RATIO

P - 1

ထယ်ယောင်းအတွက် ကံဆိုးတဲ့ နှစ်ဟု သတ်မှတ်ရမလားပဲ တည်ဆောက်ထားတဲ့ relationship က ဖောက်ပြန်တယ် ၊

ဒါအပြင် ဘယ်ကမှန်း မသိတဲ့ အကောင် တစ်ကောင်က သူနဲ့ ဖောက်ပြန်ဖို့ကို စာကတစ်ဆင့် ၊ ဖုန်း call နဲ့ တစ်ဆင့် ၊ လူ ချင်း တစ်ဆင့် အမျိုးမျိုး စိတ်အနှောင့်အယှက် ပေးပြီး မြူဆွယ် ဖျားယောင်း နေတာ ။

' ကံဆိုးမှ သွားရာ ၊ မိုး လိုက်လို့ ရွာ ' ဆိုတဲ့ ဆိုရိုး အတိုင်း ထယ်ယောင်း၏ ကံဆိုးမှုသည် အဲ့နေ့က စ ခဲ့သည် ။ ဖြစ်ပုံမှာ မိမိ ထံ ဘယ်ကမှန်း မသိတဲ့ စာစောင်တွေ ၊ ပုံတွေ အတိအကျဖြင့် မိမိချစ်သူ ကောင်လေး ဖောက်ပြန်နေသည်ဟု ပေးပို့၏ ။

ထိုသူ့၏ သတင်းအချက်အလက် ခိုင်လုံသည် ၊ မခိုင်သည်ကို ဆန်းစစ်ဖို့ အဲ့ညက မိမိရည်းစား ရှိတယ်လို့ ပြောတဲ့ Bar ကို လိပ်စာ အတိုင်း မောင်းလာခဲ့သည် ။

Bar ထက်ဝယ် လူပေါင်းစုံဖြင့် စည်းကားသိုက်မြိုက် နေ၏ ။ လူငယ် ၊ လူရွယ် အစရှိတဲ့ လူပေါင်းစုံကို ဤနေရာတွင် တစ်ပြိုင်တည်း တွေ့နိုင်၏ ။ လူတွေကြား တိုးရှိုးကာ လူ ချောင်‌မဲ့ စားပွဲကို ရှာကာ ဝင်ထိုင်လိုက်၏ ။ အတော်အတန်ကြာ မျက်စိရှင်ရှင် ဖြင့် ဘေးပတ်ဝန်းကျင်ကို အားစိုက် ကြည့်တော့ မိမိရည်စား ဂင်ဂျယ်ဆူး ကို တွေ့ရ၏ ။

' ဟင် ' သူ ပြောတော့ သူငယ်ချင်း နဲ့ သွားတွေ့မှာပါဆို ။ သူ၏ ဘေးတွင် သူငယ်ချင်း ဖြစ်ဟန် တူသည့် ကောင်မလေးကို ခါးဖက်ကာ Bar အပေါ်ထပ်သို့ တက်ဖို့ ပြင်နေ၏ ။

သူတို့နောက် ထပ်ကြပ်မကွာ ကပ်လိုက်ကာ ဘာဖြစ်တယ် မသိ တစ်နေရာရောက်တော့ ခြေစုံရပ်သွားတဲ့ ဂျယ်ဆူး ကြောင့် ကဗျာကယာ အနားက လူတစ်ယောက်ကို လက်ဆွဲကာ နံရံကပ်လိုက်ပြီး လည်ပင်းအနား ခေါင်းစောင်းချလိုက်၏ ။

" အိုပါး....ဘာလှည့်တာလဲ ၊ သူများတွေ နမ်းနေတာကို "

"ဘာမှမဟုတ်ပါဘူး ၊ လာ "

မျက်စိထောင့်က အရိပ်နှစ်ခု ပျောက်သွားမှ ချက်ချင်း ခေါင်းပြန် မတ်ကာ လှည့်ထွက်သွားဖို့ ပြင်တုန်း ပြန်ဆွဲခံရတဲ့ လက်တစ်ဖက်ကြောင့် လူက ထို့လူနောက် ပါသွားပြီး အခန်းတစ်ခုထဲ ဆွဲထည့်၏ ။