بعَدني اشَتاك وادعيلك
بعدني لهسة اغنيلك
بعدني من اكَعد لوحدي
مكَان بصفي اخليلك ....
اريد اسميك أسم حلو شنو دكول بس دا أفكر
بأسم
انصدمت من حجت البزونه كالت أسمي هجرس
دا أتخير ياربي موو اي دا اتخيل وين اكو بزونه تحجي ههههه
هاجر ـ بقيت مصدومه منو حجه معقوله تخيل لا لا متأكده هوه حجه
ششنوو اسمك كلت
هجرس، أسمي هجرس هجرس
ـ اطراف رجليه انشلت ماكلكم خفت لا والله متت گلبي وكع بطني بزونه تحجيي؟
ـ اني مو بزونه اني هجرس
هاجر ـ ش ش ل و ن هيج دخيلك ياربي ششوفني بعد بزونههه تحجي بس هاي مو بزونه هاي جن واني متأكده
لازم اتخلص منهه كوه شلته واني ميته خوف
رجعته المكان الي جبته منها اخخخ مني مابطل سوالفي عوزني بس جن اني
سويت روحي حنينه ورحت جبته استاهل والله
رجعت البيت خليت راسي اريد انام ماكدر تعبت طلعت البلكونه اباوع على شارع
شفت هجرس يباوعليي بقيت ابالع
بسرعه دخلت وسديت الباب اخذت منوم حبايتين طبك يله كدرت انام
دم خوف رعب دم دم دم
هاجر هاجر هاجر كعدي شبيج هاجر
ـ فزيتت مرعوبه شفت ساره واكفه
ساره ـ شبيجج هاجر موتيني رعب عبالي اجتج النوبه
هاجر ـ لا مابيه شي انتي شسوين هنا من صبح
ساره ـ ياصبح يمعوده ساعه 12ضهر
هاجر ـ شنوووو شلون نمت هلكثر خرب حظي
ساره ـ شبيج عيوني قابل شوراج شغل عمل لاحكه على دياحه
هاجر ـ ممكن تنجبين لو سمحتي حبيبتي
ساره ـ زين سؤال هاجر بس بداعتي احجي صدك
هاجر ـ اممم احجي
ساره ـ شنو دم خوف رعب
هاجر ـ شنو هاي ماعرف
ساره ـ هاجر لا تغشمين نفسج انتي تهذين بيهن حتى من نمتي عندنه هذاك اليوم
تحجي هيج بس ماسألتج نسيت
_شو انجبي اماحجي هيج اني دا تتوهمين
عفتها ورحت افتر بشوارع وارجع للبيت
نوم ماكو ناسيه شنو نوم هجرس تعبني اشمرو ويرجع عليه الحلام مستمره تعبتني اكعد من نوم عبالك كنت بحرب اكعد فحطانه
افتح اعيوني ألكهه اهلي كلهم فوك راسي
استغرب أسألهم يكلولي جنتي تعيطين
حتى اخواني بقو يخافون مني
