فصليتي اليتيمة
حبايبي لاتنسو التصويت من نجمة +التعليق بين الفقرات + متابعة لحسابي الاواتباد 💖
دينيز دنكت وطلعت من الغرفة وطبيت لغرفة كرار لكيت نايم ع الجرباية ومخلي ايده على عيونه طبيت بهدوء حتى ميكعد دانزع شالي وسمعت صوته : ها ماجبتي سلابات
------------
كرار: ها ماجبتي سلابات
دينيز بفزع : بسم الله جفلتني
كرار: ووجع ششفتي جني
دينيز بهمس : لا وحش
كرار: شنو
دينيز: مالكيت ملابس سجى نايمة
كرار : استغفر الله اخذي من ملابسي ومن تنزعيهن احركيهن ماريد اشوفهن بعد
دينيز 😑: تمام
اخذت بجامة مال نوم من ملابس كرار ورحت للحمام داخل الغرفة وبدلت ورجعت
كرار : نزعي النعال الي على راسج
دينيز : ماريد مرتاحه هيج
كرار: تريدين اكوم اسحلج
دينيز : لا نزعته نزعته
كرار دباوع فلت الشال وجرته ونزل شعرها اشكر مي عبالك شلال ولون عيونها تجنن وفوكاها لابسة ملابسي وغركانة بيهن لان اني اضخم واطول منها طالعة كيكة
كرار : تعاي نطمي ونامي
دينيز جريت المخدة ولحاف من الكنتور
كرار: وين
دينيز: انام بلكاع
كرار: وطبج مرض عسى متنامين بقاع جهنم
دينيز خليت الحاف نصه بلكاع ونصه فوكاي والمخدة جوة راسي ودرت وجهي على جهة الكنتور ونطيته ضهري وغمضت عيني احاول انام ،
كرار ويه نفسه : عجيبة هل بنية شكد اهينها واحجي عليها مترد مبينه مو ام لسان بس صدك حلوة ليش انطوها فصلية وضليت ابوعلها وهي نايمه وتتحرك ددير وجهة عليه غمضت عيني حسيت بيها كعدت ع الجرباية ورا تقريبا خمس دقايق فتحت عيني لكيتها نايمة بصفي 🤔عجيبة ليش ماقبلت تجي تنام من البداية
دينيز ويه نفسها : اووف هسه شلون راح انام من يوم الي ماتو بي اهلي واني انام ويا هند اخاف انام وحدي انتضرته ينام ورا عشر دقايق درت وجهي لكيته نايم طمئنيت وكمت نمت بصفه وغركت بنومتي محسيت الا ساعه بل ٤ ونص الفجر على صوت الاذان كمت بسرعه قبل ليكعد كرار مااريده يدري بيه نمت بصفه كعدت طبيت سبحت وتوضيت وطلعت صليت ورجعت لفراشي الي بلكاع نمت
كرار: كعدت بل ٥ ونص ملكيتها بصفي باوعت لكيتها نايمة بلكاع شوكت نزلت نامت بلكاع البارحة جانت بصفي معقولة جنت احلم🤔 بعدين تذكرت بت الكلب ماكعدتني ع الصلاة كمت اسحلها بس خطية شفتها نايمة عبالك طفلة صفنت عليها شوية ووكفت طبيت للحمام غسلت وتوضيت وكمت صليت كملت وكمت كعدتها
كرار: كومي كومي دفرتها كومي ولللج
دينيز: مممم بفزع هاااا
كرار : ليش ماكعدتيني ع الصلاة
دينيز : ليش انته تصلي؟
كرار: لا كافر كومي حضريلي ملابسي
دينيز : تمام شتلبس ؟
كرار :الدشداشة الرصاصية
دينيز كمت غسلت وجهي و كويت ملابسه وهو كاعد ع الجرباية صافن عليه جيت وخليت ملابسة ع الجرباية
دينيز : كملت
كرار: زين امشي نزلي ساعديهم بلريوك
دينيز : تمام وداطلع جان يصيح
كرار: ولج وين موليه
دينيز : انته مو كلت روحي ساعديهم
كرار : وبملابسي تنزلين
دينيز : لا اروح اخذ ملابس من سجى
كرار : وتطلعين هسه هيج شكلج اذا شافج واحد من اخوتي ؟
دينيز : لعد شلون؟
كرار : انتضري هنا ياصبر وكمت رحت ع الدرج صحت سجى سجى
سجى: نعم يابه
كرار : يابة بس انطي ملابس ل نسيت اسمها
سجى: دينيز يابة
كرار : اسمها دينيز
سجى : اي يابه
