خيانه مشروعه

الحلقه 15 والاخيره

روايه خيانه مشروعه
الكاتبه مي احمد

الحلقه 15 والاخيره

ملاك بصدمه /جاسر
جاسر بجنون وغضب/
ايوه جاسر يا خاينه يا زباله يا حقيره بتخونيني انا بعد كل اللي قدمته لك

ملاك/لا رد

جاسر مش بترد ليه عليا شفته زي ما قلت لكم الهانم مستخفلانه وجايه تقضي ليله مع البيه كلامي صح ولا لا انطقي

ملاك/لا رد

جاسر شفت يا عمي بنتك المصون اللي مش مصدقين فيها حاجه بتعمل ايه وكلكم كنت فاكرينها ملاك بجناحين انا كنت اولكم فاكرها كده ما كنتش فاكر ان وراها وش بشع بالدرجه دي

ميرا ايه يا نيره سكت ليه شوفي بنتك يا حبيبتي

نيره قربت على ملاك وقعدت تهز فيها اتكلمي ساكته ليه دافع عن نفسك يا حبيبتي

وراحت لاسر اللي واقف ببرود
اتكلم انت يا ابني قل لهم ان كل ده غلط وان بنتي ما غلطتش

وقعت على الارض بانهيار وزوجها سالم قومها من على الارض وقال لها اهدي يا حبيبتي احنا كنا
مصدومين في ملاك

مليكه قربت على مامتها بشر اهدي يا ماما التوتر مش كويس علشانك الحمد لله ان هو اتكشف في الوقت المناسب وما اتفضحناش قدام الكل قومي معايا

نيره وهي بتهز راسها مستحيله اصدق الكلام ده اتكلمي يا ملاك يا بنتي ما توجعيش قلبي عليك قولي لهم كلهم ان هم غلطانين في حقك

جاسر/هتقول لنا ايه ان هي خاينه وثبت الناس كلها وما لقيتش غير اخويا عشان تخوني معاه واقفه في وشي وعينها في عيني وبتبجح كمان وتقول لي مش هلاقي عريس لاختي احسن منه وهي مدبره كل حاجه

ميرا /ياما حذرتك انك ما تجوزش من العيله دي وخصوصا البنت المزهوكه دي
بس انت حبك عماك وما تلومش اخوك اكيد هي اغرته

جاسر راح عندها وبص في عينيها وباين عليه علامات الاجرام وقال بقلب مجروح

ليه يا ملاك ليه ردي عليا وريحيني ليه

انا ما حبتش غيرك واتحملتك كل السنين دي وانت مش قادره تديني حقوقي ودلوقتي بتخونيني ردي عليا وريحيني
هنا ملاك ما قدرتش تفضل ساكت اكتر من كده وراحت بكل قوتها راحت رداله الالم على وشه

الكل كان واقف مصدوم وحاطط ايده على بقه

ميرا انت ايه اللي عملتيه ده وكمان لك عين بجحه

ملاك وهي بتسقف بايديها 👏👏
برافو دلوقتي بقيت انا الخاينه مش كده وكلكم جيتوا عليا وبقيت واحده خسيسه وناكره للجميل عشان ما صنتش الراجل اللي حبني ورحت خنته
وست الناس كلها وما لقيتش غير اخوه بجد انا مش كويسه

ميرا ايوه مش كويسه انت كمان لكان تتكلمي وبتقوحي كمان

ملاك /احب اقول لك يا ميرا هانم انك كسبتي في كرهك ليا كنت عايزه بنت اختك صح يا ترى بنت اختك كانت هتستحمل اللي انا استحملته طبعا لا