أصبح زوجي

بارت 3

للكاتبه { زينب التميمي}
°°°°°°°°°°°°°°°°°°°°°°
امير : ما اعرف شلون اكلج بس آني كلش حبيتچ
نورهان : بتوتر , ها شلون يعني
امير : يعني حب يعني اريدج مرتي
نورهان : هاي شنو گبل مرتك
امير : ايي ما أريد اسوي شي بالحرام
نورهان : الله كريم
امير : ولج شنو الله كريم ، دكولي تحبيني لو لا
نورهان : ما اعرف ما متأكده من مشاعري
امير : شلون يعني
نورهان : افكر بالموضوع واردلك خبر
امير : براحتج عيوني
نورهان : تمام
_ عفته ورحت ساعدت امي خلصت من امي وكعدت ادرس تقريباً صارت الساعة ب 10 باليل لزمت التلفون وشفت رسائله واتذكرت حچيه
وهنا بده التفكير والتوتر وشلون راح اضم هل شي عن اهلي ووو...
نورهان : اخذت التلفون ودخلت للمحادثه لكيته دازلي
امير : هلا ، ها فكرتي ، وينج
نورهان : هلا
امير : بنفس الحضه ، ياهلا وميه هلا
نورهان : هلا بيك
امير : هاي عيوني فكرتي بلي حجيته
نورهان : اي
امير : اي كولي
نورهان : فكرت وكلت هاي هيه نتوكل  بس ماتخذلني وما أريد شي بالحرام تحبني تعال من الباب واخطبني من ابوي 
امير : صار آني حاضر باي وقت بس افاتح اهلي بالموضوع وانشاء الله احنه يمكم بأقرب وقت
نورهان : تمام الله كريم
امير : تمام عيوني ، عندي شغل اخلصه واجي
نورهان : براحتك
امير:  رحت اتصلت عله امي حته احجي وياهه وهي تفاتح والدي بالموضوع
امينه: ها حبيبي
امير : هلا امي شلونج
امينه: هلا بيك وليدي انت شلونك
امير : بخير ، ماما اكلج؟
امينه : كول حبيبي
امير : ماما قررت اخطب
امينه: هاا بتعجب،
امير : شبيج يمه كتلچ أريد اخطب
امينه : ايي يمه بس غير نشوفلك بنت الحلال
امير : يمه موجودة بس اريدج تحاجين ابوي
امينه : يمه شني موجودة غير نسأل منين نشوف زينه لو لا
امير : امي آني اعرفها البنيه تصير صديقتي من مواقع التواصل وصارلي فتره احجي وياهه وحبيتهه كلش وما أريد اسوي شي بالحرام أريدهه يمي بالحلال
امينه: يمه خلي اشوف ابوك شيكول واردلك خبر
امير : تمام امي وانتي قنعي هم
امينه: والله شگلك وليدي ما اضن يقبل ويقتنع
امير : انتي تعرفين تقنعينه بطريقتج ، يمه ترا البنيه حبيتهه كلش دبريهه لخاطري
امينه: تمام امي يصير خير
امير : تمام حبيبتي اخذي راحتج
امينه : الله وياك وليدي
- كعدت افكر شلون اكول ل ابو امير عله البنيه وهوا ماشايفهه ولا مره ولا نعرفها صعبب كلش صعب بس إنشاء الله يقبل نتوكل ونشوف ، دخلت للاستقبال جان موجود ابو امير رحتله
امينه: اسلام عليكم
ابو امير : ياهلا وميه هلا بأم امير
امينه: هلا بيك ، اكلك
ابو امير: كولي حبيبتي
امينه: أريد احجيلك شي يخص امير
ابو امير: اي كولي اسمعج
امينه: امير يريد يخطب
ابو امير : اي صلاوات بيهه الخير بس شنو البنيه نعرفها تعرفنه
امينه: لا البنيه من البصره
ابو امير : اي زين يم امير يعني
امينه: ايي بس
ابو امير : بس شنو
امينه: نتعرف عليهه من التلفون وماشايفهه ولا كره
ابو امير : وشلون نروح نخطب عيني غير نسأل نشوف
امينه: آني ماكتلك لاتسال بالعكس اسال وشوف اهلها شنو بس امير يكول خاف ابوي مايقبل اخطبها وآني ما شايفهه ولا مره ولا اعرفها بس مجرد عل تلفون
ابو امير : آني بعدين احجي ويه امير وافتهم ويصير خير إنشاء الله
امينه: هاي هيه ابو امير ، يلا اني اروح اكمل تنضيف
ابو امير : براحتج حبيبتي بس خلي مروه تساعدج بالتنضيف
امينه: ايي هيه وياي
ابو امير: هاي هيه

************
رباب: وينج نورهان
نورهان : ها ماما صحتيلي
رباب : اي تعالي ، كومي بدلي
نورهان: وين نروح ماما
رباب: بيت عمتج سعاد مسوين حفله عيد ميلاد وزعمتنه
نورهان : ها تمام ، يلا خلي ابدل وارجع
رباب: يلا ستعجلي
نورهان: رحت لغرفتي فتحت الكنتور ونفس الشي يصير كل ما اطلع
نورهان : ماما بصياح، مااعرف شلبس
رباب : ولج هاذ الكنتور كله شوفيلج اي شي
نورهان: خوش
_ رحت طلعتلي فستان طويل لون وردي فاتح
وطلعت ويا شال اسود وحطيت مكياج خفيف ولبست حذائي وطلعت
ابو نورهان : يلا خلصتن
رباب : اي هاي هيه يلا
نورهان: صعدت بالسيارة ورحنه لبيت عمتي
طول الطريق كله وآني بس صافنه عله جامعة السيارة احد ما فززني صوت ابوي
محمد: يلا بابه شبيج صافنه وصلنه
نورهان: اي بابه راح انزل
_ وصلنه للبيت دگ ابوي الباب وفتحته عمتي سعاد
سعاد: ياهلا بيكم تفضلو
محمد : لها بيج خيتي
سعاد : تفضل تفضل ابو نروهان
محمد : لا خويه أريد اروح الولد منتضريني
سعاد : براحتج عيوني
محمد : يلا في امان الله
سعاد : الله وياك ، يلا عيني رباب دخلن
نورهان: دخلنه للبيت وطلع بوجهي ابن عمتي ال يحبني بس آني اكرهه
علي: هلا نورهان شلونج
نورهان : هلا بيك
علي : دخلي لاتبقين برا
نورهان: دخلت وگبل رحت يم البنات مالي خلگ هاذ ، كعدنه نسولف ونضحك وصارت الساعة ب 10 بليل وامي كالت
رباب:  يلا خلي نروح 
نورهان: وينه ابوي غير يجي علينه
رباب: اي خابرته كال شوي ويوصل
نورهان : تمام
علي : نورهان بلا زحمه عادي احجي وياج كلمتين
نورهان: اي كول
علي: مو هنا عله انفراد إذا ممكن
نورهان : تمام
علي: شوفي اني...

يتبع🤍.