كرار :يله روحي جيبيلي ملابس
سجى: حاضر
وراحت ورا شوي اجت جايبة تراك نيلي
كرار: هاي شنو
سجى : تراك ادري بيها متلبس بس تراكات
كرار: سجى لتفورين اعصابي بابا امشي جيبيلها دشداشة غصبآ عنها تلبس بس بقى تنزل راسي
راحت وجابت دشداشة ورديه اخذتها وطبيت بعدها كاعدة
كرار: كومي ست الحسن هاي ملابسج
دينيز : بس اني مالبس دشاديش
كرار تقربت عليها ولزمتها من شعرها
كرار : باوعي ولج اذا فكرتي تسوين شي ينزل راسي اكص ركبتج واخلص منج ومن عارج
دينيز: اخخخخ لا والله بس ماعرف البسها وبعدين سجى اضخم مني جبيرة دشداشتها عليه
كرار: انجبي وتلبسيها غصبآ ماعليج بس بقى يكولون مرت كرار تلبس تراك امشي ولي من وجهي وعفت شعرها راحت وهي تفرك براسها وجعتها بس لازم اشوفها القوة من اول يوم حتى متتجاوز وتعرف منو الي يمشي حجيه هنا ، دخلت للحمام واني نزلت ديحضرون الريوك كعدت وانتضرهم داحجي ويا اخوتي وع الكاع والزرع والمصنع والارباح نزلت وهي تجرجر بلدشداشة مبينه بحياتها ملابسه دشداشه من باب الصاله يبين الدرج مترين فرق بينه رادت توكع كمزتلها ولزمتها قبل اخر درجتين
دينيز : طبيت ابدل بلحمام طلعت لكيته مموجود لبست شالي ونزلت بكوة امشي بيها جبيرة عليةردت اوكع محسيت الا احد لزمني رفعت راسي هذا كرار
ضليت مصدومة معقولة هو مخلاني اوكع
كرار: شبيج صافنة ووجع انتبهي لخطواتج وبعدين لاعبالج
ساعدتج لا بس ماريد توكعين وتتشلحين والبيت بي زلم
دينيز : 😑 كتلك ماعرف امشي بيها وشكرآ لان تخاف على شرفي
كرار : اشو كمتي تتجاوزين بحجيج وحصرتها بلحايط وخنكتها من ركبتها وهي تضرب على صدري عفتها
كرار : ديري بالج تتجاوزين بحجيج وياي
راحت للمطبخ واني رجعت للصالة كعدت ورا شوية جابو الريوك وكعدنه نتريك اباوع دينيز ماكو
كرار: وين دينيز؟
الحجية : الفصلية خدامة تاكل بلمطبخ
كرار : خدامة بلمطبخ وهنا من يصب الجاي فصلية فصلللية جتي تركض
دينيز : نعم
كرار: تعاي كعدي هنا تريكي و ( قاطعتني)
دينيز : شكرا راح اتريك بلمطبخ
كرار: محد عازمج تعاي صبينه الجاي
دينيز ويه نفسها: بحياتي ماشفت انذل منك
وكعدت وصبيت الجاي داكوم
كرار: كعدي اكلي
دينيز: بس
كرار خزرتها وكعدت هي تاكل ومدنكه راسها واباوع الكل يردون ياكلوها بنضراتهم حقد وكره كملنه وكمنه كل واحد لشغلة والبنات لمن الصينيه وكامن للمطبخ كمت اني واخويه مرتضى طلعنه للمصنع
دينيز : داغسل المواعين اني وسجى خوش بنيه حبابة كلتلها سجى ممكن سؤال
سجى: اي اكيد كولي
دينيز : انتي تدرسين ؟
سجى: اي ثالث متوسط وانتي ؟
دينيز : اني جنت سادس اعدادي بس هسه ماتصور اكمل بعد
سجى: ليش
دينيز : اني فصلية واكيد ميخلوني اكمل
سجى: اسفه ذكرتج
دينيز : لا عادي اصلا ادري عمج مراح يسمحلي اكمل هوة شيفهمة بلدراسة والشهادة
سجى : منو الي ميفهم بلدراسة انتي متعرفين عمي شمكمل دراسة
دينيز : شمكمل
سجى: ابويه ياسر يشتغل طيار
دينيز: شنووو صدك لعد ليش ميداوم
سجى: بعد ما توفى ابويه بطل وضل مكان بابا خلي نخلص المواعين وافهمج القصه كلها
دينيز : تمام( ويا نفسي عندي فضول اعرف هذا الانسان الحجر شنو اصله)
كملنه ونضفت المطبخ ورحت لسجى لغرفتها وكلتلها كملت تحجيلي هسه
