بتال

بارت 9

مساء الخير .
""""""

تصويت و تعليق فدوه اروحلهم 🦋💫

""""""""""

اريام:-

بعد الي سمعته منه و نضراته الي ما لكيت اله تفسير .
ضليت صافنه بوجها. ل ل ليش هيج مو انت الي جنت تريد تتخلص مني شو هسه ما تريد.

كمش ايدي بقوه _ مو كتلج ما اريد انفصل اني و راحت تضلين ويايه .

يلا امشي مو الكل واكف حتى يشوفونه . امشي يلا .

_ عجيبه امره هاذا اشبيه ليش دا يتصرف بهشكل .

نزلنه من درج و فستاني الاسود الي شكله يجنن عليه و فاله شعري ما حبيت اسويله اي شي عفته عل طبيعتها . و سويت مكياج هادء . و معه انو لبست كعب عالي . ما استفادت لن هوه اطول مني و اني لازمه ايده و هوه دا يمشي بصفي و كل ما انزل من درج كَلبي يدك بعد اسرع . حسيت بجسمي يرجف معرف ليش هشعور جاني كلمه اتذكر انو لازمه ايده تجيني الرجفه .
اول ما وصلنه للباب الي يطل عل حديقه .
اول ما عيني وكعد شفت ناس هواي جايين و الكل يباوع علينه.

بتال مد راسه الي . و كام يهمس بأذني .

مو كتلح راح يجون ناس هواي
الكل متحمس يشوفج لن محد جان مصدك اني اتزوج.

باوعت عليه بنضرات كله ثكَل.

_و ست تنوير مو جانت حبيبتك ليش حتى يتعجبون من زواجك.

_ صارلي سنوات ويه تنوير و لا يوم فكرت اتزوجها . افتهمتي هسه .

_ هممم كلش افتهمت.

واحنا ننزل بدت الوادم تصفك و صوت الهلاهل . و ديجي يشتغل و تاج و امي واختي طايرين من فرح
جان شعور كلش حلو انو اشوف الي احبهم
فرحانين خاصتن امي و اختي الي كل ما جانو يشوفوني جان يزعلون و ينقهرون.

معه انو ما اشيل اي مشاعر اتجاه بتال و كل هشي جانت شغله عاديه بنسبه الي . بس من شفت الكل فرحان كَلبي طار من فرح حسيت الدنيا رجعت ضحكت بوجهي مره ثاني . باوعت عل بتال .
شفته مبتسم. باوع عليه و نضراته تحجي الف حجي .
اجى رسلان كدامنه و كام يرقص جان طاير من فرح .
جانو مشغلين اغنيت حسام رسام ( عرس المرجله ).
و رسلان طلع السلاح و كام يرمي بل هواء من سمعت صوت الرمي اتخترت بصف بتال . و بتال خلا ايده عل جدفي و سحبني لحضنه.

باوع عليه و عيونه متروسه سعاده . لا تخافين مصار شي .

و رسلان لزم ايده و كام يهز بيها و هوه يركص .

رسلان :- بتال دعوف ايدها مراح ناخذها منك اشبيك.

و اني اضحك و رسلان لازم ايدي و نركص .
وتاج لازمه ايد بتال و يركصون .

حسيت نفسي راح اطير من فرح حسيت روحي طايره من فرح.

و اكيد الكل جان فرحان و حفله جانت بدايتها كلش حلوه.