في منتصف الليل بين حايل وخط السريع
وقف جيب اسود مضلل من كل الاماكن داخل الجيب كان سعود صالح سعد
سعود : ي عيال شرايكم نروح نريح الحين وقت ليل مين بيطلع يعني لا ورع ولا حرمه
صالح : اقول اسكت وزين سلاحك اي واحد يطلع لنا مع الطريق بناخذه
سعد : اتفق مع صالح
سعود : والله عاد انا شسوي فيكم بعير ماتفهمون
~~بريده بالمستشفى ~~
بعد ما الهنوف اخذت شهادتها واخذت اجازه ارجعت للبيت مع ابوها وامها
ابوها نايف : تجهزو بنسري بالليل بنروح لديار الحبايب حايل
الهنوف : مشتاقههه لهمم كثيرر ،،،لاتنسى بابا انا معايا الاغراض
امها العنود : لا ي حبيبتي ليل وين بتسوقين
الهنوف : لا ماما ماعليك انا واركم بعدين انا كبيره اعرف يعني لو ضيعت سيارتكم
[للمعلوميه الهنوف تسوق وعندها سياره بس كل بعد فتره سياره جديده ]
ابوها نايف : يالله روحو تجهزو بعدين نامو ترا بنمشي بنص الليل عشان الصبح نوصل ترا الطريق ٦او ٧ ساعات
الهنوف : طيب انا بروح اجهز شنطتي ،بايي
راحت الهنوف واخذت شنطه سفر صغيره حطت ملابسها وكريماتها واغراضها الي تحتاج
واخذت شنطه صغيره فيها بطاريه وشاحن وساعه ابل (تشبك على البلوتوث )
تعشت بعدين نامت
قومتها الخدامه
سوزان :ماما قوم حنا كلص اغراض بابا يبغى انتا يلاه قوم
الهنوف: همممم طيب ابقوم
قامت وغسلت وجهها ولبست عبايتها وطرحه مالبست نقاب وحطت تنت خفيف وبلشر واخذت جوالها واطلعت برا الغرفه ونزلت للصاله
ابوها نايف : ي الهنوف حنا جهزنا كل شيء والخدامه حطت الاشناط بالسياره خليس وراي لاتروحين ل يمين ولا يسار بنمشي سيده
الهنوف: طيب يبه .
ركبو السياره ومشو على خط السريع (الخط السريع هو الي يوصل للمنطقه بسرعه او اختصار بدال الدوار ا وكذا يصير طريق واحد {الطريق الي يمشون فيه اهل الهنوف فيه سعد وصالح وسعود بنفس الشارع بس صالح وسعد وسعود على الزفلت يعني مو على الخط قريب من الخط } )
بنص الطريق
صالح : شوفو اي سياره تشوفونها روحو قدام حطو نفسكم تبون شيء واذا وقفت ناخذ الي نبيه!
سعود وسعد : طيب
صالح : [المظلم] سعود جاهز ولا لا ؟
[المظلم ]سعود : ايه جاهز الله يعين الي بتاخذهم
صالح : سد فمك ازين لك !!
صالح : وانت ي [السهم ]سعد جاهز ؟
[السهم] سعد : ايه جاهز
قامو يشفون اي سياره تمر
شافو سياره اهل الهنوف الي فيها امها وابوها
ابوها نايف : قطاعين طرق الله يستر منهم
امها العنود : حرام شوفهم يمكن يحتاجون شيء
ابوها نايف: لا ذولي كذابين يقولون نبي واخر شيء يخدرونس وياخذون الي يبونه سواء فلوس ولا سياره ولا حتى اعضاءس
امها العنود : بسم الله الرحمن الرحيم اشكالهم تخرععع
عند سعود وصقر وصالح
صالح : شوف ذولي
سعد : لا لا ذا واضح بالعسكريه شف وجهه كيف
سعود : ههههههه قصدك اسمر ومعضل
سعد : ايههه هههههههههههههههه
صالح : اسكت انت وياه
سعد بهمس : هادم الذات
شافو الهنوف
صالح : اويل حالي ي الزين ماينتفوت
سعد وسعود : نبدا ولا لا
صالح : ..... ايه
سعد وسعود : راحو بنص الطريق عشان الهنوف توقف
وقفت الهنوف طقو الشباك
الهنوف : هلا اخوي تبي شيء
سعد : ايه الله يعافيس رجلي دخل فيها بلاء ابي معقم ولا مرهم اي شيء عندك لو ماء
سعود : ايه هو طاح علينا حنا اخذين مخيم وكله شوك وقزاز وهو مايشوف قدامه
سعود فطس ضحك على شكل سعد الي يناظره بطرف عين نفس الي يقول (خير وش تبي )
الهنوف شافت ان سياره ابوها.بعدت عن الطريق وقالت بينها وبين نفسها ي ربييي الحين انا ضعت كنت مسويه كذابه عشان اسوق ي للليل شسوي الحين
سعد يوم شاف الهنوف لفت لوراء بتاخذ قاروره الماء اخذ منديل فيه مخدر او منوم
الهنوف : امممممم..........
سعود : هيه ولد وش نسوي فيها
سعد : يارجال مخلي هالجمال وتقول وش نسوي فيها اكيد بشيلها واوديها لمكان
سعود : ابدق على صالح يقابلنا بالمكان ******
سعد : ايه دق عليه انا ابركب سيارتها واسوق فيها وانا رح لسياره
سعود : طيب
~~عند مركز الشرطه ~~
فلاح مجمع العساكر
فلاح : اليوم نجمعكم ابقول لكم شيء
فيه مهمه بندا فيها شوي اذا طلع الصبح بحايل
الي عرفناه واستنتجناه ان فيه مجموعه تتجار بالمخدر**ات والاعضاء البشر**يه جاي اقول لكم تجهزو
العساكر : حاظر سيدي
فلاح : استعداد ي عسكر
العسكر دقو التحيه
فلاح ورائد : استتترح تنفيذ الان
راحو العساكر الي يجهز اغراضه ولي يقول لاهله ولي مخلص
بالطريق عند العنود ونايف
العنود : الهنوف تشوفها ولا لا ،،؟
نايف : لا والله هي وين اختفت لايكون ضاعت
العنود : خافت
نايف : اول مارجع مع الخط مالقاها
طبعا هم دخلو حايل من قبل ١ ساعه
نايف عرف ان الهنوف ضاعت واول ماطرا في باله رائد لان رائد بحايل وهو لواء فاكيد يعرف فالمواضيع ذي
اخذ الجوال وحط رقم رائد ودق رنه رنتين ثلاث مارد رائد
العنود قامت تبكي وترجف : لا ياربي احفظها اهئ اهئ اهئ
نايف دق على رائد للمره المليون واخيراً رد رائد
رائد : هلا ي عم شلونك
نايف : ي رائد مو وقته تكفى
رائد : ليه ي عم وش فيك لايكون تعطلت السياره
نايف : تكفا ي البناخي الهنوف بنتي معطيها السياره على انها تسوق وراي وسهيت ولفيت وراي ولا لقيتها تكفىىىى
رائد : هد ي عم تعال للبيت انا اشوف الموضوع
واذا حبيت تعال للقسم ازين
نايف : زين زين ابجي للقسم
ادري طولت عليكم بس مثل ماتعرفون اشغال ودومات
وقاعده اراجع اختباري الاحد
لاتنسوني من دعواتكم لعلكم اقرب الى الله مني 🤍🤍
