قراءه ممتعه🤍🤍..
العصر كلهم تقسمو بالسيارات وسعود معهم
كانت ٤ سيارات
سياره رائد : فيها الشبكه وباقي التجهيزات
سياره سعود: فيها اخته سحاب ووراء نوره
سياره محمد ابو رائد : محمد ومضاوي قدام
وزران واشواق وراء
والشنطه وجدان (😂)
سياره الجد نواف : الجد نواف معاه العنود والجده ساره ( العنود ماتبي تركب مع احد لانهم مو محرم لها صح تعتبر رائد ولدها بس مشاعرها تجاه رائد معدومههه)
الهنوف بطلتنا العروسس كانت بالقاعه ماشيه بدري مرا عشان الكوافيره وتتجهز وهي مغصوبه
________________________________________
القاعه عباره عن
[دورين]
الدور الاول الي هو تحت كان فيه ٣ اقسام
١-قسم الاكل ( العشاء )وله باب يودي لقسم الرجال
٢-القسم الثاني كان القاعه نفسها الي فيها الطاولات والمنصه والدرج الي تمشي عليه العروسه وكان مرااا واسععع
٣- فيه غرفه صغيره فاضيه مافيها شيء بس فيها حمامات ومغاسل
________________________________________
الدور الثاني
جناح خاص بالعروسه مكون من ٤ غرف وحمامين
والقسم الباقي كان غرف للبنات ومخرج طوارى
كان واسع مرااا وحلو يتميز بلون الابيض والاسود
________________________________________
قاعه الرجال
فيها دور واحد وجناح
الدور فيه ( ماعرف بس اماكن يجلسون فيها وحوش عشان العرضه النجديه ومدخل سياره العريس
كان فيه سيب يودي لغرفه الطعام حقت الحريم يعني مدخل عشان يدخلون بس مايدخله الا لضروره )
_______________________________________
ب سياره سعود
سحاب : شلونك ي نوره
نوره كانت مستحيهه مرا وسعود ذبحها بنظراته مع المرايه
نوره : تمام الحمدلله، انتي شلونس
سحاب : والله بخير ي قلبي
سحاب : الا ي نوره انتي وش تدرسين
نوره: ادرس جغرافيا
سحاب : اي الله يوفقك ويرزقك الرجال الصالح
سعود شاف نوره مع المرايه
نوره شافت نظرات سعود
قاعدو حوالي وقت على نظرات بعض قطع عليهم
سحاب : سعووود امش زين
سعود : هاه اي مشيت يلا
ضحكت نوره
شغل سعود اغنيه الصدفه وكانت عيونه تروح لنوره وترجع لطريق
قال لاخته : عادي اربط شماغي على خصري
سحاب: وجعاه صدق بتفضحنا
سعود : لالا معليس
ربط سعود الشماغ على خصره وكان يتذكر شكل نوره اول ماشافها وقعد يقلد شوي من حركاتها
نوره فاطسه ضحككك
شغل :
{ الصدفه الي خذتني يومها صوبه
لابوها لابو الي صحى قلبي الساهي
الي كلامه عسل وعيونه اعجوبه
ياعيونه وماذبح خفاقي الا هي
مجنون قلبه وجنن عقلي في دروبه
من يوم شبه علي ومالقى اشباهي
ودي كثر مايحبني واعشق اسلوبه
ابوس اسمه قبل تنطق به شفاهي
واصير عطرٍ مابين احظانه وثوبه
الين يتنشقني واملاء صدره الباهي }
________________________________________
نروح لمحمد والازعاجججج
وجدان : ياخي اذا ماشغلتو سفر الدغيلبي ولا سلطان البريكي بنزل
اشواق : اقول بس حطو مجوديييي
رزان : لا ي حبيباتي سياره دادي انا بحط اصاله
مضاوي : اقول انتي وياها لاسمع صوت حط مهنا العتيبي
كانت اشواق بترد عليها بس قطعهم جوال وجدان وكانت صديقاتها الروح بالروح
وجدان : ارحبييييي ي دهر قلبي ورجعانه ارحبي سهاممم
سهامم:ويييي فديتششش البقى ي عمرييي
قعدو يسلفون شوي بعدين فلصت وجدان بما ان جالسه بالسياره وماتقدر تاخذ راحتها
استغلت زران الفرصه وشغلت اصاله
{ليه تالي الليل كذبه
ليه حب الليل لعبه
فصل عليهم محمد
محمد : بس انتي وياه اغانيكم نايمه لاشوف احد يشغل خلاص احرقتو المسجل
شغل محمد فلاح المسردي :
{ هب نسناس الهوى الي من مهبه
كر جمر الشوق واحرقني لهيبه
والبلاء ان الجمر في قلبي مشبه
وقلبي شبه بكل ظلعٍ يحتمي به
ياهل العشق الحقيقي والمحبه
لاحد عندي يطري لي حبيبه
لاحد عندي يطري لي حبيبه
خافو الله فيني وفالي احبه
وادعو الله ياعسى ربي يجبيه
وبشروه عني قولو لي ي ربه مانسى
الي مانساه ومكتفي به }
وجدان : ياخي رجليني عورتني ماعاد احس فيها خلوني عندكم مو بالشنطه
محمد ظحك بخفه : تحملي مابقى شيء ونوصل
وجدان: اففففف
اشواق كانت نايمه ورزان مشغله سماعتها وتتسمع
وجدان تشوف حب محمد لزوجته مضاوي وتقول : يعععع حب على كبرررر
تذكرت ابوها وامها : لاا عادي الحب حلو
😂😂
في سياره رائد ملخبطه ام المشاعر توتر ومرتبك وبنفس الوقت فرحان
شغل المسجل وكان سرحان :
{دخلت الحب من باب التجارب
ماعرف الحب ولا اعرف نظامه
ومن باب النصيحه لا تجونه
انا ماجيت منه بالسلامه}
طفاه رائد : استغفر الله ي رائد ماسرع حبيتها ترا بس فتره ويقلبون عليك وتطلقها وترتاح انت اخذتها وصيه ابوها بسسس
وتذكر هي وش قالت
الهنوف { مو اخذني لسواد عيوني اخذني تنفيذ لوصيه ابوي }
بعدين انت عندك مهمه الاسبوع الجاي خلاص افرح الحين واستانس وربك يحل الباقي ........
لاتنسون النجمه حبايبي 🤍🤍.
