(ملاحضه الاسطبل ل أدم بس سياف و سند يعرفون ب الخيل و يدربون مع أدم )
بيت الجد | الحوش الامامي
الجد محمد : يبنات بعد الفطور جهزن شقة عمكم نايف بينقل للديره هو و وعياله
الجده هيله : ذي الاخبار الطيبه الحمدلله
الجد محمد : اي صحيح سياف و أدم وانا جدكم أبيكم تزبطو وراق نقل هديل و نجد للجامعه هنا
سياف : أبشر متى يبعث الوراق عمي
الجد محمد : أن شاء الله الاسبوع الجاي بيجي و يجيبهم
الهنوف : الله وناسه بنات شرايكم ننزل السوق بكره أنجهز أغراض سهره مع البنات و كذا
سند : طيب انا أوديكم بكره
أدم : يا عيال اذا خلصتو فطور الحقوني على العزبه نكمل شغل و بعدين نروح الاسطبل و سند وصل ريان و منه و ليان و احمد و يزن على مدارسهم
هنا منه لقمت أم العافيه كيف بتقوله قدام عمها ياسر انا اليوم ما بتروح المدرسه
منه : عمي بقولك شي
أبو سند : سمي يبنتي وش بغيتي
منه : اليوم ما بروح المدرسه الابله قالت لا تجون بكره
ليان بهمس لمنه : يا كذابه ما قالت كذا
منه بهمس : انتي اخرسي و دخلك
ابو سند : وش الابله الخايسه ذي تلي تقول لا تجون المدرسه
منه : عمي خلاص بس اليوم تكفى
سند بنذاله عشان يستفزها : يبه انتى مصدقها ذي تجيب الاعذار مدري من وين
ابو سند : طيب خليك عشان تساعدين الهنوف و لين بتنضيف شقة عمك نايف
هنا منه أنجلطت كانت بتقول خلاص بداوم بس عرفت أنها راح تنقتل : اممم عمي شرايك انخلي تنضيف الشقه بس يروحن باقي البنات من المدرسه عشان نتساعد تعرف شقة عمي كبيره ما نقدر وحدنا
الجد محمد : خلاص يا بنيتي على كيفكم
طلعو الباقي كل واحد على شغله
رائد و سياف و أدم على العزبه
و سند يوصل العيال على مدارسهم
نروح هلى العزبه
رائد كان يلم بيض من عند الدجاج شاف عنكبوت على راس أدم قرب يبغى يضربها عشان تموت ضرب أدم على راسه با البيضه 😂
أدم بصراخ : ياعععع يا ورع وش ذا مهبول أنت
رائد : شفيك كنت بحميك
أدم : تراها كلها عنكبوت ما تاكل البشر
كانو سند و سياف كانو ميتين ضحك بس يكتمونها عشان ما يلقمو أم العافيه من أدم
أدم : انا بروح على الدار اتروش مني راجع هنا بروح على الاسطبل بس تكملو الحقوني
(و طلع )
با الرياض | بيت أبو بتال
كانت هديل تتجهز عشان تطلع على الجامعه و نجد بقت با البيت عند بتال عشانه مريض
هديل : بابا اقول للسواق يوصلني وله انت توصلني
ابو بتال : لا انا بوديك لاني عندي مريض اليوم يحتاج عمليه و انا بروح اسويها نجد تحتاجي شي قبل ما نطلع
نجد : لا بابا سلامتك هديل اليوم كنسلي على نص محاضراتك عندي محاضره على 2 أونلاين عشان تجلسي مع بتال
هديل : تمام أصلا انا هيك مقرره
.............................................
هنا نهاية البارت 💗
