ردتت أطلع وصارت ريام بوجهييي
_وين عيوني عبالج كيفتي تروحين تشكيني الجدج
والله العظيم اذا سمعت بيج
كايلتله حرف واحد أصلخ جلدج صلخ
_لا مأكله لا تخافين
_لا اني مأخاف بس خافي ع نفسج حتلو كتيله يعيط
شويه ويسكت ويروح وشوفين شسوي بيج تمام
_صراحه خفت منها صدوك هوه أبويه ميسيويلي شيء
جدي يسويلي بس راح أكلو ع موضوع دراسة
بلكي يخلوني اروح المدرسة
_هلو جدي شلونك
_هلا هلا بهجيران هلا بنيتي شلونج جدي ان شاءلله مرتاحه
_شفت أبويه وريام يخوزرون بيهه
كتلو جدي تمام
_ان شاءلله مرتاحه
_ييي
جدي عندي موضوع وياك
بس كلت هيج أبويه وريام صارت وجوهم صفر لعد
شكد مخوفهم
احم جدي أريد اروح المدرسة بعد سبوع ويبدي دوام
_ايي يابعد جدج هسه أخلي محمد يروح يشتريلج ملابس ويسجلج مدرسة أهليه
مو محمد
_أي يابه اني هم مفكر اخليه داوم احسن من كعدته
بالبيت
_الله يرضه عليك وليدي كومي جدي حضري نفسج
العصر ياخذج أبوج يشتريلج ملابس وشغلات الدوام
_تمام جدي باي
عفتهم وطلعتت خليت الوجهوه تطلاطم هههه
اعرف راح أحصلي عقاب بس هم شي رجعت المدرسة
_عبالج من راح داومين ماشغلج تجين من المدرسة
تخلصين شغلج كلو وماكو روحة السوك عندي
ملابس هيف مالت العام البسيهن
_مألبس ملابس ملبوسه اني عندي ملابسي مالت العام ألبسهن خلي ملابس بنتج ألج
_بعد أحسن ماريد توسخين ملابس بنتي
_اممم ماكو غيرجن وسخات
_شكلتي ولجج ماسمعتجج عيديي
_ماكلت شيء سلامتج عفته ورحت المخزن ماخلتني اشتغل تخاف جدي يشوفني
اووف يهاجر وين تصفى بيج الدنيا اذكر اني وبيبي
_بيبيي بيبي أصبعي دا يطلع منو دم
_يااا عيوني ليش مو كوتلج لا تلعبين بل أبرى
شوفي اصبعج
_بيبي دا يوجعنيي راح اموت مو
_لا حبيبتي بنيتي هسه أعقمو ويصير زين
لا تبجين يروحي راح يوكف گلبج
فزيت ع واقعي كنت اذا انخدش ابقى أبجي يومين
لحد ميطيب الخدش
هسه جسمي من كل مكان مجروح ومحد يهتم
وينج بيبي شوفي حالي بدونجج
