_ بابا اعتقد هيج قرار يخضني اني و اشوكت ما اريد انفصل عنها راح انفصل و محد ما يدخل.
_ فجأة ملامحه اتبدل و صارت كله غضب بتاااااااال اني كلت الي عندي و ما ريد اي
اعتراض.
_ و اني مدنكه راسي و ما احجي اي شي .
_ باع اني مااا اريد هاي بنيه جبرتني
اتزوجها و هسه تريدني اكمل حياتي وياها.
اني راح انفصل عنها اذا مو اليوم باجر
اذا مو باجر راح يجي يوم و اطلكها.
_ رفعت راسي و نزلن دموعي باوعت عل بتال
ما لكيت لملامحه تفسير . نزلت راسي و مسحت دموعي .
عماد _ سمعوني زين اني كلت الي عندي. و تعرفون الي ما يسمع كلامي بهل بيت ماله كعده بيها.
_ ابتسم ابتسامه خفيفه و يهس براسه . اصلن راح اعوف البيت الك و لجنتك المحترمه.
لن كعده ما تنجرع بيها.
__ باوعت عل عمو عماد و شفتي كامت ترجف و عيوني نترست دموع ما عرفت شحجي . ضليت ساكته و طلعو من غرفه .
اول ما طلعت شفت تاج واكفه يم الباب
تاج:- اريام اشبيج ليش هيج لونج مصفر اش صار اشبيه بتال.
_ صفنت بوجها و ضليت ساكته و جسمي يرجف
و عيوني ادمع. عفتها و صعدت لغرفتي .
تاج:- ارياااام . ارياااام اشبيج وين رايحه.
يا ربي اشبيهم بتال يطلع متعصب و هيه مدري اشبيها .
............
داهر :- بتال اشبيك وين رايح .
بتال :- داهر عوفني بحالي.
داهر :- بس تعال خومه صاير وين رايح.
بتااااال بتاااال
_ هاذا اشبيه بس لا مسويله شغله .
...............
داهر :- تاج اشبيه بتال طلع متعصب من البيت
صعد سيارته و راح.
خير اش صاير بس لا اتكاون ويه اريام
مره ثانيا.
تاج :- يا ربي دخيلك ليش هيج دا يصير ويانا.
داهر:- اش بيج اش صاير وياكم.
تاج:- بابا عماد مدري اش كايللهم اثنينهم طلعو من غرفه شكلهم مجان طبيعي .
داهر :- هدي هدي مراح يصير شي لا تخافين راح اشوف بابا. و افتهم من عنده انتي روحي يم اريام .
تاج :- ماشي ماشي خلي اروحلها.
..............
تاج:- اريام وينج فتحيلي الباب .
اريااام اني تاج فتحيلي.
_ مجنت رايده اشوف احد بس حسيت انو فعلن محتاجه شخص احجيله الي بداخلي.
فتحت الباب و بسرعه طبت تاج للغرفه .
_ اريام اشبيج ليش تبجين ارياااام.
اش صاير وياج احجيلي بتال اش سوه وياج .
هاااه.
كعدت عل جربايه احاول ما ابينلها دموعي . كعدت بصفي و بدت تحضن بيه و تمسح بشعري . جنت محتاجه هيج احد يحضن و احس شويه بأمان .
أنت تقرأ
بتال
Mystery / Thrillerالحياة قاسية و جميع من فيها شقاء لكن علينه ان نحقنهم بلأمل و لا نزيد على احد
