كُنت لكِ قمر مُعتم وكُنتي لِي الشمس مُشرقة

Part 4

حين انضر إلى اعينها أرى عالمآ اخر عالم مِنَ الجَمال 🩶

أنصدم سيف لما شاف مراسله ونطق : هاذي انتِ !!
وهنا استوعبت نبيله اللي سوته ، توترت و م عرفت وش تقول ، ناظرت المديره فيهم ونطقت : تعرفها ي ابو فراس ؟
سيف بحده : اي اعرفها زوجة صديقي القديم
المديرة : اسمعني ي سيف ، نبيله اتهمت فراس انه خالف قوانين ولعب في مكان مو مسموح له ولكن اكتشفنا ان نبيله كانت تكذب وللأسف مدت يدها عليه
نادية حضنت فراس ونطق سيف : مين سمح لها تمد يدها عليه ؟؟؟
المديرة : اهدأ ي ابو فراس احنا أخذنا إجراءات الأزمه بحقها و بناخذ حق ولدك منها لا تخاف
سيف : أتمنى انك تفصلينها علشان م يتضرر اي بنت او ولد في مدرسة
نادية : وانا اخاف على بنت اختي
المديرة : بنت أختك معنا في مدرسة ؟
نادية : ايوه موجوده هنا
المديرة : لا تخاف ي ابو فراس بنشوف لها عقوبه
سيف قام من مكانه وسحب يد نادية ومعهم فراس ونطق : قواك الله مع السلامة
وهو طالع أعطى نظره لنبيله وطلع .
نادية نطقت : هاذي تعرفها ؟
سيف : هاذي زوجة هيثم الكلب
نادية : يالله واضح وضعهم للحين م تحسن
سيف : جعله م يتحسن الكلب
طلعوا من مدرسة متجهين للقصر اما نبيله اخذت عقابها وهو فصل ثلاث أيام مع خصم من راتب ..

