أصبح زوجي

بارت 2

للكاتبه { زينب التميمي}
*******************
امير : شبيج وياها ترا حبيتهه كلش
زهراء : بعصبيه٫ مااااا شنو تأخذ مكاني
امير : دوخرري اروح احسلي ومن تجي نورهان اجي
زهراء : ولي
حسن: السلام عليكم شصاير
امير : هلا حبيبي نورت الكروب
حسن: بنورك عيوني
زهراء : نورت
حسن : بنورج خيتي 
امير : يلا اني اترخص
حسن : بعد وكت
امير : حبيبي عندي شغل اكمله وارجعلكم
حسن : براحتك حبيبي
زهراء : الله وياك
حسن: اي عرفونه عليكم
زهراء : اسمي زهراء وعمري 15 سنه
حسن : هلا بيج اتشرف
زهراء : الي الشرف ٫ وانت عرفنه عله نفسك
حسن : اسمي حسن عمري 18
زهراء : اتشرف بيك
حسن : الي الشرف ٫ ايي شنو سالفه نورهان وامير مرتبطين ؟
زهراء : ياا يولون شنو مرتبطين ختولي ستوهه دخلت واخذت الساحه
حسن : يابه هسه شبيج معصبه واذا ارتبطو
زهراء : بعصبيه٫ اهوو بس تحبون اضوجوني
حسن: شبيج خويه
زهراء : مابيه شيي
حسن : تمام
زهراء : شوي وارجع
حسن : براحتج

*************
تعريف عن امير
آني اسمي امير وعمري 20 سنه
طبعاً اني الأخ الوحيد ل اهلي وعندي 3 خوات
واهلي من النجف بس آني عايش بالبصره
وشغلي عسكري واحب التمرين كلش يعني معتني بجسمي هواي ومعتمد عله نفسي وعندي بيت وسياره طبعاً كونت نفسي بعمر صغير وواجهت هواي متاعب وصعوبات بس الحمد الله هسه عايش بأحس حال

**************
( بيت امير )
امير : ماما
امينه: ها حبيبي
امير : ماما آني راح ارجع للبصره بليل
امينه : يمه شسالفه صارلك سبوع من اجيت خلي اشبع منك
امير : لا امي عندي شغل وهواي طولت
امينه : بزعل٫ خوش وليدي بس تجي مره ثاني مو
امير : أكيد يمه اجي بس اخلص كم شغله
امينه: تمام حبيبي
امير : يلا ماما آني راح انام لأن تعبان كلش بس كعديني بليل مو تنسين حته اطلع للبصره
امينه : هاي هيه وليدي روح ارتاح وآني اكعدك
امير : تمام حبيبتي
_ رحت لغرفتي ورأساً نمت ماحسيت عله نفسي لحد ما سمعت امي تگعد بيه
امينه: ولك اميرو كوم اكعد يلا راح تصير ب 9
امير : ها يمه ايي گعدت
امينه: يلا حبيبي كوم غسل وصلي حته احطلك عشه
امير : تمام امي
امينه: رحت المطبخ اسويله عشه واجت مروه شافتني اصب بالعشه
مروه: ماما شجاي تسوين
امينه : اسوي عشه ل اخوج يريد يطلع للبصره
مروه: شسالفه مالحگنه نشوفه
امينه : حبيبتي يكول عنده شغل وچم يوم ويرجع
مروه : اهاا تمام ٫ خلي اروح اسلم عليه
امينه: روحي يمه
مروه : بصوت عالي٫ امييررووو
امير : وسم نصي صوتج شهرتينه
مروه : هاي شبيك مو أريد احضنك
امير : ايي تعالي بس لاتصيحين هيج بعد
مروه : اوكيي حبيبي ٫
رحت حضنته
_ راح اشتاقلك
امير : حبيبتي آني هم بس مجبور اروح عندي شغل
مروه : راح تجي مره ثانيه مو
امير : أكيد إنشاء الله بأقرب وقت
مروه: تمام ،روح اتعشه حته تطلع من وكت
امير : خوش حبيبتي
_ تعشيت وسلمت عله اهلي كلهم وطلعت
ركبت بالسيارة واتجهت للبصره طول الطريق ضوجه
شغلت اغنيه انسى لماجد المهندس وسمعتهه وآني اسوق ، وصلت للبصره وصفيت السياره
ودخلت للبيت وگبل نمت
گعدت ثاني يوم الساعة ب 10 الصبح
سويتلي ريوگ واكلت وورها رحت لصاله التمرين
وخلصت التمرين ودخلت اسبح
طلعت من الحمام ولزمت التلفون رأساً دخلت عل الكروب لان كلش حبيت البنيه الجديدة نورهان
*************
نورهان: من بعد ما درست وخلصت رحت سبحت ونمت
وكعدت الصبح لگيت امي مسويه ريوگ اكلت ولزمت التلفون ودخلت للكروب
نورهان : السلام عليكم
امير : بنفس الحضه ، وعليكم السلام عزيزتي
نورهان : شلونك
امير : بگلبي احلا من يسال عليه ، ها بخير وانتِ؟
نورهان : الحمد الله
امير : دومچ عيوني
نورهان : تسلم
_ طبعاً بدينه نحجي بالكروب وتعرفنه عله بعض أكثر وحسن وزهراء صارو اصدقاء وآني وامير صرنه اصدقاء مقربين كلش وصارو يدخلون ولد وبنات هواي للكروب
الى ان اجه اليوم الي راسلني بي امير عل خاص
امير : هلا شلونچ
نورهان : هلا بيك ، الحمد الله وانت
امير: بخير دامچ بخير
نورهان : عيوني تسلم
امير: اكلج
نورهان : تفضل
امير : مدري شلون احجيلچ بس آني...

وهنا انتهه البارت الثاني اتمنى تعلقون وتصوتون
يتبع🤍.