Wild Encounter (FreenBecky)

Chapter 1

Halos lumuwa ang mga mata ni Rebecca habang pinapanood ang ilang mga magkapareha na naghahalikan sa bawat parte ng club na pinagdalhan sa kaniya ng kaibigan. May mga babae't lalake. Mayroon ding magkapareha na parehas lalake o kaya naman ay parehas babae. Ang pinaka matinding kaniyang nakita ay dalawang lalake at isang babae. Napapalunok na lamang siya dahil ito ang unang beses niyang makasaksi nang ganoon. Sa tanang buhay niya ay wala pa siyang nakitang ganito kahit manood sa mga movies. Kung bakit kasi dinala pa siya rito ng kaibigan niya!

"J-Jane... uwi na tayo!" natatakot na sabi ni Rebecca sa kaibigan.

Ngumiti lang si Jane. "Hindi ka ba nagi-enjoy sa view? Sumayaw ka na rin kasi!"

"Baliw ka talaga! Bakit mo ba kasi ako dinala rito?!"

"Bakit pa nga ba? Para naman magkaroon ka na ng experience! Tingnan mo sarili mo, tatanda na lang tayo wala ka pang naka-sex."

"Jane!" nanlalaki ang mga mata ni Rebecca. Minsan ay napapaisip siya kung paano niya naging kaibigan ang dalaga. E sobrang layo ng ugali nilang dalawa. Lumaki kasi sa isang Christian family si Rebecca at naniniwala siya na ang sarili niya ay para lamang sa lalakeng kaniyang pakakasalanan. "Ang bibig mo!"

Tumawa nang malakas si Jane. "Ewan sa 'yo, Becca! Diyan ka na nga muna! Hahanap ako ng boylet!"

"T-Teka, hoy—"

Wala nang nagawa pa si Rebecca noong naglakad palayo sa kaniya si Jane. Napasiksik siya sa upuan at napayakap sa sarili. Bukas ay malalagot talaga sa kaniya si Jane!

Dahil hindi siya sanay sa ganoong lugar ay pinilit na lamang abalahin ni Rebecca ang sarili sa pag-inom ng alak na in-order sa kaniya ni Jane. Mabuti na lang at malakas ang tugtugin sa paligid kaya hindi niya naririnig ang mga halinghing ng mga nagtatalik na pareha. Hindi naman siya makaalis dahil si Jane dahil kailangan siya ring samahan nito sa bahay nila. Ganoon kahigpit ang mga magulang niya. Magagalit ang mga ito kapag siya lang ang umuwi at pag-iisipan pang nagsinungaling.

"Mukhang hindi ka rin nagi-enjoy dito."

Napakislot si Rebecca nang may magsalita sa tabi niya. Pagtingin niya ay may babae nang nakaupo roon. Bahagyang nangunot ang noo niya dahil hindi niya kilala ang dalaga.

"A-Ako?" Umiling siya. "Hindi e. Sinamahan ko lang ang kaibigan ko."

"Talaga? Bakit hindi ka na lang mag-enjoy din. Sayang naman. The night is still young."

"H-Hindi ako sanay sa lugar na ito. Sinamahan ko lang talaga ang kaibigan ko."

Biglang nakaramdam nang pagkailang si Rebecca sa presensya ng dalaga. Hindi niya alam kung dahil sa atmospera ng paligid o dahil sa iniinom niyang alak.

"Gano'n ba? Sayang naman."

"Wala pa akong alam sa ganiyan."

Natahimik ang dalaga. Sumilay ang matipid na ngiti nito sa labi. "What is your name?" tanong nito.

Muling tiningnan ni Rebecca ang dalaga. "R-Rebecca."

Inilahad ng dalaga ang kamay. "I'm Sam. Nice to meet you, Rebecca."

Inabot ni Rebecca ang kamay ng dalaga. "Nice to meet you too," nginitian niya ito. Ngunit napakislot siya noong biglang pinisil nito ang kaniyang palad. Unti-unti rin siyang nakaramdam na para bang kinukuryente siya habang magkadaupang palad silang dalawa. Babawiin na sana niya ang kamay ngunit bigla siyang hinila palapit ni Sam.

"T-Teka!"

"Look at you... so innocent and pure," makahulugang sabi ni Sam. Gamit ang isang kamay ay ipinatong niya ang ilang hibla ng buhok ni Rebecca na tumabing sa mukha nito. Pagkatapos ay sinapo niya ang pisngi nito. "Hindi ka dapat nagpupunta sa lugar na ganito, Rebecca. Unless you want it too..."

Napalunok muli si Rebecca. Siguro dahil sa alak na ininom niya. O dahil sa malaswang paligid nila. O dahil sa sadyang nakakahalina lang talaga ang boses ni Sam na para bang inaakit siya. Nakaramdam siya ng kakaibang init sa kaniyang katawaan at hindi manlang nagprotesta habang hinahaplos nito ang pisngi niya.

"S-Sinamahan ko lang..." Napatingin si Rebecca sa labi ni Sam. Alam niyang mali dahil sa bukod sa ngayon niya lang ito nakilala ay isa rin itong babae kagaya niya. Ngunit hindi niya malaman kung bakit para siyang biglang nauuhaw at gustong sunggaban ng halik ang dalaga.

"You can kiss me if you want."

Tiningnan ni Rebecca sa mga mata si Sam. Mapupungay na iyon at para bang mas lalo pa siyang inaakit. Hindi siya kumilos. Ayaw niyang kumilos. Dahil alam niya na kapag sinunod niya ito ay hindi na niya mapipigilan pa ang sarili. Mali iyon! Wala siyang ibang gustong pagbigyan ng kaniyang puri kundi ang lalakeng kaniyang pakakasalan. Hindi sa kahit na sino. At lalong hindi sa isang babae!

Ngunit wala nang nagawa pa si Rebecca noong unti-unting ibinaba ni Sam ang mukha at inabot ang kaniyang labi. Marahan siya nitong hinalikan noong una na para bang pinapakiramdaman siya. Marahan lang iyon hanggang sa unti-unting naging mapusok ang mga halik nito. Napakapit siya sa balikat ng dalaga dahil sa pagkataranta. Ngunit hinawakan ni Freen ang kaniyang kamay at ibinaba papunta sa dibdib nito.

Awtomatikong naitulak ni Rebecca ang dalaga. "A-Ano'ng ginagawa mo?"

Huminga nang malalim si Sam habang panay ang tingin sa labi ng dalaga. "Ayaw mo ba?" 

Author's note: Continue reading on my Boozt page or Facebook! Check my bio!