زهراء : فمان الله
بعد شهر عرس زهراء
زينب تكلم محمد
زينب : حبيبي لك معاي عزيمة في عرس صديقتي
محمد: شلوون
انتي تعرفين انا مااحب اروح للاعراس زينب بلييييز لاتجبريني ماابي
زينب : محمد مايصير لازم تروح لانك انت الي بتودينا اصلا وبدل ماتروح وبعدين ترجع
خلاص احضر العرس مرة وحده
محمد : منا لذاك اليوم يصير خير
محمد : اقول هو عرس مين
زينب: صديقتي زهراء
محمد : زهراء!
زينب : ايه شفيك كأنك غصيت
محمد : لا ابد بس ارسلي لي الكرت وده اشوفه
زينب: تعال اتغدى عندنا اليوم وبعدين شوفه
محمد: اوك
يرووح محمد زي الريح لبيت زينب
ويشوف الكرت ويقرا الاسم زهراء.....
ويعرف انها نفس الي شاغلة تفكيره وقلبه
ويزيد كآآآآآبه
ويتغير حاله
يوم العرس
طبعا زهراء طلعت من اجمل مايكون
زينب : محمد وينك مارح توديني انا وامي للعرس
محمد : الا بجيك شوي
محمد: يسوق السيارة ودانا تسولف معاه وهو ابد مو وياها
الين ماوصلوا الفندق الي فيه العرس
تدخل زينب وامها لصالة الحريم
ومحمد يروح لصالة الرجال
ويقابل ابوزهراء ويسلم عليه ويتذكر ابو زهراء انه هو الشاب الي تبدلت شنطتة بنته معاه
شوي وبدون سابق انذار يشب حريق بصالة الحريم
والاصوات تتعالى
ابو زهراء خايف على بنته وزوجته ويجون رجال الاطفاء ويحاولون يسيطرون على الوضع
محمد يقول للمعرس ادخل انقذ زوجتك
المعرس : لا يبه انا مو بايع عمري اذا لها عمر ومكتوبه لي مارح يحصل لها شي
محمد يطالع فيه بنظرة استحقار
دقت زهراء على ابوها تستنجد فيه وتقوله انه بغرفة العروس
وهي تصرخ ويسمعها محمد ويطير لها طيران
ويحاول انه يقتحم النيران الين مايقدر يوصل للغرفة الي فيها زهراء
ويوم فتح الباب
وجت عينه بعيونها
زهراء اغمى عليها ماصدقت الي صار
يقوم محمد ويشيلها بين ذراعه
ويطلع فيها من بين السنه اللهب
طبعا محمد نسي خطيبته وخالته لانه مافي احد في باله الا زهراء
طلع للخارج ولفها بشماغه عشان لاحد يشوفها من الرجال الي بره
ويطلع مع ابوها وامها بسيارة الاسعاف
وطبعا عريسها منذهل من محمد شلون ماخاف على نفسه وانقذها وهي ماتصير له شيء ولاتقرب له
وتجلس بالمستشفى يومين من اثر الصدمة
ويجي يزوها عريسها في المستشفى لكن ابوها يطرده
لانه مو كفؤ انه يكون زوج لبنته
يتصل ابو زهراء على محمد ويطلب منه انه يشوفه
ابو زهراء : والله ياولدي ماني عارف وش اقولك انا عاجز عن شكرك
لانك انقذت حياة بنتي
واثبت لي انه النذل زوجها مايستاهلها
محمد: ياعمي ودي اطلبك طلب
ابو زهراء : تفضل اطلب الي تبيه
محمد: ودي اكون نسيبك
ابو زهراء : وانا اتشرف انه واحد مثلك يكون زوج لبنتي
وطبعا الباقي معروف
