مها: شو رايج الحين نطلع نتمشى؟
خلود: هي يلا الجو وايد حلو و يجنن لان صار الليل
مشو مها و خلود و تمو يسولفون ف نفس المكان مع اشخاص ثانين
المجهول : مايد اتجهز من اول ما تكون بروحه شلها
مايد : تمام
نرد حق مها و خلود صار بينهم خلاف بسبب بنت
مها : بس خلود انتي شفتي حركاتها و تصرفاتها معاي ابدا مب حاطه حدود و ما تحترمني
خلود : لا تكونين اوفر البنت ما سوت شي تراج مستويه وايد Dramatic
مها : خلاص دام عايبتنج روحي رابعيها ليش يايه عندي دام هي جوج و ما تسوي مشاكل انا وحده مب يايه ارابع هايل الاشكال
خلود: بس انتي تعرفي انه انا يالسه اكلمها و مرابعتها عشان اييب راس اخوها احمد
مها : و انتي هاذا الي هامنج بس انج تبي تيبي راس احمد مالج اما انه تقلل من احترامي وايد عادي
خلود : مهوي خليني اسوي الي ف بالي والله باخذلج حقج بس صبري علي شوي بليز
طالعتها بنظره بريئه و طبعا مها معروفه ف كبر و طيب قلبها و ما تروم تقاوم نضرات خلود ف سامحتها
المجهول : انزل الحينه مايد قبل لا المكان يكون زحمه
مايد : احمدددددد لا تستهبل ما بخطفها احين لانه معاها ربيعتها
احمد : اقولك هاي ربيعتها اسمها خلود ترمسني و انا وايد بارد معاها برمسها و بقولها خلنا نتقابل و بقردنها و انت اخطف مها
بوممممممممممممممممممممممممم المجهول طلع احمد الي خلود يالسه تحاول اتيب راسه
مايد : خلاص تم بس اقولك ترا والله هاي الي اسمها مها شققققق
احمد :ادريبها عشان جي حاطنها براسي
مايد: انزين يالله دق حق ربيعتها
رن تلفون خلود
خلود : امبيههههههه مهوي احمد يالس يدق
مها : انزين ردي عليه
خلود : شو اقولل غريبهههه مب من عوايده يدق
مها : ردي ردي شوفي شو يبا
ردت خلود علي التلفون
احمد : هلا هلا بالزين
خلود : اهلين
احمد : وينج قاطعه
خلود : انت الي ما تسال
احمد : مشاغل الدنيا
خلود : ترا زعلانه منك
احمد : افاااااا خلودييي اقولج اني مشغول بس افا عليج احينه بتيج الرضوه
خلود : ........
احمد : انتي ف الممشى الي صوب ستاربكس صح ؟
خلود : اممم ... هيه و انت شو عرفك
احمد : لوكيشن سناب
خلود : اوه نسيت
احمد : شو رايج ايي عندج
خلود : ما روم عند ربيعتي
احمد : عادي مابطول
خلود: زين بقولها و انت اترياني قدام شوي
خلود: مهوي بروح شوي و بييج
مها: وين رايحه؟
خلود: مابطول بييج
مها: يلا زين
تلاقوا خلود و احمد و يلسوا يمشون و يسولفون
