الحزن جر ثوبي ما يقبل يهدناي وألم عافيتي والشامت يهدناي ناي يعوفني ويرجع يهد ناي يعزفن حزن وأنه جروحي بيه😭
ورة سبوع
جهزنة الجهاز بس مجان نيشان حلو او حالي من حال البنات الاخرة جان عادي وكلة علة ضوقة وضوق امة كملنة كلشي وحددو موعد الزواج يوم السبت جان 2016/9/12 اكره هاذة اليوم لان هنا بلشت تعاستي حجزولي عد صالون كعدت الصبح بدلت ورحنة اني وماما وعمتي الجبيرة للصالون دخلت شافتني ام الصالون كالت الهم صلي على محمد وال محمد
شنو هاذة الجمال اي هاي العروس لمحمد مو هذيج شكبرهة وجهة محفر كعدتني تريد تحطلي مكياج اجت حماتي زمن كالت اريد تركي جان مديلة فبلشت اتمكيجني وسوتلي تسريحة بس اني ماشفت نفسي شوي وكالت كملنة درت وجهي جان كلش عادي خفيف تسريحة امي ختارتهة عالي شوي ومنزلة منا ومنا هاذة جان مكياجي
كالت تعالي لبسي البدلة شفت البدلة ضليت ابجي كتلهم ماريدهة يمة شنو هاي محلوة كالت عمتي ام محمد لا والله حلو مديلهة وين مديلهة موحلوة مارردهة اني كل يوم لبسة بدلة امي شافتني ابجي كالت راح اجرلج بدلة واجي جان الصالون مكان جبير بي فساتين ومحلات وكلشي فطلعت ماما شوي ورجعت كالت
كلهة معزلة لان جان عيد الغدير ضليت ابجي يمة هية ساعة وتنزعيهة فدوة لبسيهة لبستهة رجعت ام الصالون عدلت مكياجي لبست الذهب كلادة ومحبسين وحلقة وتراجي هاذة ذهبهم وامي لبستني كلادة ام العيون كلششش حلوة وحجول وزنادي لان جان بية لحمة علة كولتهم صدك طلعت حلوة
طلعت من غرفة التبديل لصالة النتضار شافني النسوان والله بدون مجاملة كلهن صلن علة محمد لان صدك حلوة وجنت زغير وبيضة كلش شوي واجة بابا واخوي ومحمد همة الزفوني بابا بيدة زفاني 🥺 جان عند محمد سيارة ملكة بنفسجية كلش حلوة
المهم صعدت بل سيارة كبل زفوني البيت عمي نزلني بابا كال بابا اني اريد اسوي مثل السورين قبل لادخلين للبيت اتحطين بل باب عجينة😂 صدك لكيتهن عاجنات ومسوياتهة شنكة مدري شسمهة زغيرة ضربتهة بل حايط رادت توكع امي حطت ايدهة فوك ايدي وضربتهة
حيل دخلت للستقبال صارت الحنة ابيتهم جان كله موجودة شتغل الديجي والملاية غيرت البدلة لبست بدلة بصلية كلششش حلوة هاي صدك عجبتني ولبست بدلة وردي فاتح قصيرة رادت الملاية تجليني لبست البدلة البيضة جلتني وشبعت بواجي
خلصت الحنة وعشو العالم كعدت بل غرفة الجوة دخل اخوي امير ايصور وياي هوة وامير ويضحكون بية شوي وكالو راح يزفون متت موف تمنيت ابطل ماريد ازوج والله زفوني خلصنة صرت مرتة وهوة فرحان واني ابجي علة حياتي اتعشيت ويا واهلة هم كاعدين خلصت رحت نمت فاني نمت هوة مانام صراحة اني مانمت سويت روحي نايمة لان لعبت نفسي 😁شوي واسمعة يخابر ويحجي وضل للصبح يحجي واني اسمعة ودموعي علة خدي بسكتة ابجي ياحزركم ويامن يخابرر؟
أنت تقرأ
المطلقة والمجنون
Romanceمن الممكن أن تشعل المرأة أصابعها العشرة للرجل شموع، في حالة واحدة فقط، إذا أحست أنّه يستحق أن تحرق أصابعها من أجله، ولا يكفيها إحراق الأصابع، بل من الممكن أن تحرق عمرها من أجله. وهذة ماعشته بطلتنة ميس مع محمد ولاكن لم يستحق ذلك. فقد عوض الله ميس ب...
