❤احلام موده❤

💕28💕

عند احمد كان قاعد فى مكتبه بغيظ ولكن مره واحده قام راح مكتب اسير اللى كانت بتشتغل بأهتمام  حتى وجدته امامها وهو ينظر لها بغيظ واضح وملحوظ و هى  كانت بتبصله بصمت وهو بيشتعل من الغضب

احمد  . مش بتردى عليا ليه لما بتصل بيكى من يوم ما تمت الخطوبه بينا وانتى بتتجاهلينى ليه
اسير  . انا قدامك ما يقارب 19 ساعه يوميا فى الشغل وفى الكافيه وفى بيتنا لما بتاجى زياره ليا وطول الليل بنتكلم فون اعتقد ده كفايه ولا ايه
احمد  . مكتوب كتابنا يعنى انا جوزك ده عادى وحقى
اسير  . كنت اتكلمت ولا اعترضت يعنى 
احمد . انا عاوز نعمل فرح
اسير بهدوء  . تمام نعمل فرح اساساً انت اللى طلبت نستنا لحد ما تخلص ترتيب الشقه اهلى موافقين عادى
احمد  . هنفضل فى بيت اهلى
اسير  . ده اللى هو فين
احمد  . قريب من بيت نسرين القديم قبل الجواز
اسير  . رحتلها مره وكان المكان كويس على بركة الله لو الشقه كويسه نعمل فرح
احمد  . لا مش شقه فيلا
اسير  . فيلا فيلا عادى
احمد  . انتى بارده ليه
اسير  . انت اللى منفعل بزياده ولو انا كمان انفعالة هتحصل مشكله وانا مدركه ان لو حد فينا مضغوط من حاجه لازم الطرف التانى يخد الموضوع بثلاثه وبكده هنعدى الموضوع ونسبه احتمالية الطلاق بينا هتقل امى علمتنى كده
هدء احمد وهو ينظر لها حس ان فعلا هى شخص مناسب ليه بسبب طيبتها وعفويتها وذكاها  ابتسم ثم...  انا اسف كنت مضغوط شويه
اسير بابتسامه  . عارفه  ..  ثم نهضت  . هجيب الملف اللى خلصته وهيطلع للحسابات خده وانت طالع

دلفت اليهم موده ومعها نسرين وهشام
احمد بحاجب مرفوع.. وده من امتى ده
اسير بدهشه.. انتوا بجد اتحجبتوا
موده بثقه.. اه مش كده حلو
نسرين  . احنا كده احلى من الاول بكتير
هشام  . انا عندى شغل خلصوا كلام وادخلوا عوزكم هنادى جيه بعد شويه وامانى مهند كمان احمد انت روح هات الملف من يوسف يلا
اوما له وذهب 
اسير.. انتوا مش بتهزره ولا وخدنها تجربه
موده  . لا احنا لبسنا الحجاب عن اقتناع
نسرين  . حبيت شكلى فيه اوى وحسه براحه كامله اوى
اسير  . ازى اقتنعتوا بيه
موده  . ماما ايمان شرحتلنا كتير اوى عن الدين
انا مكنش عندى علم بأى حاجه حتى ميار اقتنعت وحبت اوى فكرة لبس الحجاب وهشام بيعلمنا حفظ القران الكريم انا كان فايتنى كتير اوى
نسرين  . الصراحه انا عارفه عن كل حاجه بس كنت مش مستعده اطبق واقع اللى اعرفه بس بعد ما سمعت من ماما ايمان وشوفت قد ايه موده متحمسه قلت اجرب ولقيت انى ارتحت اوى فى الوضع الجديد ده وغير كده شوفت الرضه الكامل عن مظهرى الجديد ده فى عيون يوسف وهو بداء يشجعنى على الصلاه وانا كمان بدات احب المواظبه وحسه بفرق شاسع بين انا حاليا وانا اول امبارح
اسير بسعاده ضمتهم  . الف الف الف مبروك على الحجاب وعلى الحياة الجديده ربنا يتقبل منا جميعا 
نسرين  و موده امين 
كان هشام بيتابع من الكاميرات اللى خارج المكتب بأبتسامه
اسير  . حيث كده لازم نلتزم كويس واهم حاجه متخلوش اى حاجه مهما كانت تبعدكم تانى عن ربنا
موده بثقه  . انا ضمنه انى لو فى يوم هقف هشام مش هيسمحلى ابدا