سجى : اي تعاي كعدي
دينيز: كعدت كولي
سجى: عمر كرار خلص كلية وصار طيار سنتين جان من يمشي يضحك الكاع شقوجي وينكت بس بابا توفى بمرض القلب وعمو كرار جان برحلة خابرو ورجع للفاتحه خلصت الفاتحه وعمو كرار صار المسؤول على عائلتنه لان هو الرجال الثاني بعد بابا وترك شغل الطيران وكام يهتم بل مصانع والمزارع مالتنه الي جان شغل ابويه وتغير عمي كرار من يوم المات بابا صار كئيب حجيه قليل ذب نفسه ع الشغل لان بابا امير جان مثل ابو لعمر كرار لان جدو توفى من جانو عمامي صغار جان عمر عمو كرار ١٢ سنه وبابا ٢٢ سنه وتكفل بتربيتهم وكل مشاكله ويحجيله همومه الله يرحمه
دينيز: الله يرحمه
جان اسمع نهى ام سجى تصيح
فصلللللية وفتحت الباب
ام سجى: هاي شتسوين هنا شنو تعلمين بنتي ع الحقارة لو تريدين تطلعيها من الطريق
سجى: لا ماما بس
ام سجى: انلصمي وكومي اقري بعد ساعتين دوامج
وانتي فصلية خاتون كومي كملي تنضيف
دينيز : كملت المطبخ
ام سجى : كملت المطبخ😩وباقي البيت كوووومي
دينيز كمت ورحت نضفت الصاله وكنست وطلعت للممرات بيت جبير بي ١٢ غرفه ويمكن البيت ١٠٠٠ متر هلكت لما كملته سجى راحت للمدرسه واني داغسل الكراج باوعتلها وهي تطلع ولابسه ملابس المدرسه تذكرت من جنت طالبة شكد حلو لو اروح وياها بل ١٢ ونص داغسل بلكراج وطب كرار عيونه تجدح اجه عليه وسحب ايدي واني اتعثر وكعت ع الدرج وطببني للغرف وشمرني بلكاع
كرار: هاي شنو
دينيز تبجي: شنو
كرار: شنو هاي ملابسج مبلله ورافعتها ومطلعه رجلج وتفترين بلكراج
دينيز: جنت داغسل الكراج وزلكت وتبللت ورفعت الدشداشه جبيرة عليه كلت اكمل وابدل
ضربني👋راشدي
كرار: ادبسز متطلعين هيج ابد ابد ابد الحمد لله ابن عمي دك موبايله وضل بلشارع ديجاوب لو داخل وياي وشايفج هيج جان خليت طلقه براسج بدون تردد
وضربني راشدي الخ👋 كلش أأذاني بقيت ابجي وهو طلع ضليت ابجي نص ساعه وبعدين كمت غسلت وجهي وجيت اعدل شالي دانزل لان وكت الغدا ولازم اني اصبه باوعت لوجهي صاير ازرك وطبعه اصابعة على خدي حسبي الله ونعم الوكيل
ضلت تصيح ام سجى : فصليه ولج فصليه تعاي صبي الغدا ، واني استحي انزل ويشوفوني هيج وجهي ازرك بقيت بغرفتي اقصد غرفة كرار اني خدامة هنا ،
كرار نزلتوالعصبيه مفوله بيه معقولة اغاار عليها لا ممعقولة هاي لان مرتي وهيج غيرتي صارت سمعت ام سجى تصيح فصلية وفصلية والله اني كرهت هل كلمة شلون حالتها هي عاد طلعت من الصالة ورحتلها ل ام سجى
كرار : ام سجى خير ليش تصيحين وعيب ابن عمي جوة
ام سجى: خوية كرار هاي متنزل تصب الغدا الحجيه تكول خلي الفصلية تصب الغدا
كرار : استغفر الله هسه اصيحها وصعدت دخلت للغرفه لكيتها كاعدة ومدنكه راسها
كرار: مدسمعين يصيحون عليج؟
دينيز : ----بدون رد
كرار: مو دحاجيج جريتها من زندها رفعي راسج من احاجيج
دينيز رفعت راسيواني اباوعله بحقد ، شكووو
كرار: اباوع خدها ازرك وهي بيضه مبينه طبعه اصابعي على وجهة
كرار: ابقي هنا لتنزلين عفتها ونزلت
كرار: ام سجى ام سجى..
ام سجى: نعم اخويه
كرار : دينيز متنزل عوفوها لحد يصعدله
ام سجى : خويه بس
كرار: عوفوها😡
ام سجى: حاضر
بنات فدو تفاعلكم رجائن قدرن تعبي
❤❤❤❤❤❤
