede naman kasing kumain ka na lang o manood kung stress ka na."

"Duh? Edi tumaba naman ako, 'di ba? Hindi pwede! Paano pa ako magugustuhan ng FUBU ko kung mataba na ako?"

Napabuga na lang ng hangin si Rebecca. Hindi na niya sinagot pa ang kaibigan at pumasok na sa building kung nasaan ang clinic ng school nila. Malapit lang iyon sa registrar building at medyo malayo sa building ng course nila. Kaya napalakad pa talaga sila. Nakakapit na nga si Jane sa kaniya dahil nga namimilipit na ito bigla sa sakit.

"Halika."

Inakay ni Rebecca ang kaibigan papasok ng clinic. Nakita niya ang isang babae na nakaupo sa table at may kung anong sinisulat. Hindi niya ito agad napansin dahil nga akay-akay niya si Jane. Tinulungan niya ito hanggang sa makahiga ito sa higaan.

"What happened here?" tanong ng isang babae.

Bahagyang inikot ni Rebecca ang balikat. "Nasakit po ang puson niya, Ma—"

Napanganga si Rebecca noong makita kung sino ang babaeng nagtanong. Nakatayo ito sa kabilang gilid ni Jane at bahagyang pinipisil ang tiyan. Nag-angat ito ng ulo at tumingin sa kaniya. Ngumiti ito kay Becky.

"Hey!"

Naiikom ni Rebecca ang bibig at agad na tumalikod. 'Diyos ko, Lord! Help me! Siya iyong nakilala ko sa club!'

Author's note: Ang kwentong ito ay tapos na at pwede mong mabasa ng buo sa Facebook page o Boozt page ko. Check my bio for links.