،،،،،،،،،،،،،،،،،،،،،،،،،،،،،،،،،،،،،
روح براحتك
شتسوي مرخوص هاذه اخر كلام
البينك وبيني طحت من عيني
اول مانمت زعلان ولو ترجع
نبي ماترجع لعيني
،،،،،،،،،،،،،،،،،،،،،،،
- عمي ابراهيم: الله بلخير
-الكل: الله بل خير والعافيه
-ابراهيم: اني اريد اخطب لرعد زينب بت،،،،،،،،،،،،،، هوه يريده وعاجبته شايفه بل موكب
-جدي: ايي ليش لا اذا خوش بنيه نفرحله احنه
-رعد: ايي جدي اني شفته بل موكب وعجبتني وريده بلحلال
-الكل: بكيفك بوه اهمشي انته رايده وخوش ناس والبنيه زينه
-عمي ابراهيم: السبوع الجي نروح لهله
-جمره: اني مصدومه وما مستوعبه الي سمعته
سدو الموضوع وبدو يحجون مواضيع عامه
بوقته اجاني الهدو والسكينه
لل 10 بليل وكلمن راح لبيته
عزلنه البيت اني وامي صعدت اخذت ملابس وطبيت
سبحت وانهاريت بل الحمام الدوش مفتوح واني عيوني
مثل زخات المطر
طلعت من الحمام لكيت اخوي كاعد بل صاله
-سند: هاا جمره عيونج شبيهن
-جمره: لا ما بيهن شي
-سند: ولج شنو ما بيهن شي صايرات حمر دم
كوليلي حبيبتي شبيج منو حاجاج
-جمره: والله محد حاجاني بس نعسانه ويمكن صار بيهن شامبو
-سند: اوكي حبيبتي دخلي ارتاحي راح اجيبلج قطره واجي مو تنامين
-هزيتله راسي ودخلت للغرفه ذبيت نفسي على الجربايه ودموعي وحده تجري فتحت التليفون وطلعت غنية
انشالله هم تنجره
وغيري يذلك ويا والدنيه دواره تره
ما تدوملك لا والله
وضيع مثلي من ضعت ويخونك
البي امنت اه اه اه
ودموعي تجري ما ادري شوكت نمت
كعدت الضهر الساعه بل 2 غسلت ونزلت لكيت امي نايمه وابوي بل دوام رجعت صعدت ورحت لغرفت اخوي لكيته يكلب بتليفونه رحت رفعت الغطه ونمت بحضنه ودموعي
وحده تجري
-سند: يا روح اخوج شبيج بس كليلي والله المحاجيج
ارجعه لبطن امه بس كليلي
-ما حجيت حضنته ونمت كعدت الساعه بل 5 العصر وهوه ماكو بل غرفه غسلت ونزلت لكيت امي تطبخ واخوي طالع رحت للمطبخ بست امي وحاجيته
-امي: هاا يا روح امج شبيج شو من الصبح لسه نايمه وسند طلع وصاني عليج شبيج يمه كليلي
-جمره: ما بيه شي حبيبتي انتي والله بس تعبانه
-امي: كعدي حبيبتي خلي اخليلج شي تاكلي
-جمره: كعدت على الطبله انطتني جاي وكيمر اكلت شويه
وغسلت المواعين ورتبت البيت وطلعت قران
وكعدت بل صاله استمع للكلمات القران ودموعي تجري
امي كملت واخوي اجا سمعه سلم على امي ودخل بل صاله مسحت دموعي بسرعه
-سند: هاا يا روحي شلون صرتي
-جمره: الحمدلله كلبي ما بيه شي انته وين جنت
اجه كعد يمي وخله ايده على متني وانتجه على التخم
-سند: والله جنت يم جماعتي بل كهوه شربنه ناركيله وتونسنه واجيت
-جمره: هاا
اذن صلينه وحضرنه العشه اتعشينه وغسلت المواعين وصعدت لفيت راسي ونمت
ومر السبوع واني ما مستوعبه انو راح يخطب كلت هسه يبطل واجه اليوم المشوم عمي ابراهيم خابر ابوي وكله اليوم با 3 تعال البيتنه نروح للوادم ونحجي وياهم بل موضوع وفرد نوب يشوفه وتشوفه واحنه نعرفهم مو غربه لين البنيه تصير بت خالت امه كاله ابوي ميخالف
ابوي كال ترحون وياي امي كالتله ايي انروح اني كتله لا بابا ما اروح مالي خلك
-سند: واني هم ما اروح اريد اخذ جمره لفد مكان
-ابوي: ليش ما تروح وانتي بابا شبيج
-جمره: لا بابا حبيبي والله ما بيه شي بس مالي خلك اطلع
-ابوي:اوكي بابا اطلعي انتي واخوج
-جمره: صار روحي انته رحت بسته وصعدت سبحت وبدلت لبست هاذه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
نفس هاذه بس بدون جنطه ونزلت لكيت امي وابوي رايحين واخوي متانيني جوه
-جمره: يله كملت
-سند: يله حبي
- طلعنه نفتر افترينه هواي لل 7 رحنه لمطعم اكلنه ودفعنه الحساب ورحنه لجسر بغداد ضلينه منتجين على الحديد اليفصل بين الشارع العام والرصيف
-جمره: سند اني راح اوكف هناك شويه اريد ابقه وحدي
-سند: ايي حبيبتي روحي
-عفته ورحت خليت سماعات وضليت اباوع على الماي وسمعت غنية
- واني اخذله تحيه جان اسمك من يمر
جنت تطلع دوم راسب بلعشك تاخذ صفر
واني اخذله تحيه جان اسمك من يمرررررر
بلغدر خذت امتياز كلشي منك ما معتاز
ماضكت وياك حلوه ولا عشت يوم بهنه
ودموعي تجري حسيت ايد تنحط على متني
-ليش اجيت اني مو كتلك اريد ابقه وحدي
-شبيج يا عمري انتي مو تكولين انته سندي وقوتي
لعد ليش ما تكوليلي الي بكلبج هاا
-جمره:ما بيه شي والله بس مخنوكه شويه
-سند: شوفي اي وقت تردين تحجين الي بكلبج لا تترددين تعاي واسمعج واني الممنون اوكي كلبي
-شبكته حيل وخرت باسني براسي وكال يله خلي انروح
اذا اتخرنه اقري عليه الفاتحه
-ضحكت وكتله اسم لله عليك روحي انته
رجعنه لكينه ابوي توه يفتح باب البيت سلمنه عليهم ودخلنه كعدو بل صاله واني انتجيت على الدرج
سالهم سند
-سند: ها بابا شنو صار بسالفت رعد
-جمره: واجه الخبر الي حطمني ولا اتوقعت يصير
،،،،،،،،،،،،
أنت تقرأ
آبہكہآهہ آلقہدر❤️🔥(قہوٌهہ )
Misterio / Suspensoمَخَتّلَفِّهِ لَأّ يِّنِأَّّسبِنِيِّ أّلَذّيِّ يِّنِأَّّسبِ أّلَجِمَيع
