فتاة القبر "باللهجة الجزائرية"🇩🇿

2

بقيت مريضة وكل ليلة نشوف فطوم تقولي انتي لي جيبيلي حقي، وليت كي نلعب مع الاولاد، لي يهدرو معايا ويقلقني نضربو بكل قوة زاد عليا الحال عدت نشوف واش رايح يصرا للناس بصح كنت منهدرش خلاص کنت نخاف نقول لأمي وعدت كل ليلة نروح قبر فطوم من غير منعرف نقعد فوقو ونبكي بقيت هاك حتي عاد عندي عشرين سنة كنت بزاااف شابة عينيا زروقة وشعري اصفر كي الذهب، كانو شباب الدوار اكل يتمنو نضرة مني، كثرة الخطاب بصح انا نرفض قلبي طول معمر ونحس اني نحب واحد
ومنعرفوش وفطوم اجيني في المنام تقلي وبلاك تتزوجي فهمتي راني نقتلك انت لي جيبلي حقي حتي واحد النهار رحت عند عمتي كانت تسكن بعيدة غير شوية خرجت نحوس في البلدة نتاعهم فيها ناس تبيع ماش كيما دوارنا انا نمشي دخلت واحد المحل تاع ملابس نشوف واحد شاب واش نقللكم كي الطول كي الصحة كي الزين عشقتو من اول نضرة وهو يضحك مع صاحبو وانا كنت نقرب ليه حتي نلقا بنت عمتي قاتلي وين رايحا انا مقدرتش نحبس قربت لعندو حتى وصلت ليه ودموعي ينزلو على خدي قالي راكي مليحة معرفتش واش هذا الاحساس خلاص قالي صاحبو واش بيك اختي دورت وجهي ورجعت لطبيعتي ورحت نجري لحقتني بنت عمتي سعاد قاتلي بخصتي بينا انا مقدرتش نقلها اني ماش انا رهي فطوم تسيطر عليا يقولو راهي مهبولة روحت للدار كنت غير نتفكر فيه ونبكي توحشت حبيبي ....