- في شركة -
كانو جالسين في مؤتمر يسمعون ، نطق المدير : وهذا كل شي والان سيتم تكريم مشرفين ولقاء معهم
استعدوا نبراس وليام ينتظرون دورهم ...
نطق المدير : والان بكرم اعز شخص عندي ، مدير قسم المحاسبه ، مدير مستقبل ليام بن هيثم
الجميع بدوا بتصفيق وتحرك ليام من مكانه متجه لمسرح الشركة ، اخذ شهادة خبره و ترقية في العمل ، بدوا يتصورون مع ليام ، ونطقت ميرال : والله مديرنا يستاهلها
دانه : اي والله
لفت ميرال على نبراس ونطقت : عقبالك
ابتسم ونطق : نقول ان شاءالله
ابتسمت ولفت قدام ونبراس للان يناظر فيها ، حس على نفسه وشتت نظره عنها ، بدا ليام يلقي كلامه ونطق : اول شي الحمدلله ، ثاني شي شكرا على دعمكم لي وحاب اشكر مديرنا ابو ناصر على كل جهوده ولولا الله ثم هو م كان وصلت لهنا وحاب اعلن لكم عن مشروعنا للشركة اللي رح يطورها ، طبعا هذا مشروع اشتغلت عليه أنا وصديقي نبراس وسهرنا ليالي من اجله و نتمنى ينال إعجابكم .
شغلوا عرض المشروع وكانو حاضرين معجبين جدا بالمشروع ، انتهى العرض ونطق المقدم : اخوي ليام عرفنا على مشروعك الجديد
جلس ليام مقابله ويشرح للحاضرين المشروع ، دانه كانت منبهره من طريقة كلامه و أسلوبه وطريقة تفكيره جذبتها ، ضحك ليام على كلام مقدم وكانت تتأمل ضحكته وعيونه عسليه وشعره اللي طايح على عينه بطريقة مُغرية ابتسمت لا شعوريا من شافته ابتسم ، انتبهت ميرال لها ونطقت : شكل مؤتمر أعجبك
دانه حست على نفسها ونطقت : ها ؟ اي اي مرا حلو
ميرال : شكلك مو معي
دانه : إلا معك بس كنت اكتب
ميرال : اي واضح كملي
دانه شتت أنظارها عنه ورجعت تكتب ، وانتهت مقابله وتقدم المدير للمسرح ونطق : والان سيتم تكريم مشرف قسم المحاسبة نبراس بن خالد
تقدم نبراس للمسرح وكانت تصفق و تصارخ ب اسمه وتنطق : برافو نبراس
سمع صوتها وناظر فيها وابتسم ، اخذ مايك ونطق : اول شي الحمدلله وثاني شي حاب اشكر مديري ابو ناصر و اصدقائي في العمل لانهم قدموا جزء كبير من اللي وصلت له وثالث شي اشكر صديقي العزيز ليام على مساعدته لي و أبارك لك بالترقية و أتمنى مشروعنا ينال إعجابكم وشكرا لكم جميعا.
جلس مقابل المقدم وبدا يسأله عن مشروع ، كانت فرحانه جدا ب نجاح نبراس وأنظارها م شالتها عنه أبدا ولا حركتها ، نطقت دانه : والله شكلك وقعتي
ميرال : وقعت ومحد سمى علي
دانه : الثقل زين ي بنت الحلال
ميرال : خليته لك ي عديمة الإحساس
دانه : أنا عديمة احساس ؟
ميرال : اي
دانه : إذا طلعنا بتفاهم معك ي خروفه
انتهى مؤتمر والجميع الحاضرين متوجهين لخارج القاعه بعد انتهاء اللقاء ، تقدم المساعد ليث ل ميرال ودانه اللي كانو واقفات يجمعون اغراضهم وصل عندهم ونطق : دانه و ميرال صحيح ؟
دانه : اي صحيح امرنا ؟
المساعد ليث : المدير ليام طالبكم تجون لمكتب مدير معي
دانه : وش يبي ؟
المساعد ليث : لما تجينه تعرفين
اخذت شنطتها وتوجهوا لمكتب المدير فتح الباب المساعد ليث ونطق : ابو ناصر
المدير : هلا ليث تفضل
المساعد ليث : دانه و ميرال برا
المدير : خلهم يدخلون
اشر لهم ليث يدخلون ودخلوا تقدمت دانه وشافت ليام ونبراس جالسين في مكتبه ونطقت : طلبتنا طال عمرك ؟
المدير : اي بغيتكم ب حاجه
ميرال : امرنا
المدير : عندنا رحلة عمل لمده أسبوع وبما أنكم في بداية الدورة حبيت أخليكم تسافرون مع مشرفين وتدربون هناك واذا كان شغلكم رائع راح أعطيكم اجازه لمده أسبوعين
دانه : م عندي مشكلة بس لازم ناخذ إذن من اهلنا
المدير : مافي مشكلة كلموهم اليوم وبكرا بفتح اجتماع في تطبيق zoom ونتفق على كل شي
دانه : يعطيك العافية
المدير : الله يعافيك بس قبل م تطلعين أعطوني سجل مؤتمر اللي سجلتوه
اخذت دانه سجل من ميرال ومدت يدها تعطيه للمدير لكن اخذه ليام من يدها واعطاه للمدير ونطق : تقدرون تطلعون ليام اليوم في اجازه و ويكند سعيد
طلعوا من مكتب ونطقت ميرال : واخيراً بنسافر ونغير جو
دانه : وين تغيرين جو ي حبيبتي تراك بتشتغلين هناك
ميرال : مافي مشكله بس اهم شي نسافر
دانه : الله يصبرني عليك
ميرال : الساعه ١٠ خلينا نلحق على مطعم
دانه : يلا مشينا
وطلعوا من شركة متجهين للمطعم ، وصلوا ونزلت ميرال من سيارة و وخلفها دانه ودخلوا للمطعم ونطقت : والله نبراس ذويق
ميرال : شفتي ذوقه
دانه : لا نحكم عليه بسرعة
ميرال : امشي نجلس نطلب
جلسوا في احد طاولات يطلبون ولما طلبوا وصل اتصال ل دانه وردت عليه ونطقت : هلا ابوي ، لا برا شركة ، في مطعم افطر مع ميرال ، برسلك لوكيشن ، يلا مع السلامة
ميرال : مين ؟
دانه : شهم اتصل علي
ميرال : كان خلتيني أوصلك لبيتك
دانه : م اروح مع خروف
ميرال مسكت منيو تضرب فيه دانه وجلست تضحك وهنا وصل الطلب وبدوا يأكلون ..