الخائنة "باللهجة الجزائرية"🇩🇿

3

المهم من هاذاك نهار ولات تعيطلي و نعيطلها و نحكو بزاف

خطرات نسهرو حتى الصباح.

حتى والفنا بعضانا و زادت تقربت من يما و من ختي مهم كل يوم نشوفها و نقصرو و كل ما نفوت على دارها نعيطلها دير طلة ههههههههه

العلاقة زادت كبرت حتى اعترفنا بالحب لي كان بيناتنا.

مام دارنا عرفو بلي نحبها ولاو يجبدولي عليها فكل موضوع جوزنا يامات فور حتى واحد نهار وين عيطولي باه نخدم فقسنطينة ، و كي سمعت هي زعفت و ما حبتش

مي الله غالب الخبزة دايرة هكا منقدرش نسمح فالخدمة

بالسيف باه رضيتها و تتقبل انو نبعد عليها

فاتو 6 اشهر و انا خدام فقسنطينة و كنت نخدم 20 يوم و نروح لدار نريح سمانة. حتى واحد نهار لي كنت انا فدار و فسدلي تليفوني.

ستنيت حتى جات هي لدار و قلتلها خليلي تلفونك نهدر نمشي بيه يامات هادو قيس ما يتخدملي تلفوني برك قالتلي اوك مي حتى لليل نمدولك انا بنيتي قلتلها اوك صحيتي

ايا لحق الليل مدتلي تلفون و مدتلي تعنيقة كيما العادة . و روحت

بقيت نشوف فتلفونها ونخلط حتى دخلت لواحد الملف تاع تسجيل المكالمات. انا غير شفتو قلت واشبيها هاذي تسجل فالهدرة

دخلت نسمع تسجيل اللول لقيت فيه غير هدرتي معاها حتى ضحكت

و دخلت نسممع تسجيل الثاني ثما حكمتني الصدمة ..

_______________________
ديرولي نجمة وتعليق نفرح والله ⭐♥️