Unicode
"အဟွတ်!ဟွတ်!"
ဆေးရုံပီပီ ချောင်းဆိုးနေကြသူများ၊ကလေးငိုသံများက ဖုံးလွှမ်းနေသည်။ဆရာဝန်များနှင့်သူနာပြုများကလည်း ကိုယ့်အလုပ်ကိုခေါင်းစိုက်နေကြရသည်။မာဗင်သည် ဝတ်နေကြall blackနဲ့သာဆေးရုံ အတွင်းသေနတ် တစ်လက်နဲ့ လျှောက်ပတ်သွားနေရတော့သည်။
"ဟဲ့ဟဲ့ ဟိုကလူကဘယ်ကလဲ"
"ဘယ်သူလဲဟဲ့"
"ဟာနင်ကလဲ ဟိုမှာလဲသေနတ်ကြီးတစ်ကားကားနဲ့ ဆေးရုံထဲမှာကို"
"သူလား မနက်ကခွဲစိတ်ထားတဲ့လူနာနဲ့ဘာလဲမသိပါဘူးဟယ် အဲ့အခန်းထဲကိုဝင်သွားလိုက်သေနတ်ကြီးနဲ့ထွက်လာလိုက်နဲ့ သူ့ကိုယ်သူ လူဆိုးဂိုဏ်းကများမှတ်နေလားမသိပါဘူးဟယ်"
ရုရှားဘာသာစကားဖြင့် တိုးတိုးတိုးတိုး ပြောနေကြသည့် သူနာပြုလေးနှစ်ယောက်အား မာဗင်မြင်သည်။သူတို့ပြောနေသည်များကိုလည်း ကြားရပါသည်။သို့သော် အဖတ်မလုပ်ဖြစ်။ဒွန်းတို့က မရောက်သေးတာကြောင့် ဦးလေးဖြစ်သူနိုးလာလျှင် ရေဆာမည်၊ဗိုက်ဆာမည်ကို စိုးရိမ်သဖြင့် ရေသန့်ဘူးနှင့် ဆန်ပြုတ်ဝယ်ရန်ထွက်လာခြင်းဖြစ်သည်။
သေနတ်ကလည်း ကိုယ်ပေါ်တွင်လွယ်ထားပြီးသားဖြစ်သည်။မဖြုတ်ချင်တော့တာကြောင့် သေနတ်ကြီးတစ်ကားကားနှင့်သာ ဆေးရုံထဲရှိမုန့်ဆိုင်များတွင် ဟိုဆိုင်ဝင် ဒီဆိုင်ထွက်ဖြစ်နေရခြင်း ဖြစ်၏။
ထိုသူနာပြုလေးနှစ်ယောက်မှာ မာဗင်ဆန်ပြုတ်ဝယ်နေသည့် ဆိုင်၏ စားပွဲခုံတွင်ထိုင်ကာ စားကြရင်းသောက်ကြရင်း တီးတိုးပြောနေကြခြင်း ဖြစ်သည်။
"ဆန်ပြုတ်လာဝယ်ဆိုတော့ သူ့ကောင်မလေးအတွက်များလား"
"ဟဲ့နင်ပြောတော့မနက်ကခွဲစိတ်တဲ့လူနာဆို အဲ့မှာနင်မရှိဘူးလား"
"ငါ့ ဂျူတီမှမဟုတ်တာ ငါ့ဂျူတီကခဏနေမှ"
"နင့်ဂျူတီကျ အဲ့အခန်းကိုဝင်ရမှာမလား ဆေးချိတ်ပေးထားတာလဲပေးရမယ်လေ အဲ့ကြချောင်းခဲ့နော် ပြီးရင်ငါ့လာပြန်ပြော ခစ်ခစ်"
"တော်တော်ဖြစ် ကောင်မ၊သွားပြီဟေ့"
"အေး တာ့တာ"
