بوست هااام جداا
___________
مساء الفل يا عيلة ، قولت أعمل بوست أجاوب فيه على كل الأسئلة اللي اتسألت عن أسير عينيها الورقي
أسير عينيها كانت من بدايات الروايات اللي أنا اكتبها خاصة الجزئين الأول والتاني ، في الفترة اللي بدأت فيها كتابة في الأول خالص كانت أطول رواية بكتبها في شهرين ورواية ورا التانية ما كنتش بدي نفسي فرصة هدنة ودا غلط ، الكتابة مش بس موهبة محتاجة دراسة وقراءة كتير وكتير جداا كمان
ولأنها السلسلة الأشهر وليها فضل عليا ما كنش ينفع تفضل على حالها الأول وعليه
١_ السؤال الأول والأهم
ايه الفرق بين الرواية الإلكتروني والورقي ؟
ج : لاء الفرق شاسع واللي قرأ الجزء الاول الورقي يشيد بيه هو كدة كدة مستني الجزء التاني ، تعالا أقولك ايه ايه الفرق
الرواية الورقي متعالجة متنقحة فيها سرد محترم ، وأحداث جديدة منطقية ، حتى الأحداث القديمة مصاغة بشكل جديد يليق بعقلية القارئ ، ما هو كل التعديل دا ليه اصلا ؟
أنا ليه بمسك الرواية"أنفضها " وأكتبها من أول وجديد ، عشان بس تحترم عقلية القارئ
كل العيوب اللي الناس كانت شيفاها في الإلكتروني بفضل الله اتعالجت صح
منهم شخصية لينا السلبية ، وبعض الأحداث الغير منطقية ، وعنف خالد المبالغ فيه تجاه لينا
كل دا أتعالج
الرواية باختصار قصة العشق الخالدة بين خالد ولينا اللي إحنا كلنا بنحبها حتى أنا والله بحبها وليها معزة خاصة عندي ، مضاف لها أحداث جديدة ، مضاف ليها أحداث جديدة + معالجة الأحداث + المحافظة على ركيزة خط سير الأحداث الأساسية للقصة الي إحنا بنحبها
الشخصيات كلها موجودة بنفس أدوارها ما حدش يقلق
٢_الجزء الاول والتاني مطروحين في معرض القاهرة الدولي للكتاب في دار إبداع صالة ١ جناح b24
٣ _ الجزئين عليهن خصم خاص طوال فترة المعرض 225 بدل 275
٤_أنا هبقى موجودة الجمعة الجاية ٢ وفي الأغلب هبقى موجودة السبت ٣ بردوا
للي حابب يقابلني ونتصور ونوقع ، الناس اللي حضرت المعرض السنين اللي فاتت عارفين الجو اللذيذ اللي بنبقى عاملينه
٥_ما تنسوش رواية لأنها أنتِ "صاحب الحُلة السوداء" دي الرواية الورقي الجديدة مطروحة بردوا في المعرض تبع دار إبداع صالة ١ جناح b24 بخصم خاص 125 بدل 150
تحياتي
#دينا_جمال
